完整藏文原文 · 德格版页 当前仅加载第 34 函德格 256b 版页；藏文 NFD、目录标记与异常页序保留在来源切片中，重复版页行以稳定序号区分。
བ་ཆེན་པོ་ལ། །ཐག་རིང་ནས་ནི་ཕྱག་བགྱིའོ། །སྐྱེས་བུ་ཅང་མཁྱེན་ཁྱེད་ཕྱག་འཚལ། །སྐྱེས་བུ་མཆོག་ཁྱོད་ཕྱག་འཚལ་ལོ། །དགེ་བ་རྟག་ཏུ་གསུང་བ་ལ། །མི་མ་ཡིན་རྣམས་ཁྱེད་ཕྱག་འཚལ། །རྟག་ཏུ་འདི་ནི་ཉན་པའོ། །དེ་ཕྱིར་དེ་ལྟར་འདི་བརྗོད་དེ། །རྒྱལ་བ་གཽ་ཏམ་ཕྱག་
D33.034.0256b01.01གྱིས་ཤིག །རྒྱལ་བ་གཽ་ཏམ་ཕྱག་བགྱིད་དོ། །རིག་པ་དང་ནི་ཞབས་སུ་ལྡན། །སངས་རྒྱས་གཽ་ཏམ་ཕྱག་འཚལ་ལོ། །ཉི་མའི་དཀྱིལ་འཁོར་ཆེན་པོ་ནི། །གང་ནས་གང་དུ་ཤར་གྱུར་པ། །དེར་ནི་ཉིན་མོར་འགྱུར་བ་སྟེ། །ཉིན་མོ་ཞེས་ནི་བརྗོད་པ་ཡིན། །གང་དུ་ཉི་མ་ནུབ་
D33.034.0256b02.01གྱུར་པ། །དེར་ནི་མཚན་མོར་རྗོད་པར་བྱེད། །གཏིང་ནི་ཟབ་པའི་རྒྱ་མཚོ་ཡི། །དེ་ཡི་ཆུ་ཡི་བཅུད་བཟང་ངོ་། །དེ་ལྟར་དེར་ནི་སྐྱེས་གྱུར་པའི། །རྒྱ་མཚོའི་ཆུ་ཡི་བཅུད་བཞིན་ནོ། །འདིར་ནི་ནུབ་ཀྱི་ཕྱོགས་ཀྱི་ནི། །སྐྱེ་བོ་རྣམས་ལ་འདི་བརྗོད་དེ། །དེ་ཡི་ཕྱོགས་ནི་ཀུན་སྐྱོང་
D33.034.0256b03.01བའི། །རྒྱལ་པོ་ཆེན་པོ་གྲགས་ཆེན་ལྡན། །ཀླུ་རྣམས་ཀྱི་ནི་བདག་པོ་སྟེ། །འདི་ཡི་མིང་ནི་མིག་མི་བཟང་། །ཀླུ་ཡི་འཁོར་དང་བཅས་པ་ནི། །གླུ་དང་གར་གྱིས་དགའ་བར་བྱེད། །དེ་ཡི་བུ་ནི་མང་པོ་རྣམས། །མིང་ནི་གཅིག་ཏུ་ཐོས་པ་སྟེ། །དབང་པོ་ཞེས་བྱ་སྟོབས་དང་ལྡན། །
D33.034.0256b04.01དེ་ནི་དགུ་བཅུ་རྩ་གཅིག་གོ། །དེ་ཡང་སངས་རྒྱས་མཐོང་བ་དང་། །ཉི་མའི་གཉེན་གྱི་སངས་རྒྱས་ནི། །འཇིགས་དང་བྲལ་བ་ཆེན་པོ་ལ། །ཐག་རིང་ནས་ནི་ཕྱག་བགྱིད་དོ། །སྐྱེས་བུ་ཅང་མཁྱེན་ཁྱེད་ཕྱག་འཚལ། །སྐྱེས་བུ་མཆོག་ཁྱོད་ཕྱག་འཚལ་ལོ། །དགེ་བ་རྟག་ཏུ་གསུང་
D33.034.0256b05.01བ་ལ། །མི་མ་ཡིན་རྣམས་ཁྱེད་ཕྱག་འཚལ། །རྟག་ཏུ་འདི་ནི་ཉན་པའོ། །དེ་ཕྱིར་དེ་ལྟར་འདི་བརྗོད་དོ། །རྒྱལ་བ་གཽ་ཏམ་ཕྱག་གྱིས་ཤིག། །རྒྱལ་བ་གཽ་ཏམ་ཕྱག་བགྱིད་དོ། །རིག་པ་དང་ནི་ཞབས་སུ་ལྡན། །སངས་རྒྱས་གཽ་ཏམ་ཕྱག་འཚལ་ལོ། །གང་ཞིག་བྱང་ཕྱོགས་སྒྲ་མི་
D33.034.0256b06.01སྙན། །ལྷུན་པོ་བལྟ་ན་སྡུག་རི་དགའ། །དེར་སྐྱེས་པ་ཡི་མི་རྣམས་ནི། །བདག་གིར་ཡོངས་སུ་བཟུང་བ་མེད། །དེ་རྣམས་ས་བོན་འདེབས་པ་མེད། །རྨོ་བ་ཡང་ནི་མེད་པ་ཡིན། །དཀའ་སྤྱད་མེད་པར་འབྲས་སྨིན་ནས། །མི་རྣམས་ཡོངས་སུ་ལོངས་སྤྱོད་དེ། །སྦུན་མེད་མ་གྲུགས་
D33.034.0256b07.01