完整藏文原文 · 德格版页 当前仅加载第 44 函德格 87b 版页；藏文 NFD、目录标记与异常页序保留在来源切片中，重复版页行以稳定序号区分。
གི་དབང་གིས་བཞིན་གྱི་མདོག་སྡུག་པ་འམ་མི་སྡུག་པ་སྣང་ལ། མེ་ལོང་གི་གཟུགས་བརྙན་དེ་ཡང་གཟུགས་ཅན་མ་ཡིན་པ་དེ་བཞིན་དུ་དགེ་བ་དང་མི་དགེ་བའི་ལས་ཀྱི་དབང་གིས་རྣམ་པར་ཤེས་པ་འདི་ལྷ་རྣམས་དང་། མི་རྣམས་དང་། སེམས་ཅན་དམྱལ་བ་དང་། དུད་འགྲོ་དང་།
D83.044.0087b01.01{ཡི་དགས་,ཡི་དྭགས་}རྣམས་ཀྱི་ནང་དུ་སྐྱེ་བར་འགྱུར་ཏེ། སྨན་ཆེན་ལས་རྣམས་ནི་དེ་ལྟར་བལྟ་བར་བྱའོ། །དེ་ལྟར་ན་ལས་འདི་དག་ནི་རྣམ་པར་ཤེས་པའི་རྗེས་སུ་འབྲང་ངོ་། །གསོལ་པ། བཅོམ་ལྡན་འདས་རྣམ་པར་ཤེས་པ་འདིས་དབང་པོ་རྣམས་ཇི་ལྟར་འདེབས། ལུས་ཆེན་པོ་ཡང་ཇི་ལྟར་
D83.044.0087b02.01ཡོངས་སུ་འཛིན་པར་བགྱིད། བཅོམ་ལྡན་འདས་ཀྱིས་བཀའ་སྩལ་པ། སྨན་ཆེན་འདི་ལྟ་སྟེ་དཔེར་ན་རྔོན་པ་ནགས་ཐིབས་པོའི་ནང་དུ་སོང་ནས་གཞུ་ཤིན་ཏུ་བཀང་སྟེ། དུག་{མངས་,མང་}སྤོས་ཀྱི་གླང་པོ་ཆེ་བོང་ཚོད་ཆེ་བ་ལ་སྣུན་ལ། དུག་དེ་ཡང་ཁྲག་དང་ཕྲད་ན་ཡན་ལག་དང་ཉིང་
D83.044.0087b03.01ལག་རྣམས་སུ་འཕོ་ཞིང་འགྲོ་སྟེ། དབང་པོའི་སྤྱོད་ཡུལ་ཐམས་ཅད་འདོར་ལ་གནད་རྣམས་སུ་བསྣུན་ཅིང་ཁྲག་གི་ཁ་དོག་བསྒྱུར་ཏེ། ཡན་ལག་དང་ཉིང་ལག་ཐམས་ཅད་དུ་འཕོ་ཞིང་འགྲོ་ལ། ཕྱིར་ཡང་ལུས་བོར་ནས་དུག་དེ་ལུས་ལས་ཕྱིར་བྱུང་ན། སྨན་ཆེན་འདི་ཇི་སྙམ་དུ་
D83.044.0087b04.01སེམས། དུག་དེ་དང་གླང་པོ་ཆེའི་ཁོག་པ་དེའི་ཚད་ཇི་ཙམ། གསོལ་པ། རི་རབ་དང་ཡུངས་འབྲུ་བཞིན་ལགས་སོ། །བཀའ་སྩལ་པ། དུག་དེ་ཇི་ལྟར་འཕོ་བ་དེ་བཞིན་དུ་རྣམ་པར་ཤེས་པའི་ཁམས་འདི་ཡང་ལུས་ཡོངས་སུ་སྤོང་ཞིང་དབང་པོ་རྣམས་ཀྱང་འདོར་ལ་ཁམས་རྣམས་
D83.044.0087b05.01ཀྱང་ཡོངས་སུ་གཏོང་ངོ་། །དེ་ལྟར་ན་རྣམ་པར་ཤེས་པ་འདི་དབང་པོ་རྣམས་འདོར་བར་བྱེད་དོ། །སྨན་ཆེན་གཞན་ཡང་ཁྱོད་ཀྱིས་བཅོམ་ལྡན་འདས་རྣམ་པར་ཤེས་པ་འདི་ཇི་ལྟར་ལུས་ཆེན་པོ་ཡོངས་སུ་འཛིན་པར་བགྱིད་ཅེས་ཟེར་བ་ནི་ཇི་ལྟར་ཁོ་ལག་ཆེ་ཞིང་རགས་པའི་ལུས་འདི་ལ་
D83.044.0087b06.01མི་སེམས་པ་བཞིན་ཏེ། དཔེར་ན་རིའི་རྒྱལ་པོ་རི་རབ་ཀྱི་འཕང་དུ་དཔག་ཚད་བརྒྱད་ཁྲི་བཞི་སྟོང་ཡོད་ལ་དེ་ཡང་ཀླུའི་རྒྱལ་པོ་དགའ་བོ་དང་། ཉེ་དགའ་གཉིས་ཀྱིས་སུམ་ཁྲིས་སུ་ཡོངས་སུ་དཀྲིས་ཏེ། ཀླུའི་རྒྱལ་པོ་དེ་གཉིས་ཀྱིས་དབུགས་ཕྱི་ནང་དུ་རྒྱུ་བས་རྒྱ་མཚོ་བཏུང་དུ་མི་རུང་
D83.044.0087b07.01