完整藏文原文 · 德格版页 当前仅加载第 44 函德格 179a 版页；藏文 NFD、目录标记与异常页序保留在来源切片中，重复版页行以稳定序号区分。
པ་སྔོན་དུ་འགྲོ་བ་དང་། སེམས་ཅན་ཐམས་ཅད་ཀྱི་འཆི་འཕོ་དང་སྐྱེ་བ་ཐིབས་པོ་ཉེ་བར་རྒྱུ་བ་ཤེས་པ་སྔོན་དུ་འགྲོ་བ་དང་། སེམས་ཅན་ཐམས་ཅད་ཕུང་པོ་གསུམ་དུ་རྣམ་པར་གཞག་པ་ཐིབས་པོ་ཉེ་བར་རྒྱུ་བ་ཤེས་པ་སྔོན་དུ་འགྲོ་བ་དང་། དབང་པོ་མི་སྐྱོ་
D89.044.0179a01.01བའི་སེམས་ཅན་ཡོངས་སུ་སྨིན་པར་བྱ་བ་ཤེས་པ་སྔོན་དུ་འགྲོ་བ་སྟེ། རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་སྨོན་ལམ་གྱི་ཕ་རོལ་ཏུ་ཕྱིན་པ་འདིའི་སྔོན་དུ་འགྲོ་བའི་ཆོས་རྣམ་པ་བཅུའོ། །རིགས་ཀྱི་བུ་དེ་ལ་བྱང་ཆུབ་སེམས་དཔའ་རྣམས་ཀྱི་སྟོབས་ཀྱི་ཕ་རོལ་ཏུ་ཕྱིན་
D89.044.0179a02.01པའི་སྔོན་དུ་འགྲོ་བའི་ཆོས་རྣམ་པ་བཅུ་སྟེ། བཅུ་གང་ཞེ་ན། འདི་ལྟ་སྟེ། ཆོས་ཐམས་ཅད་གཟོད་མ་ནས་འབྱུང་བ་མེད་པ་སྔོན་དུ་འགྲོ་བ་དང་། ཆོས་ཐམས་ཅད་གཟོད་མ་ནས་མཚན་ཉིད་མེད་པ་སྔོན་དུ་འགྲོ་བ་དང་། ཆོས་ཐམས་ཅད་གཟོད་མ་ནས་སྐྱེ་བ་མེད་པ་སྔོན་དུ་འགྲོ་བ་
D89.044.0179a03.01དང་། ཆོས་ཐམས་ཅད་གཟོད་མ་ནས་ཡོད་པ་མ་ཡིན་པ་སྔོན་དུ་འགྲོ་བ་དང་། ཆོས་ཐམས་ཅད་གཟོད་མ་ནས་ཆགས་པ་མེད་པ་སྔོན་དུ་འགྲོ་བ་དང་། ཆོས་ཐམས་ཅད་འཇུག་པ་མེད་པ་སྔོན་དུ་འགྲོ་བ་དང་། ཆོས་ཐམས་ཅད་ལྡོག་པ་མེད་པ་སྔོན་དུ་འགྲོ་བ་དང་། ཆོས་ཐམས་
D89.044.0179a04.01ཅད་དངོས་པོ་མེད་པའི་ངོ་བོ་ཉིད་སྔོན་དུ་འགྲོ་བ་དང་། ཆོས་ཐམས་ཅད་ཀྱི་ཐོག་མ་དང་བར་དང་ཐ་མ་མཉམ་པ་ཉིད་སྔོན་དུ་འགྲོ་བ་དང་། ཆོས་ཐམས་ཅད་དེ་བཞིན་ཉིད་ལ་འཇུག་པ་རྟོག་པ་དང་རྣམ་པར་རྟོག་པ་མེད་པ་སྔོན་དུ་འགྲོ་བ་སྟེ། རིགས་ཀྱི་བུ་བྱང་ཆུབ་སེམས་དཔའ་རྣམས་
D89.044.0179a05.01ཀྱི་སྟོབས་ཀྱི་ཕ་རོལ་ཏུ་ཕྱིན་པ་འདིའི་སྔོན་དུ་འགྲོ་བའི་ཆོས་རྣམ་པ་བཅུའོ། །རིགས་ཀྱི་བུ་དེ་ལ་བྱང་ཆུབ་སེམས་དཔའ་རྣམས་ཀྱི་ཡེ་ཤེས་ཀྱི་ཕ་རོལ་ཏུ་ཕྱིན་པའི་སྔོན་དུ་འགྲོ་བའི་ཆོས་རྣམ་པ་བཅུ་སྟེ། བཅུ་གང་ཞེ་ན། འདི་ལྟ་སྟེ། ཆོས་ཐམས་ཅད་རྣམ་པར་དབྱེ་བ་ལ་ཤིན་
D89.044.0179a06.01ཏུ་རྣམ་པར་བརྟགས་པ་སྔོན་དུ་འགྲོ་བ་དང་། དཀར་པོའི་ཆོས་ཤིན་ཏུ་ཡོངས་སུ་རྫོགས་པ་སྔོན་དུ་འགྲོ་བ་དང་། བྱང་ཆུབ་ཀྱི་ཚོགས་བསགས་པ་དཔག་ཏུ་མེད་པ་སྔོན་དུ་འགྲོ་བ་དང་། བསོད་ནམས་དང་ཡེ་ཤེས་ཀྱི་ཚོགས་ཆེན་པོ་ཡོངས་སུ་གཟུང་བ་སྔོན་དུ་འགྲོ་བ་དང་། སྙིང་
D89.044.0179a07.01