完整藏文原文 · 德格版页 当前仅加载第 44 函德格 108b 版页；藏文 NFD、目录标记与异常页序保留在来源切片中，重复版页行以稳定序号区分。
བཟོད། །བཟོད་པའི་སྟོབས་རྣམས་ཀུན་དང་ལྡན། །སངས་རྒྱས་བཟོད་ལེགས་ཕ་རོལ་ཕྱིན། །བརྩོན་འགྲུས་སྟོབས་ནི་བསྐྱེད་མཛད་ནས། །ཞི་བདེ་བླ་ན་མེད་པ་བརྙེས། །བརྩོན་འགྲུས་སྟོབས་ཀྱིས་སྟོབས་དང་ལྡན། །སངས་རྒྱས་བརྩོན་ལེགས་ཕ་རོལ་ཕྱིན། །
D85.044.0108b01.01སྡིག་པ་ཐམས་ཅད་བསྲེག་མཛད་ནས། །འདྲེན་པ་སྐྱེས་ཆེན་བསམ་གཏན་དགྱེས། །བསམ་གཏན་སྟོབས་ཀྱིས་སྟོབས་དང་ལྡན། །སངས་རྒྱས་བསམ་ལེགས་ཕ་རོལ་ཕྱིན། །ཆོས་རྣམས་དེ་དག་རང་བཞིན་སྟོང་། །ངོ་བོ་ཉིད་ཀྱིས་གང་མི་སྐྱེ། །ཤེས་རབ་ཀྱིས་
D85.044.0108b02.01ནི་ཕ་རོལ་གཤེགས། །སངས་རྒྱས་ཤེས་ལེགས་ཕ་རོལ་ཕྱིན། །མཁྱེན་ཆེན་བྱང་ཆུབ་ཤིང་དྲུང་དུ། །སྡེར་བཅས་བདུད་ནི་ཁྱོད་ཀྱིས་བཏུལ། །དོན་གྱི་མཆོག་ཀྱང་བརྙེས་པར་གྱུར། །སངས་རྒྱས་བདུད་ཀྱི་ཚོགས་ངན་འཇོམས། །སྐྱེས་ཆེན་བཱ་ར་ཎཱ་སིར་ནི། །
D85.044.0108b03.01ཆོས་ཀྱི་འཁོར་ལོ་རབ་ཏུ་བསྐོར། །མུ་སྟེགས་ཚོགས་ངན་སྐྲག་པར་མཛད། །སངས་རྒྱས་མུ་སྟེགས་ཅན་ཚོགས་འཇོམས། །ཤེས་རབ་ཆེན་པོ་བླ་ན་མེད། །ཀུན་ནས་ཟླ་དཔེ་ཡོང་མ་མཆིས། །དཀོན་མཆོག་ཆོས་དེ་སྟོན་པར་མཛད། །འདྲེན་པ་སངས་རྒྱས་འོད་མཛད་
D85.044.0108b04.01ལགས། །སྦྱིན་པ་དང་ནི་ཁྲིམས་སྟོབས་དང་། །བཟོད་བརྩོན་ཁྱོད་དང་འདྲ་མ་མཆིས། །ཀུན་གྱི་ཕ་རོལ་ཕྱིན་པར་གྱུར། །སངས་རྒྱས་ཡོན་ཏན་མང་པོས་འཕགས། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས་བཅོམ་ལྡན་འདས་ལ་ཚུལ་དང་འདྲ་
D85.044.0108b05.01བའི་ཚིགས་སུ་བཅད་པ་འདི་དག་གིས་མངོན་པར་བསྟོད་ནས་ཕྱོགས་གཅིག་ཏུ་འདུག་གོ །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་འདི་འདི་ལྟར་
D85.044.0108b06.01སྤོབས་པ་ཕུན་སུམ་ཚོགས་པ་དང་། འདི་ལྟར་ཤིན་ཏུ་རྣམ་པར་ངེས་པའི་ཚིག་གིས་ཆོས་སྟོན་པ་དང་། འདི་ལྟར་ཚིག་དང་ཡི་གེ་མཚུངས་པའི་ཆོས་སྟོན་པ་དང་། འདི་ལྟར་ཟབ་མོའི་ཚིག་གིས་ཆོས་སྟོན་པ་དང་། འདི་ལྟར་ལེགས་པར་འབྲེལ་པའི་ཚིག་གིས་ཆོས་སྟོན་པ་
D85.044.0108b07.01