完整藏文原文 · 德格版页 当前仅加载第 44 函德格 91a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་བཀའ་སྩལ་པ། འདུ་བྱེད་ཀྱི་རྟགས་དང་། ཚོར་བའི་རྟགས་དང་། འདུ་ཤེས་ཀྱི་རྟགས་དང་། སེམས་པ་དང་། མྱ་ངན་དང་། གདུང་བ་དང་། ཡིད་མི་བདེ་བ་ནི་རྣམ་པར་ཤེས་པའི་རྟགས་སུ་བལྟའོ། །གཞན་ཡང་རྣམ་པར་ཤེས་པའི་བག་ཆགས་འདི་ལྟར་དགེ་བར་ཉེ་བར་
D83.044.0091a01.01འགྲོ་བའི་སེམས་དང་། མི་དགེ་བར་ཉེ་བར་འགྲོ་བའི་སེམས་ལས་བལྟ་བར་བྱའོ། །དེ་སྐད་ཅེས་བཀའ་སྩལ་ནས། བཅོམ་ལྡན་འདས་ལ་སྨན་ཆེན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་ཇི་ལྟར་རྣམ་པར་ཤེས་པ་ལུས་ལས་བྱུང་སྟེ་མྱུར་དུ་སྐྱེ་བ་ཡོངས་སུ་ལེན་པ་ལགས།
D83.044.0091a02.01རྣམ་པར་ཤེས་པ་ལུས་ལས་བྱུང་ནས་མ་སྐྱེས་ཤིང་ཡོངས་སུ་མ་བཟུང་བ་དེས་ཇི་ལྟར་ལུས་གཞན་ལ་གནས་པར་བགྱིད། རྣམ་པར་ཤེས་པ་འདི་ནི་ཇི་ལྟར་བལྟ་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། སྨན་ཆེན་དཔེར་ན་མི་ལ་ལ་ལག་པ་རིང་ཞིང་ཐུར་དུ་བརྐྱང་ལ་གཡུལ་གྱི་གོ་
D83.044.0091a03.01ཆ་གྱོན་ཏེ། ལྷའི་རྟ་རླུང་གི་ཤུགས་དང་འདྲ་བར་མགྱོགས་པ་ལ་ཞོན་ནས་གཡུལ་དུ་འགྲོ་སྟེ། དེ་གཡུལ་ངོ་དེར་སོང་ནས་མདུང་དང་། རལ་གྲི་དང་། མདའ་དག་གིས་སྙིང་མྱོས་ཏེ། གཡུལ་ངོར་རྟའི་མཆོག་དེ་ལས་ས་ལ་ལྷུང་ལ། དེ་ཡང་ལུས་ཀྱི་འཕོང་རྩལ་ཡོངས་སུ་སྦྱངས་པ་ཞིག་སྟེ།
D83.044.0091a04.01མྱུར་བ་མྱུར་བར་ས་ལས་རྟའི་རྒྱབ་ཏུ་འགོང་བར་བྱེད་ན། ཇི་ལྟར་མི་དེ་ལྷུང་ནས་རྟ་ཞོན་པ་དང་འགོད་ཆེ་བས་ཇི་ལྟར་རྟ་ཉེ་བར་གནས་པ་ལ་རྟ་ལ་འགོང་བ་ན་རྟ་འགྲོ་བཞིན་དུ་འགོང་བ་ཆེན་པོས་འགོང་བར་བྱེད་པ་དེ་བཞིན་དུ་རྣམ་པར་ཤེས་པ་ཡང་བལྟ་བར་བྱའོ། །ཇི་ལྟར་མི་ཕ་རོལ་གྱི་
D83.044.0091a05.01དམག་ཚོགས་ཀྱིས་འཇིགས་ཤིང་སྐྲག་ནས་རྟ་ཞོན་ཏེ་འབྲོས་པ་དེ་བཞིན་དུ་རྣམ་པར་ཤེས་པ་འདི་ཐོག་མ་ཤི་འཕོས་ནས་ལྷའི་དམིགས་པས་ཡོངས་སུ་ཟིན་ཅིང་ལྷ་དང་ལྷ་མོ་ཁྲིའི་སྟེང་ན་འདུག་པ་མཐོང་ནས་ཤིན་ཏུ་མྱུར་བར་སྐྱེ་བ་ཡོངས་སུ་ལེན་ཏོ། །སྨན་ཆེན་གཞན་ཡང་དང་པོ་ཤི་
D83.044.0091a06.01འཕོས་ནས། ད་དུང་མ་སྐྱེས་པའི་རྣམ་པར་ཤེས་པའི་རྣམ་པ་ཇི་ལྟར་བལྟ་བར་བྱ་ཞེས་གང་ཁྱོད་ཀྱིས་སྨྲས་པ་དེ་ནི་དཔེར་ན་མིའི་གྲིབ་མ་ཆུའི་སྟེང་དུ་བབ་པ་གཟུགས་སུ་སྣང་མོད་ཀྱི། དེ་གཟུགས་སུ་གཏོགས་པར་ཡང་བལྟ་བར་མི་བྱའོ། །སྨན་ཆེན་དཔེར་ན་རྐང་ལག་མཉམ་པ་དང་
D83.044.0091a07.01