完整藏文原文 · 德格版页 当前仅加载第 9 函德格 21a 版页；藏文 NFD、目录标记与异常页序保留在来源切片中，重复版页行以稳定序号区分。
སྡོམ་ལ། ཆོས་དང་སྐྲོད་པ་རྣམ་གཉིས་དང་། །གླེང་དང་མནའ་འདོར་རྡེག་པ་དང་། །བརྙས་ཐབས་སྤྱོ་དང་ཆུ་འཐོར་དང་། །འཁྲུག་ལོང་ཡལ་བར་འདོར་བའོ། །ཡང་དགེ་སློང་མ་གང་ཆོས་ལ་སེར་སྣ་བྱེད་ན་ལྟུང་བྱེད་དོ། །ཡང་དགེ་སློང་མ་གང་ཁྲོས་འཁྲུགས་
D4.009.0021a01.01རྔམ་པར་གྱུར་ཏེ་ཡི་མ་རངས་ནས་དབྱར་ཁང་ནས་དགེ་སློང་མ་སྐྲོད་ན་ལྟུང་བྱེད་དོ། །ཡང་དགེ་སློང་མ་གང་ཁྱིམ་གཞན་ན་དགེ་སློང་མ་སྔ་ནས་གནས་པར་ཤེས་བཞིན་དུ་ཕྱིས་འོངས་ཏེ་སྐྲོད་པར་བྱེད་ན་ལྟུང་བྱེད་དོ། །ཡང་དགེ་སློང་མ་གང་ལེགས་པར་མཐོང་བ་དང་། ཐོས་པ་དང་། དོགས་
D4.009.0021a02.01པ་མེད་པར་དགེ་སློང་མའི་ལྟུང་བ་གླེང་ན་ལྟུང་བྱེད་དོ། །ཡང་དགེ་སློང་མ་གང་མནའ་འདོར་ན་ལྟུང་བྱེད་དོ། །ཡང་དགེ་སློང་མ་གང་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་བདག་ཉིད་ལ་རྡེག་ན་ལྟུང་བྱེད་དོ། །ཡང་དགེ་སློང་མ་གང་དགེ་སློང་མའི་ཚོགས་ལ་བརྙས་ཐབས་བྱེད་ན་ལྟུང་
D4.009.0021a03.01བྱེད་དོ། །ཡང་དགེ་སློང་མ་གང་དགེ་སློང་མའི་ཚོགས་ལ་སྤྱོ་ན་ལྟུང་བྱེད་དོ། །ཡང་དགེ་སློང་མ་གང་འཁོར་གཙོ་བོ་ལ་ཆུས་འཐོར་ན་ལྟུང་བྱེད་དོ། །ཡང་དགེ་སློང་མ་གང་མཐུ་ཡོད་བཞིན་དུ་དགེ་སློང་མ་རྣམས་ཀྱིས་འཁྲུག་ལོང་ཡལ་བར་འདོར་ན་ལྟུང་བྱེད་དོ།། །།སྡོམ་ལ། འདུན་
D4.009.0021a04.01པ་གདམས་ངག་དབྱར་གནས་དང་། །དགག་དབྱེ་གསོ་སྦྱོང་སྲ་བརྐྱང་དང་། །དབྱུང་དང་གོས་འགྱེད་དབྱར་ཁང་དང་། །དབྱར་གྱི་ནང་དུ་ལྗོངས་རྒྱུ་བའོ། །ཡང་དགེ་སློང་མ་གང་ཞག་ལོན་པའི་འདུན་པ་འབུལ་ན་ལྟུང་བྱེད་དོ། །ཡང་དགེ་སློང་མ་གང་ཟླ་བ་ཕྱེད་ཕྱེད་ཅིང་དགེ་སློང་ལ་གདམས་ངག་
D4.009.0021a05.01དང་རྗེས་སུ་བསྟན་པ་མི་ཉན་ན་ལྟུང་བྱེད་དོ། །ཡང་དགེ་སློང་མ་གང་དགེ་སློང་མེད་པའི་གནས་སུ་དབྱར་གནས་པར་ཁས་ལེན་ན་ལྟུང་བྱེད་དོ། །ཡང་དགེ་སློང་མ་གང་དབྱར་གནས་པས་གཉིས་ཀའི་དགེ་འདུན་ལ་མཐོང་བ་དང་། ཐོས་པ་དང་། དོགས་པའི་གནས་གསུམ་གྱིས་དགག་དབྱེ་
D4.009.0021a06.01མི་བྱེད་ན་ལྟུང་བྱེད་དོ། །ཡང་དགེ་སློང་མ་གང་དགེ་སློང་མེད་པར་གསོ་སྦྱོང་བྱེད་ན་ལྟུང་བྱེད་དོ། །ཡང་དགེ་སློང་མ་གང་དབུལ་པོ་སྲ་བརྐྱང་སྦྱོར་དུ་འཇུག་ན་ལྟུང་བྱེད་དོ། །ཡང་དགེ་སློང་མ་གང་སྲ་བརྐྱང་དབྱུང་བའི་ཐབས་བག་ཡངས་སུ་བྱ་བའི་ཚོགས་པ་མི་སྦྱིན་ན་ལྟུང་བྱེད་དོ། །ཡང་
D4.009.0021a07.01