完整藏文原文 · 德格版页 当前仅加载第 44 函德格 83b 版页；藏文 NFD、目录标记与异常页序保留在来源切片中，重复版页行以稳定序号区分。
སྨན་ཆེན་འོན་ཀྱང་ལུས་ལ་སྲེད་པ་དང་། ཚོར་བ་དང་། འདུ་ཤེས་དང་། རབ་ཏུ་ཤེས་པ་གང་ཡིན་པ་དེ་ནི་རྣམ་པར་ཤེས་པའི་ཁམས་ཡིན་ཏེ། དེ་ཡང་ལུས་འདིའི་ཁམས་རྣམས་དང་། སྐྱེ་མཆེད་རྣམས་དང་། ཕུང་པོ་རྣམས་ཕྲད་པར་བྱེད་པ་ཡིན་ནོ། །དེ་ལ་གཟུགས་
D83.044.0083b01.01ཅན་གྱི་དངོས་པོ་གང་ཡིན་པ་ནི་འདི་ལྟ་སྟེ། མིག་དང་། རྣ་བ་དང་། སྣ་དང་། རོ་དང་། སྒྲ་རྣམས་སོ། །ཚོར་བ་དང་། སྡུག་བསྔལ་དང་། བདེ་བ་དང་། ཡིད་རྣམས་ནི་གཟུགས་ཅན་མ་ཡིན་པའི་དངོས་པོ་སྟེ། དེ་ནི་རྣམ་པར་ཤེས་པའི་ཁམས་ཡིན་ནོ། །སྨན་
D83.044.0083b02.01ཆེན་ཇི་ལྟར་མིའི་ལྕེའི་ཐོར་ཏོས་རོ་ཁ་བ་དང་། ཚ་བ་དང་། སྐྱུར་བ་དང་། མངར་བ་དང་། ལན་ཚྭའི་རོ་དང་། བསྐ་བ་ཚོར་ཏེ། དེའི་ལྕེ་དེ་ཡང་གཟུགས་ཅན་ཡིན་ལ་རོའི་དངོས་པོ་ཡང་གཟུགས་ཅན་ཡིན་ནོ། །དེ་བཞིན་དུ་ལུས་འདི་ལ་ཡང་རུས་པ་དང་། རྐང་དང་།
D83.044.0083b03.01ཤ་དང་། ཁྲག་ནི་གཟུགས་ཅན་ཡིན་ལ། ཚོར་བ་གང་ཡིན་པ་དེ་ནི་གཟུགས་ཅན་མ་ཡིན་ཏེ། གང་གིས་རྣམ་པར་སྨིན་པ་དང་། བསོད་ནམས་དང་། བསོད་ནམས་མ་ཡིན་པ་མྱོང་བ་དེ་ནི་རྣམ་པར་ཤེས་པའོ། །དེ་ནས་བཟང་སྐྱོང་གིས་བཅོམ་ལྡན་འདས་ཀྱི་ཞབས་
D83.044.0083b04.01ལ་གཏུགས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བསོད་ནམས་དང་། བསོད་ནམས་མ་ལགས་པ་མྱོང་བ་དེ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། བཟང་སྐྱོང་དེའི་ཕྱིར་ཉོན་ཅིག །བདེན་པ་མ་མཐོང་བས་ནི་རྣམ་
D83.044.0083b05.01པར་ཤེས་པ་འདི་མི་མཐོང་སྟེ། དེ་ནི་ལག་མཐིལ་དུ་སྐྱུ་རུ་ར་བཞག་པ་བཞིན་དུ་མཐོང་བར་མི་འགྱུར་རོ། །དེ་ནི་མིག་ལ་ཡང་མི་གནས་ཏེ། མིག་ལས་ཀྱང་སྐྱེ་བ་མཐོང་བར་ཡང་མི་འགྱུར་རོ། །བཟང་སྐྱོང་དེ་བཞིན་གཤེགས་པ་གང་གཱའི་ཀླུང་གི་བྱེ་མ་སྙེད་དག་གིས་རྣམ་པར་
D83.044.0083b06.01ཤེས་པའི་ཁམས་འདི་ཇི་ལྟར་གཟིགས་པ་དེ་བཞིན་དུ་ངས་ཀྱང་གཟུགས་ཅན་མ་ཡིན་པར་ཐུགས་སུ་ཆུད་དེ། འོན་ཀྱང་བྱིས་པ་རྣམས་ཀྱིས་མི་ཤེས་པའི་ཕྱིར་རྣམ་པར་ཤེས་པའི་ཁམས་འདི་དཔེས་བསྟན་ཏོ། །བཟང་སྐྱོང་འདི་ན་རྣམ་པར་ཤེས་པའི་ཁམས་འདིས་བསོད་ནམས་
D83.044.0083b07.01