完整藏文原文 · 德格版页 当前仅加载第 44 函德格 84a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། བསོད་ནམས་མ་ཡིན་པ་ཇི་ལྟ་བ་བཞིན་དུ་རིག་སྟེ། དཔེར་ན་མི་ལ་ལ་སྐེམ་བྱེད་དམ། བརྗེད་བྱེད་དམ། དྲི་ཟའི་གདོན་ནམ། ལྷའི་གདོན་གྱིས་ཟིན་པར་གྱུར་ན་བཟང་སྐྱོང་འདི་ཇི་སྙམ་དུ་སེམས། ཅི་མི་དེའི་ཁོང་ན་འདུག་པའི་སྐེམ་བྱེད་དམ། དྲི་ཟ་
D83.044.0084a01.01འམ། ལྷ་དེ་སྣང་ངམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །མི་དེའི་ནའང་མ་སླད་རོལ་ན་ཡང་གདོན་མི་གདའ་སྟེ། གདོན་དེ་དག་ནི་གཟུགས་མ་མཆིས་པ་ལགས་སོ། །བཟང་སྐྱོང་དཔེར་ན་ལྷའི་གདོན་ཆེན་པོས་མེ་ཏོག་ཤིན་ཏུ་དྲི་ཞིམ་པ་དང་། སྤོས་དང་།
D83.044.0084a02.01བདུག་པ་དང་། མེ་ཏོག་ཕྲེང་བྱིན་པ་ལེན་པ་དེ་བཞིན་དུ་རྣམ་པར་ཤེས་པའི་ཁམས་བསོད་ནམས་དང་ལྡན་པས་ཀྱང་ལུས་བླངས་ནས་རྒྱལ་སྲིད་ཀྱི་དབང་ཕྱུག་གམ། ཚོང་དཔོན་ཉིད་དམ། ལྷ་ཉིད་བྱེད་དུ་འཇུག་སྟེ། དེ་ལྟར་ན་རྣམ་པར་ཤེས་པའི་ཁམས་འདི་ནི་བསོད་ནམས་མྱོང་
D83.044.0084a03.01བ་ཡིན་ནོ། །ཇི་ལྟར་ལྷའི་གདོན་དེ་ལྷའི་མེ་ཏོག་ཕྲེང་བྱིན་པས་རངས་པར་འགྱུར་ཞིང་མི་དེའི་ལུས་ཀྱང་ཚིམ་པར་འགྱུར་བ་དེ་བཞིན་དུ་རྣམ་པར་ཤེས་པའི་ཁམས་འདི་ཡང་རྒྱལ་སྲིད་ཀྱི་དབང་ཕྱུག་ཉིད་ལ་དགའ་བར་འགྱུར་ཞིང་ལུས་དེ་ཡང་ཚིམ་པར་འགྱུར་ཏེ། དེ་ལྟར་ན་རྣམ་
D83.044.0084a04.01པར་ཤེས་པ་འདི་ནི་བསོད་ནམས་མྱོང་བ་ཡིན་ནོ། །བཟང་སྐྱོང་དཔེར་ན་སྲུལ་པོའི་གདོན་མི་སྡུག་ཅིང་གཟུགས་མི་སྣང་བ་མིའི་ལུས་ལ་གནས་ཏེ་མི་གཙང་བ་དང་། རུལ་པ་དང་། ལྗན་ལྗིན་དང་། གཏོར་ཁུང་ནས་འབབ་པ་དང་། གཏོར་མ་འདོད་ཅིང་དེ་ཡང་གཏོར་མ་དེས་
D83.044.0084a05.01དགའ་བར་འགྱུར་ལ། མི་དེ་ཡང་གདོན་གྱི་དབང་གིས་དྲི་ང་ཞིང་མི་གཙང་བ་ལས་བྱུང་བའི་ཁ་ཟས་བཙོག་པ་དག་ལ་ཆགས་ཤིང་དགའ་བར་འགྱུར་བ་དེ་བཞིན་དུ་རྣམ་པར་ཤེས་པའི་ཁམས་འདི་ཡང་བསོད་ནམས་མ་ཡིན་པར་ཉེ་བར་འགྲོ་བའི་ལས་ཀྱིས་སྐྱེ་གནས་ངན་པ་བསྐྱེད་དེ།
D83.044.0084a06.01དབུལ་པོའམ། {ཡི་དགས་,ཡི་དྭགས་}ངན་པ་འམ། ལྗན་ལྗིན་ཟ་བ་དག་ལ་ཆགས་ཤིང་དགའ་བར་འགྱུར་ཏེ། དེ་ལྟར་ན་རྣམ་པར་ཤེས་པའི་ཁམས་འདི་ནི་བསོད་ནམས་མ་ཡིན་པ་མྱོང་བ་ཡང་ཡིན་ནོ། །དཔེར་ན་ལྷའི་གདོན་ཆེན་པོ་གཟུགས་མེད་པ་དེ་ལྷའི་ལོངས་སྤྱོད་ལེན་པ་དེ་བཞིན་དུ་
D83.044.0084a07.01