完整藏文原文 · 德格版页 当前仅加载第 44 函德格 109b 版页；藏文 NFD、目录标记与异常页序保留在来源切片中，重复版页行以稳定序号区分。
ཉི་མའི་དཀྱིལ་འཁོར་ལྟར་ལྷམ་མེ་ལྷན་ནེ་ལྷང་ངེ་བ། ཤིང་ནྱ་གྲོ་དྷ་ལྟར་ཆུ་ཞེང་གབ་པ་འོད་འབར་བའི་སྐུ་དཔལ་ཆེན་པོས་འབར་བ་མཐོང་ངོ་། །མཐོང་ནས་ཀྱང་དེ་བཅོམ་ལྡན་འདས་ལ་སེམས་དད་པར་གྱུར་ཏོ། །དེ་སེམས་དད་ནས་འདི་སྙམ་དུ་སེམས་ཏེ། ཨ་ལ་ལ་དེ་བཞིན་
D85.044.0109b01.01གཤེགས་པའི་སྐུ་འདི་རྣམ་པར་སྤྲས་ཤིང་ཁ་དོག་དང་གཟི་བརྗིད་དང་། དཔལ་དང་མཚན་རྣམས་ཀྱིས་འབར་ཞིང་ལྷམ་མེ་ལྷན་ནེ་ལྷང་ངེ་བ་ངོ་མཚར་ཏོ། །སྙམ་མོ་དེ་ནས་བྲམ་ཟེའི་ཁྱེའུ་བཟང་དག་གིས་འདི་སྐད་ཅེས་སྨྲས་ཏེ། ཨ་ལ་ལ་བདག་ཀྱང་མ་འོངས་པའི་དུས་ན་ལུས་
D85.044.0109b02.01འདི་འདྲ་བ་དང་ལྡན་པར་གྱུར་ཅིག་ཁ་དོག་དང་། གཟི་བརྗིད་དང་། དཔལ་དང་། མཚན་རྣམས་ཀྱིས་འདི་ལྟར་འབར་ཞིང་ལྷམ་མེ་ལྷན་ནེ་ལྷང་ངེ་བར་གྱུར་ཅིག་ཅེས་དེས་སྨོན་ལམ་དེ་སྐད་བཏབ་ནས་ས་ལ་ཉལ་ཏེ་འདི་སྙམ་དུ་བསམས་སོ། །གལ་ཏེ་བདག་ཀྱང་མ་འོངས་པའི་
D85.044.0109b03.01དུས་ན་འདི་ལྟ་བུའི་ལུས་དང་ལྡན་པར་གྱུར་ཏེ། ཁ་དོག་དང་། གཟི་བརྗིད་དང་། དཔལ་དང་། མཚན་རྣམས་ཀྱིས་འབར་ཞིང་ལྷམ་མེ་ལྷན་ནེ་ལྷང་ངེར་འགྱུར་ཞེ་ན། དེ་བཞིན་གཤེགས་པའི་ཞབས་བདག་གི་ལུས་ལ་རེག་པར་གྱུར་ཅིག་སྙམ་མོ། །ཀུན་དགའ་བོ་དེ་
D85.044.0109b04.01ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྣང་བས་རྣམ་པར་རོལ་པའི་མངོན་པར་ཤེས་པ་དེས་བྲམ་ཟེའི་ཁྱེའུ་བཟང་དག་གི་ལྷག་པའི་བསམ་པ་མཁྱེན་ནས་བྲམ་ཟེའི་ཁྱེའུ་བཟང་དག་ག་ལ་བ་དེར་གཤེགས་ཏེ། བྲམ་ཟེའི་ཁྱེའུ་
D85.044.0109b05.01བཟང་དག་ལ་ཞབས་ཀྱིས་རེག་པར་མཛད་དོ། །དེ་བཞིན་གཤེགས་པ་སྣང་བས་རྣམ་པར་རོལ་པའི་མངོན་པར་ཤེས་པ་དེས་བྲམ་ཟེའི་ཁྱེའུ་བཟང་དག་ལ་ཞབས་ཀྱིས་རེག་པར་མཛད་མ་ཐག་ཏུ། དེ་ནས་དེའི་ཚེ་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །ཀུན་དགའ་
D85.044.0109b06.01བོ་དེ་ནས་དེ་བཞིན་གཤེགས་པ་སྣང་བས་རྣམ་པར་རོལ་པའི་མངོན་པར་ཤེས་པ་དེས་སྣམ་ལོགས་སུ་གཟིགས་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱེད་གང་གིས་ཀྱང་བྲམ་ཟེའི་ཁྱེའུ་བཟང་དག་དེའི་ལུས་ལ་རྐང་པས་མ་རྫི་ཤིག །དེ་ཅིའི་ཕྱིར་ཞེ་ན། བྱང་
D85.044.0109b07.01