完整藏文原文 · 德格版页 当前仅加载第 44 函德格 110b 版页；藏文 NFD、目录标记与异常页序保留在来源切片中，重复版页行以稳定序号区分。
ནོར་རྣམས་ཀུན་དང་ལྡན་ཞིང་ཡོན་ཏན་རྣམས་ཀྱིས་ཕྱུག །བསམ་པ་བཞིན་དུ་འཕགས་པའི་ནོར་རྣམས་བཀོད་པ་མཛད། །ས་དང་མཚུངས་ཤིང་སྦྱིན་པའི་གནས་གྱུར་མཚུངས་མ་མཆིས། །ཡོན་ཏན་ཀུན་ལ་མངའ་བརྙེས་ཚུལ་ཁྲིམས་རྣམ་དག་པ། །ཇི་ལྟར་
D85.044.0110b01.01ནམ་མཁར་ལག་པ་མི་ཐོགས་མི་ཆགས་ལྟར། །འཇིག་རྟེན་དག་ན་ཁྱོད་ལ་རྗེས་ཆགས་ཁྲོ་མི་མངའ། །བཟོད་པ་ཟད་ཀྱིས་གཏུགས་པ་དོན་དང་ཆོས་རྣམས་ཀུན། །སྙིང་པོ་མ་མཆིས་པ་དང་གསོབ་དང་གསོག་ཏུ་མཁྱེན། །སྲིད་པའི་འགྲོ་བ་ཐམས་ཅད་དག་ན་
D85.044.0110b02.01གང་རྣམས་ལ། །རློམ་སེམས་འགྱུར་བའི་སེམས་ཅན་སྲོག་དང་དངོས་མ་བརྙེས། །ཁམས་དང་སྤྱོད་པ་དག་དང་སྦྱོར་དང་བསམ་པ་མཁྱེན། །རྨད་དུ་བྱུང་དང་རྣམ་པར་འབྱེད་མཛད་སྒྲོན་མར་གྱུར། །ཆུ་བོ་ཆེན་པོས་དེད་པའི་འགྲོ་བ་གཟིགས་གྱུར་ནས། །སྔོན་
D85.044.0110b03.01ཆད་བརྩོན་འགྲུས་སྟོབས་བརྟན་མཐུ་ནི་བསྐྱེད་པ་མཛད། །སྐྱེ་བ་སྤངས་ཤིང་ཉོན་མོངས་ཞི་བའི་ཐུགས་དང་ལྡན། །ཐུགས་རྒྱ་ཆེན་པོ་སྐྱེ་དང་རྒ་ཤི་མཐའ་མར་འབྱིན། །ནམ་མཁའི་དཀྱིལ་དང་མཚུངས་པར་ཆགས་པ་མི་མངའ་རྒྱུ། །འཇིག་རྟེན་ཆོས་ཀྱིས་མི་
D85.044.0110b04.01གོས་འཇིག་རྟེན་གསུམ་ན་རྒྱུ། །བདག་ཉིད་ཆེན་པོ་ཤེས་རབ་ཀྱིས་ནི་སྣང་བར་མཛད། །མུན་པ་མུན་གནག་གྱུར་པ་ཐམས་ཅད་རྣམ་པར་སེལ། །འདོད་ཆགས་རྡུལ་ཞི་མཛད་ཅིང་ཞེ་སྡང་གཏི་མུག་གི །དྲི་མ་སྣ་ཚོགས་མུན་བསལ་ཁྱོད་ལ་ཕྱག་འཚལ་ལོ། །ཀུན་
D85.044.0110b05.01དགའ་བོ་དེ་ཚུན་ཆད་བྲམ་ཟེའི་ཁྱེའུ་བཟང་དག་དེའི་རྫུ་འཕྲུལ་རྣམས་སམ། མངོན་པར་ཤེས་པ་རྣམས་ཡོངས་སུ་ཉམས་པར་མ་གྱུར་ཏོ། །ཀུན་དགའ་བོ་དེའི་ཚེ་དེའི་དུས་ན་བྲམ་ཟེའི་ཁྱེའུ་བཟང་དག་ཅེས་བྱ་བར་གྱུར་པ་དེ་གཞན་ཞིག་ཡིན་སྙམ་དུ་ཁྱོད་དོགས་ཤིང་ཡིད་
D85.044.0110b06.01གཉིས་ཟ་འམ། ཐེ་ཚོམ་ཟ་ན་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་འདི་ཉིད་དེའི་ཚེ་དེའི་དུས་ན་བྲམ་ཟེའི་ཁྱེའུ་བཟང་དག་ཅེས་བྱ་བར་གྱུར་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
D85.044.0110b07.01