完整藏文原文 · 德格版页 当前仅加载第 44 函德格 179b 版页；藏文 NFD、目录标记与异常页序保留在来源切片中，重复版页行以稳定序号区分。
རྗེ་ཆེན་པོ་ཡངས་པ་ཁོང་དུ་ཆུད་པར་བྱ་བ་སྔོན་དུ་འགྲོ་བ་དང་། འཇིག་རྟེན་གྱི་ཁམས་རྣམ་པར་དབྱེ་བའི་རིམ་པ་ཤེས་པ་སྔོན་དུ་འགྲོ་བ་དང་། སེམས་ཅན་གྱི་ཁམས་དང་ཉོན་མོངས་པའི་སྤྱོད་པ་ལ་འཇུག་པ་སྔོན་དུ་འགྲོ་བ་དང་། དེ་བཞིན་གཤེགས་པའི་སྤྱོད་ཡུལ་ལ་འཇུག་
D89.044.0179b01.01ཅིང་རྗེས་སུ་འགྲོ་བ་ཤེས་པ་ཡིད་ལ་བྱེད་པ་སྔོན་དུ་འགྲོ་བ་དང་། སྟོབས་བཅུ་དང་། མི་འཇིགས་པ་དང་། སངས་རྒྱས་ཀྱི་ཆོས་མ་འདྲེས་པ་ལ་ལྷག་པར་དམིགས་ཤིང་ཀུན་ཤེས་པར་བྱ་བ་སྔོན་དུ་འགྲོ་བ་དང་། རྣམ་པ་ཐམས་ཅད་ཀྱི་མཆོག་དང་ལྡན་པ་ཐམས་ཅད་མཁྱེན་པའི་
D89.044.0179b02.01ཡེ་ཤེས་ལ་དབང་བསྐུར་བའི་ས་ཐོབ་པ་སྔོན་དུ་འགྲོ་བ་སྟེ། རིགས་ཀྱི་བུ་བྱང་ཆུབ་སེམས་དཔའ་རྣམས་ཀྱི་ཡེ་ཤེས་ཀྱི་ཕ་རོལ་ཏུ་ཕྱིན་པ་འདིའི་སྔོན་དུ་འགྲོ་བའི་ཆོས་རྣམ་པ་བཅུའོ། །དེ་ལ་ཕ་རོལ་ཏུ་ཕྱིན་པའི་དོན་གང་ཞེ་ན། སྤྱོད་པའི་ཁྱད་པར་ཡོངས་སུ་རྫོགས་པར་བྱེད་པའི་
D89.044.0179b03.01དོན་ནི་ཕ་རོལ་ཏུ་ཕྱིན་པའི་དོན་ནོ། །ཡེ་ཤེས་ཟབ་ཅིང་རྒྱ་ཆེ་བ་ཡོངས་སུ་རྫོགས་པར་བྱེད་པའི་དོན་ནི་ཕ་རོལ་ཏུ་ཕྱིན་པའི་དོན་ནོ། །འདུས་བྱས་དང་འདུས་མ་བྱས་ལ་ཆགས་པ་མེད་པའི་དོན་ནི་ཕ་རོལ་ཏུ་ཕྱིན་པའི་དོན་ནོ། །འཁོར་བའི་ཉེས་པ་ཇི་ལྟ་བ་བཞིན་ཏུ་རྟོགས་པའི་དོན་ནི་
D89.044.0179b04.01ཕ་རོལ་ཏུ་ཕྱིན་པའི་དོན་ནོ། །སྐྱེ་བོ་མི་མཁས་པ་རྣམས་ཁོང་དུ་ཆུད་པར་བྱེད་པའི་དོན་ནི་ཕ་རོལ་ཏུ་ཕྱིན་པའི་དོན་ནོ། །ཆོས་ཀྱི་མཛོད་ཟད་མི་ཤེས་པ་ཡང་དག་པར་སྟོན་པའི་དོན་ནི་ཕ་རོལ་ཏུ་ཕྱིན་པའི་དོན་ནོ། །སྒྲིབ་པ་མེད་པའི་རྣམ་པར་ཐར་པ་ཡོངས་སུ་རྫོགས་པར་བྱེད་
D89.044.0179b05.01པའི་དོན་ནི་ཕ་རོལ་ཏུ་ཕྱིན་པའི་དོན་ནོ། །སེམས་ཅན་གྱི་ཁམས་རབ་ཏུ་ཤེས་པར་བྱ་བའི་དོན་ནི་ཕ་རོལ་ཏུ་ཕྱིན་པའི་དོན་ནོ། །སྦྱིན་པ་མཉམ་པ་ཉིད་རྗེས་སུ་རྟོགས་པའི་དོན་ནི་ཕ་རོལ་ཏུ་ཕྱིན་པའི་དོན་ནོ། །ཚུལ་ཁྲིམས་མཉམ་པ་ཉིད་ཡོངས་སུ་རྫོགས་པར་བྱེད་པའི་དོན་
D89.044.0179b06.01ནི་ཕ་རོལ་ཏུ་ཕྱིན་པའི་དོན་ནོ། །བཟོད་པ་མཉམ་པ་ཉིད་ཡོངས་སུ་རྫོགས་པར་བྱེད་པའི་དོན་ནི་ཕ་རོལ་ཏུ་ཕྱིན་པའི་དོན་ནོ། །བརྩོན་འགྲུས་མཉམ་པ་ཉིད་ཡོངས་སུ་རྫོགས་པར་བྱེད་པའི་དོན་ནི་ཕ་རོལ་ཏུ་ཕྱིན་པའི་དོན་ནོ། །བསམ་གཏན་མཉམ་པ་ཉིད་ཡོངས་སུ་རྫོགས་
D89.044.0179b07.01