完整藏文原文 · 德格版页 当前仅加载第 34 函德格 259a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་བའི་ཁྱུ་མཆོག་དང་། །དེ་བཞིན་རི་དང་གངས་ཅན་དང་། །གང་བ་སྨིན་དྲུག་ཕུག་དང་ནི། །འཚེ་བ་དང་ནི་བཏང་བཟུང་དང་། །སྣ་ཚོགས་བཤེས་གཉེན་གཉའ་ཤིང་འཛིན། །ས་སྐྱོང་རབ་ཏུ་རྟོགས་པ་དང་། །ངོ་ཚ་མིག་དང་ཁང་པ་དང་། །ལྔ་ལེན་གཏུམ་པ་ཨཱལ་
D33.034.0259a01.01པ་ཀ། །སྲིད་སྒྲུབ་ཡིད་བཟང་བཞིན་བཟང་དང་། །ཞོ་གདོང་ནོར་བུ་ནོར་བུ་སྤྱོད། །དེ་བཞིན་དབང་ཕྱུག་དང་བཅས་སོ། །འདི་རྣམས་ནི་གནོད་སྦྱིན་རྣམས་དང་། གནོད་སྦྱིན་ཆེན་པོ་རྣམས་དང་། སྡེ་དཔོན་རྣམས་དང་། སྡེ་དཔོན་ཆེན་པོ་རྣམས་ལ་གསོལ་བར་བྱེད་པ་དང་། ང་རོ་སྒྲོགས་
D33.034.0259a02.01པར་བྱེད་པ་དང་། སྒྲ་ཆེར་སྒྲོགས་པར་བྱེད་པའོ། །འདིར་གནོད་སྦྱིན་གྱིས་བཟུང་ནས་གནོད་སྦྱིན་འདིས་ཚེ་འཕྲོག་པར་བྱེད་པ་དང་། གནོད་སྦྱིན་འདིས་འཚེ་བར་བྱེད་པ་དང་། གནོད་སྦྱིན་འདིས་རྣམ་པར་ཐོ་འཚམ་པར་བྱེད་པ་དང་། གནོད་སྦྱིན་འདིས་གནོད་པར་བྱེད་པ་དང་། གནོད་སྦྱིན་འདིས་
D33.034.0259a03.01རྣམ་པར་གནོད་པར་བྱེད་པ་དང་། གནོད་སྦྱིན་འདིས་ནི་མི་གཏོང་བར་བྱེད་དོ། །དྲང་སྲོང་ཆེན་པོ་འདིས་ནི་ལྕང་ལོ་ཅན་གྱི་ཕོ་བྲང་གིས་སྲུངས་ཤིག །དགེ་སློང་དང་དགེ་སློང་མ་དང་། དགེ་བསྙེན་དང་དགེ་བསྙེན་མ་རྣམས་ལ་བསྲུང་བ་དང་། སྦ་བ་དང་འཚེ་བ་མེད་པ་དང་། བདེ་བ་དང་ལེགས་
D33.034.0259a04.01པར་གནས་སོ། །དྲང་སྲོང་ཆེན་པོ་ད་ནི་བདག་ཅག་རྣམས་འགྲོ་བར་བགྱིའོ། །བདག་ཅག་རྣམས་ནི་བྱ་བ་མང་བ་དང་། བྱེད་པ་མང་བས་སོ། །དགེ་སློང་དག་བདག་གིས་ད་ནི་རྒྱལ་པོ་ཆེན་པོ་རྣམས་ལ་འགྲོ་བའི་གནང་བ་བྱིན་ནོ། །དེ་ནས་རྒྱལ་པོ་ཆེན་པོ་བཞི་པོ་རྣམས་ལངས་ནས་བདག་ལ་
D33.034.0259a05.01ཕྱག་བྱས་ཏེ། བསྐོར་བ་བྱས་ནས་དེ་ཉིད་དུ་མི་སྣང་བར་གྱུར་ཏོ། །དགེ་སློང་དག་གནོད་སྦྱིན་རྣམས་ཀྱིས་ཀྱང་ལངས་ནས་བདག་ལ་ཕྱག་བྱས་བསྐོར་བ་བྱས་ནས་དེ་ཉིད་དུ་མི་སྣང་བར་གྱུར་ཏོ། །གང་སུ་དག་གིས་བདག་ལ་སྙུན་གསོལ་ཏེ། སྙུན་གསོལ་ནས་སྙིང་པོ་དང་སྙིང་པོ་མེད་
D33.034.0259a06.01པ་ཇི་ལྟར་ཞེས་ཞུས་པ་དེ་རྣམས་དེ་ཉིད་དུ་མི་སྣང་བར་གྱུར་ཏོ། །གང་སུ་དག་གིས་བདག་ག་ལ་བ་དེར་ཐལ་མོ་སྦྱར་ནས་འདུད་པ་བྱས་ཏེ་མི་སྣང་བར་གྱུར་ཏོ། །གང་ལ་ལ་ཞིག་གིས་མིང་དང་རིགས་རྣམ་པར་དཔྱད་ནས་དེ་ཉིད་དུ་མི་སྣང་བར་གྱུར་ཏོ། །གང་ལ་ལ་ཞིག་ཅང་མི་སྨྲ་བར་གྱུར་ཏེ་
D33.034.0259a07.01