完整藏文原文 · 德格版页 当前仅加载第 34 函德格 251a 版页；藏文 NFD、目录标记与异常页序保留在来源切片中，重复版页行以稳定序号区分。
པར་གནས་ཤིང་འདུ་འཛིའི་འཚེ་བ་མེད་དོ། །སོ་སོར་དགེ་སྦྱོང་རྣམས་འཐུན་པར་གནས་སོ། །དེ་ན་གནོད་སྦྱིན་མ་རུངས་པ་རྣམས་ཀྱི་གནས་ཡོད་དོ། །གང་ཞིག་གིས་བཅོམ་ལྡན་འདས་ཀྱི་གསུང་རབ་ལ་མ་དད་པར་གྱུར་ཏེ། དེ་རྣམས་དད་པར་བྱ་བའི་ཕྱིར་
D33.034.0251a01.01བཙུན་པ་བཅོམ་ལྡན་འདས་ལ་བསླབ་པར་བྱ་སྟེ། ལྕང་ལོ་ཅན་གྱི་ཕོ་བྲང་གིས་བསྲུང་དུ་གསོལ། དགེ་སློང་ངམ་དགེ་སློང་མ་འམ། དགེ་བསྙེན་ནམ་དགེ་བསྙེན་མ་རྣམས་ལ་བསྲུང་བ་དང་། སྦ་བ་དང་འཚེ་བ་མེད་པ་དང་བདེ་བ་དང་ལེགས་པར་གནས་སོ། །བཅོམ་ལྡན་འདས་ཀྱིས་ཅང་མི་གསུང་
D33.034.0251a02.01བའི་ཚུལ་གྱིས་གནང་ངོ་། །དེ་ནས་རྒྱལ་པོ་ཆེན་པོ་རྣམ་ཐོས་ཀྱི་བུས་བཅོམ་ལྡན་འདས་ཀྱིས་གནང་བ་ཤེས་ཏེ། དེའི་ཚེ་འདི་ལྟར་ལྕང་ལོ་ཅན་གྱི་ཕོ་བྲང་གིས་སྲུངས་ཤིག་ཅེས་གསོལ་ཏོ། །སྤྱན་ལྡན་དཔལ་དང་ལྡན་པ་ཡི། །རྣམ་པར་གཟིགས་ལ་ཕྱག་འཚལ་ལོ། །འབྱུང་པོ་རྣམས་
D33.034.0251a03.01ལ་བརྩེ་བ་ཡི། །གཙུག་ཏོར་ཅན་ལའང་ཕྱག་འཚལ་ལོ། །མགོན་མེད་རྣམས་ལ་གདུང་བ་ཡི། །ཐམས་ཅད་སྐྱོབ་ལ་ཕྱག་འཚལ་ལོ། །བདུད་ཀྱི་སྡེ་རྣམས་འཇོམས་པ་ཡི། །འཁོར་བ་འཇིག་ལ་ཕྱག་འཚལ་ལོ། །བྲམ་ཟེ་དཔལ་དང་ལྡན་པ་ཡི། །གསེར་ཐུབ་ལ་ནི་ཕྱག་
D33.034.0251a04.01འཚལ་ལོ། །སེམས་ཅན་རྣམ་གྲོལ་མཛད་པ་ཡི། །འོད་སྲུང་ལ་ནི་ཕྱག་འཚལ་ལོ། །ཤཱཀྱའི་སྲས་ནི་དཔལ་དང་ལྡན། །ཉི་མའི་རྒྱུད་ལ་ཕྱག་འཚལ་ལོ། །སྡུག་བསྔལ་ཀུན་ལས་སྒྲོལ་མཛད་པ། །གང་ཞིག་ཆོས་ནི་རབ་སྟོན་མཛད། །གང་ཡང་འཇིག་རྟེན་པར་གྱུར་པ། །ཇི་
D33.034.0251a05.01ལྟ་བ་བཞིན་གཟིགས་གྱུར་པའི། །དེ་རྣམས་ལ་ནི་ཕྲ་མ་མེད། །འཇིགས་པ་མེད་པ་ཆེན་པོའོ། །གང་ཞིག་གཽ་ཏམ་ཕྱག་བྱེད་པ། །ལྷ་དང་མི་ལ་ཕན་པ་ཡིན། །རིག་པ་དང་ནི་ཞབས་སུ་ལྡན། །འཇིགས་པ་མེད་པ་ཆེན་པོ་སྟེ། །ཉི་མའི་དཀྱིལ་འཁོར་ཆེན་པོ་ནི། །གང་
D33.034.0251a06.01ཞིག་ཏུ་ནི་ནུབ་ཅིང་འཆར། །གང་དུ་ཉི་མ་ནུབ་གྱུར་པ། །དེ་ནི་མཚན་མོར་འགྱུར་བ་ཡིན། །གང་དུ་ཉི་མ་ཤར་གྱུར་པ། །དེ་ནི་ཉིན་མོ་ཞེས་བརྗོད་དོ། །གཏིང་ནི་ཟབ་པའི་རྒྱ་མཚོ་ཡི། །དེ་ཡི་ཆུ་ཡི་བཅུད་བཟང་ངོ་། །དེ་ལྟར་དེར་ནི་སྐྱེས་གྱུར་པ། །རྒྱ་མཚོའི་ཆུ་ཡི་བཅུད་བཞིན་ནོ། །
D33.034.0251a07.01