完整藏文原文 · 德格版页 当前仅加载第 34 函德格 255a 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་སྡེ་མང་པོ་དང་། ཀླུའི་སྡེ་མང་པོ་དང་། ཕྱོགས་བཞི་བསྲུང་ཞིང་གནས་སོ། །ཕྱོགས་བཞིར་ཚན་ཚན་དུ་གནས་སོ། །ཕྱོགས་བཞི་སྐྱོང་ཞིང་གནས་སོ། །མཚན་མོ་འོངས་ཏེ་ཁ་དོག་སྣ་ཚོགས་པ་ཅན་གྱིས་བྱ་རྒོད་ཕུང་པོའི་རི་འབའ་ཞིག་སྣང་བར་བྱས་ཏེ། བཅོམ་
D33.034.0255a01.01ལྡན་འདས་ག་ལ་བ་དེར་སོང་སྟེ་སོང་ནས་ང་ལ་ཕྱག་བྱས་ནས་ཕྱོགས་གཅིག་ཏུ་འཁོད་དོ། །དགེ་སློང་དག་དང་གནོད་སྦྱིན་དེ་རྣམས་གང་ལ་ལ་ཞིག་གིས་ང་ལ་ཕྱག་བྱས་ནས་ཕྱོགས་གཅིག་ཏུ་འཁོད་དོ། །གང་སུ་དག་གིས་ང་ལ་སྙུན་གསོལ་ཏེ་སྙུན་གསོལ་ནས་ཇི་ལྟར་སྙིང་པོ་དང་སྙིང་པོ་མེད་
D33.034.0255a02.01པའི་གཏམ་འདྲི་ཞིང་ཕྱོགས་གཅིག་ཏུ་འཁོད་དོ། །གང་སུ་དག་གིས་ང་ལ་ཐལ་མོ་སྦྱར་ནས་ཕྱོགས་གཅིག་ཏུ་འཁོད་དོ། །གང་སུ་དག་གིས་མིང་དང་རིགས་དཔྱོད་ཅིང་ཕྱོགས་གཅིག་ཏུ་འཁོད་དོ། །གང་སུ་དག་ཅང་མི་སྨྲ་བར་ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས་དགེ་སློང་
D33.034.0255a03.01དག་དང་རྒྱལ་པོ་ཆེན་པོ་རྣམ་ཐོས་ཀྱི་བུས་ང་ལ་འདི་སྐད་ཅེས་གསོལ་ནས། གནོད་སྦྱིན་མ་རུངས་པ་ཡོད་པ་རྣམས་བཙུན་པ་བཅོམ་ལྡན་འདས་ལ་མ་དད་པར་གྱུར་ཏོ། །གནོད་སྦྱིན་མ་རུངས་པ་གང་ལ་ལ་ཞིག་བཅོམ་ལྡན་འདས་ལ་དད་པར་གྱུར་ཏོ། །གནོད་སྦྱིན་འབྲིང་པོ་གང་ལ་ལ་ཞིག་
D33.034.0255a04.01བཙུན་པ་བཅོམ་ལྡན་འདས་ལ་མ་དད་པར་གྱུར་ཏོ། །གནོད་སྦྱིན་འབྲིང་པོ་གང་ལ་ལ་ཞིག་བཙུན་པ་བཅོམ་ལྡན་འདས་ལ་དད་པར་གྱུར་ཏོ། །གནོད་སྦྱིན་དམན་པ་གང་ལ་ལ་ཞིག་བཙུན་པ་བཅོམ་ལྡན་འདས་ལ་མ་དད་པར་གྱུར་ཏོ། །གནོད་སྦྱིན་དམན་པ་གང་ལ་ལ་ཞིག་བཙུན་པ་བཅོམ་
D33.034.0255a05.01ལྡན་འདས་ལ་དད་པར་གྱུར་ཏོ། །གནོད་སྦྱིན་གང་ལ་ལ་ཞིག་བཙུན་པ་བཅོམ་ལྡན་འདས་ལ་མ་དད་པར་གྱུར་པའི་རྒྱུ་གང་ལགས། བཙུན་པ་བཅོམ་ལྡན་འདས་ཀྱིས་སྲོག་གཅོད་པ་སྤོང་བའི་ཆོས་བསྟན་པ་དང་། མ་བྱིན་པར་ལེན་པ་སྤོང་བའི་ཆོས་བསྟན་པ་དང་། འདོད་པས་ལོག་པར་སྤྱོད་
D33.034.0255a06.01པ་སྤོང་བའི་ཆོས་བསྟན་པ་དང་། {བརྫུན་,རྫུན་}དུ་སྨྲ་བ་སྤོང་བའི་ཆོས་བསྟན་པ་དང་། མྱོས་པར་འགྱུར་བའི་ཆང་གི་བཏུང་བ་སྤོང་བའི་ཆོས་བསྟན་པས་སོ། །གནོད་སྦྱིན་གང་དེ་རྣམས་བཙུན་པས་སྲོག་གཅོད་པ་སྤོང་བ་ལ་མི་དགའ་བར་གྱུར་པ་དང་། མ་བྱིན་པར་ལེན་པ་སྤོང་བ་ལ་མི་དགའ་
D33.034.0255a07.01