完整藏文原文 · 德格版页 当前仅加载第 9 函德格 20a 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་དོ། །ཡང་དགེ་སློང་མ་གང་སྒྱུ་ཐབས་ཀྱིས་རྨ་བཅིངས་ཤིང་བཅིངས་ཤིང་འགྲོལ་དུ་འཇུག་ན་ལྟུང་བྱེད་དོ། །ཡང་དགེ་སློང་མ་གང་བུ་འཚོ་ན་ལྟུང་བྱེད་དོ། །ཡང་དགེ་སློང་མ་གང་ཁྱིམ་བདག་ལ་མ་དྲིས་པར་ཁྱིམ་གཞན་དུ་མཚན་མོ་ཉལ་ན་ལྟུང་བྱེད་དོ། །ཡང་དགེ་སློང་
D4.009.0020a01.01མ་གང་མ་བརྟགས་པར་མཚན་མོའི་སྐྱབས་ཡོད་པར་ཉལ་ན་ལྟུང་བྱེད་དོ། །ཡང་དགེ་སློང་མ་གང་དགེ་སློང་མ་གཞན་མེད་པར་གནས་ཁང་དུ་མཚན་མོ་ཉལ་ན་ལྟུང་བྱེད་དོ།། །།སྡོམ་ལ། ཁྲི་གཅིག་ལ་ནི་ཉལ་བ་དང་། །དྲིལ་ཕྱི་བྱེད་པ་རྣམ་ལྔ་དང་། །བཀྲུ་བཤལ་བྱེད་དང་
D4.009.0020a02.01དྲི་ཞིམ་དང་། །འབྲུ་མར་དང་ནི་ཆུ་ཁྲུས་སོ། །ཡང་དགེ་སློང་མ་གང་དགེ་སློང་མ་དང་ལྷན་ཅིག་ཁྲི་གཅིག་གི་སྟེང་དུ་ཉལ་ན་ལྟུང་བྱེད་དོ། །ཡང་དགེ་སློང་མ་གང་རང་གི་ལུས་ལ་དགེ་སློང་མ་དྲིལ་ཕྱི་བྱེད་དུ་འཇུག་ན་ལྟུང་བྱེད་དོ། །ཡང་དགེ་སློང་མ་གང་རང་གི་ལུས་ལ་དགེ་སློབ་མ་དྲིལ་ཕྱི་
D4.009.0020a03.01བྱེད་དུ་བཅུག་ན་ལྟུང་བྱེད་དོ། །ཡང་དགེ་སློང་མ་གང་རང་གི་ལུས་ལ་ཁྱིམ་པ་མོ་དྲིལ་ཕྱི་བྱེད་དུ་བཅུག་ན་ལྟུང་བྱེད་དོ། །ཡང་དགེ་སློང་མ་གང་རང་གི་ལུས་ལ་ཀུན་དུ་རྒྱུ་མོ་དྲིལ་ཕྱི་བྱེད་དུ་བཅུག་ན་ལྟུང་བྱེད་དོ། །ཡང་དགེ་སློང་མ་གང་རང་གི་ལུས་ལ་བུད་མེད་བཀྲུ་བཤལ་བྱེད་དུ་བཅུག་ན་
D4.009.0020a04.01ལྟུང་བྱེད་དོ། །ཡང་དགེ་སློང་མ་གང་རང་གི་ལུས་ལ་རྫས་དྲི་ཞིམ་པོ་སྐུད་ན་ལྟུང་བྱེད་དོ། །ཡང་དགེ་སློང་མ་གང་རང་གི་ལུས་ལ་འབྲུ་མར་གྱི་ཚིགས་མ་སྐུད་ན་ལྟུང་བྱེད་དོ། །ཡང་དགེ་སློང་མ་གང་ལག་པ་སྦྲེལ་ཏེ་ཆུར་ཁྲུས་བྱེད་ན་ལྟུང་བྱེད་དོ།། །།སྡོམ་ལ། པུ་ཤེལ་ཙི་དང་སོ་{མངས་,མང་}
D4.009.0020a05.01དང་། །སྨིག་ཤད་གསུམ་དང་སྐྲ་བརྙན་དང་། །རྒྱན་དང་བྲོ་རྡུང་གླུ་ལེན་དང་། །རོལ་མོ་བྱེད་དང་གདུགས་ཐོགས་པའོ། །ཡང་དགེ་སློང་མ་གང་པུ་ཤེལ་ཙིས་སྐྲ་འཆད་ན་ལྟུང་བྱེད་དོ། །ཡང་དགེ་སློང་མ་གང་སོ་{མངས་ཀྱིས་,མང་གིས་}སྐྲ་འཆད་ན་ལྟུང་བྱེད་དོ། །ཡང་དགེ་སློང་མ་གང་
D4.009.0020a06.01སྨིག་ཤད་ཀྱིས་སྐྲ་འཆད་ན་ལྟུང་བྱེད་དོ། །ཡང་དགེ་སློང་མ་གང་པུ་ཤེལ་ཙི་དང་སོ་{མངས་,མང་}དང་སྨིག་ཤད་དང་གསུམ་ཅར་གྱིས་སྐྲ་འཆད་ན་ལྟུང་བྱེད་དོ། །ཡང་དགེ་སློང་མ་གང་སྐྲ་བརྙན་ཐོགས་ན་ལྟུང་བྱེད་དོ། །ཡང་དགེ་སློང་མ་གང་ཁྱིམ་པ་མོའི་རྒྱན་ཐོགས་ན་ལྟུང་བྱེད་དོ། །ཡང་
D4.009.0020a07.01