完整藏文原文 · 德格版页 当前仅加载第 44 函德格 110a 版页；藏文 NFD、目录标记与异常页序保留在来源切片中，重复版页行以稳定序号区分。
ཆུབ་སེམས་དཔའ་སེམས་དཔའ་ཆེན་པོ་འདི་མི་སྐྱེ་བའི་ཆོས་ལ་བཟོད་པ་ཐོབ་པའི་ཕྱིར་རོ། །དེ་ནས་དེ་ཉིད་ཀྱི་ཚེ་བྲམ་ཟེའི་ཁྱེའུ་བཟང་དག་གིས་ལྷའི་མིག་དང་། ལྷའི་རྣ་བ་དང་། ཕ་རོལ་གྱི་སེམས་ཤེས་པ་དང་། སྔོན་གྱི་གནས་རྗེས་སུ་
D85.044.0110a01.01དྲན་པ་མངོན་སུམ་དུ་བྱ་བའི་ཤེས་པ་ཐོབ་བོ། །རྫུ་འཕྲུལ་ཡང་མངོན་པར་བསྒྲུབས་སོ། །དེས་དེ་བཞིན་གཤེགས་པ་སྣང་བས་རྣམ་པར་རོལ་པའི་མངོན་པར་ཤེས་པའི་སྤྱན་སྔར་ཚུལ་དང་འདྲ་བའི་ཚིགས་སུ་བཅད་པ་དག་གིས་ཀྱང་མངོན་པར་བསྟོད་དོ། །
D85.044.0110a02.01ཕྱོགས་དང་ཕྱོགས་མཚམས་རྣམས་སུ་བསྐོར་ཏེ་བཙལ་བགྱིས་ཀྱང་། །འཇིག་རྟེན་དག་ན་མི་དབང་ཁྱོད་འདྲ་ཡོད་མ་མཆིས། །འགྲོ་བ་ཀུན་ན་རྫོགས་པའི་སངས་རྒྱས་མངོན་པར་འཕགས། །རྣམ་པར་འདྲེན་པ་རང་བྱུང་ཁྱོད་ལ་བདག་ཕྱག་འཚལ། །དཔེར་ན་
D85.044.0110a03.01བར་སྣང་ན་ནི་ཉི་མ་ལྷན་ནེ་ལྟར། །ཕྱོགས་དང་ཕྱོགས་མཚམས་ཀུན་གྱི་འཇིག་རྟེན་ཁམས་རྣམས་ན། །འཇིག་རྟེན་འདི་དག་ཐམས་ཅད་འོད་ཀྱིས་ལྷམ་མེར་གྱུར། །སངས་རྒྱས་ཡོན་ཏན་གཟི་མངའ་ཁྱོད་ལ་བདག་ཕྱག་འཚལ། །ཇི་ལྟར་སེང་གེ་ནགས་ཁྲོད་དག་ན་
D85.044.0110a04.01སྒྲ་སྒྲོགས་པ། །ཝ་ཚོགས་ཕལ་ཆེན་ཐམས་ཅད་ཟིལ་གྱིས་གནོན་པར་བགྱིད། །དེ་ལྟར་མི་ཡི་དམ་པ་མཐུ་ཆེན་མངའ་བ་ཡང་། །མུ་སྟེགས་ཅན་མང་འདུས་པ་ཐམས་ཅད་ཟིལ་གྱིས་གནོན། །བདེ་བར་གཤེགས་པ་སྨིན་མཚམས་བར་གྱི་མཛོད་སྤུ་དཀར། །
D85.044.0110a05.01དངུལ་དང་ཁ་བའི་ཚོགས་བཞིན་མཐའ་ཡས་གཟི་བརྗིད་ཅན། །དེས་ནི་འཇིག་རྟེན་འདི་དག་ཐམས་ཅད་སྣང་བར་བགྱིས། །འཇིག་རྟེན་ཀུན་ན་སངས་རྒྱས་ཁྱོད་ནི་མི་མཉམ་མཉམ། །སྐྱེས་བུ་ཁྱུ་མཆོག་ཞབས་ལ་ལྷ་ཡི་འཁོར་ལོ་མངའ། །གསལ་ཞིང་མཛེས་ལ་
D85.044.0110a06.01རྩིབས་སྟོང་ཚང་ཞིང་མུ་ཁྱུད་འཁོར། །དེ་དག་གིས་ནི་རི་དང་ནགས་བཅས་ས་འདི་རྣམས། །རབ་ཏུ་གཡོ་བགྱིད་ཐུབ་པ་གང་ཟག་མཚུངས་མེད་པ། །ཉོན་མོངས་ཤས་ཆེན་དོར་བར་བགྱི་བ་ཐམས་ཅད་བོར། །འཕགས་པ་ངེས་པར་འབྱིན་པའི་ལམ་ནི་རབ་ཏུ་བརྙེས། །
D85.044.0110a07.01