完整藏文原文 · 德格版页 当前仅加载第 44 函德格 181b 版页；藏文 NFD、目录标记与异常页序保留在来源切片中，重复版页行以稳定序号区分。
མི་ལྡོག་པའི་ཏིང་ངེ་འཛིན་གྱི་ཡོངས་སུ་བཟུང་སྟེ་སྐྱེའོ། །སེམས་བསྐྱེད་པ་ལྔ་པ་ནི་རིན་པོ་ཆེའི་མེ་ཏོག་གི་ཏིང་ངེ་འཛིན་གྱིས་ཡོངས་སུ་བཟུང་སྟེ་སྐྱེའོ། །སེམས་བསྐྱེད་པ་དྲུག་པ་ནི་ཉི་མའི་འོད་ཀྱི་གཟི་བརྗིད་ཀྱི་ཏིང་ངེ་འཛིན་གྱིས་ཡོངས་སུ་བཟུང་སྟེ་སྐྱེའོ། །སེམས་བསྐྱེད་པ་
D89.044.0181b01.01བདུན་པ་ནི་དོན་ཐམས་ཅད་གྲུབ་པའི་ཏིང་ངེ་འཛིན་གྱིས་ཡོངས་སུ་བཟུང་སྟེ་སྐྱེའོ། །སེམས་བསྐྱེད་པ་བརྒྱད་པ་ནི་ད་ལྟར་གྱི་སངས་རྒྱས་མངོན་སུམ་དུ་བཞུགས་པའི་ཏིང་ངེ་འཛིན་གྱིས་ཡོངས་སུ་བཟུང་སྟེ་སྐྱེའོ། །སེམས་བསྐྱེད་པ་དགུ་པ་ནི་ཡེ་ཤེས་སྒྲོན་མའི་ཏིང་ངེ་འཛིན་གྱིས་
D89.044.0181b02.01ཡོངས་སུ་བཟུང་སྟེ་སྐྱེའོ། །སེམས་བསྐྱེད་པ་བཅུ་པ་ནི་དཔའ་བར་འགྲོ་བའི་ཏིང་ངེ་འཛིན་གྱིས་ཡོངས་སུ་བཟུང་ནས་སྐྱེ་སྟེ། རིགས་ཀྱི་བུ་འདི་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སེམས་བསྐྱེད་པ་བཅུའོ། །རིགས་ཀྱི་བུ་དེ་ལ་བྱང་ཆུབ་སེམས་
D89.044.0181b03.01དཔའ་སེམས་དཔའ་ཆེན་པོའི་བྱང་ཆུབ་སེམས་དཔའི་ས་དང་པོ་ལ་ཁྱད་པར་གྱི་བྱིན་གྱི་རླབས་ཞེས་བྱ་བའི་གཟུངས་སྐྱེའོ། །ས་གཉིས་པ་ལ་གཞན་གྱིས་མི་ཐུབ་པ་ཞེས་བྱ་བའི་གཟུངས་སྐྱེའོ། །ས་གསུམ་པ་ལ་རབ་ཏུ་གནས་པ་ཞེས་བྱ་བའི་གཟུངས་སྐྱེའོ། །ས་བཞི་
D89.044.0181b04.01པ་ལ་གདུལ་དཀའ་བ་ཞེས་བྱ་བའི་གཟུངས་སྐྱེའོ། །ས་ལྔ་པ་ལ་ཡོན་ཏན་སྣ་ཚོགས་ཞེས་བྱ་བའི་གཟུངས་སྐྱེའོ། །ས་དྲུག་པ་ལ་ཡེ་ཤེས་ཀྱི་དཀྱིལ་འཁོར་གྱི་སྒྲོན་མ་ཞེས་བྱ་བའི་གཟུངས་སྐྱེའོ། །ས་བདུན་པ་ལ་ཁྱད་པར་དུ་འཕགས་པ་ཞེས་བྱ་བའི་གཟུངས་སྐྱེའོ། །
D89.044.0181b05.01ས་བརྒྱད་པ་ལ་རྙོག་པ་མེད་པའི་རྟོག་པ་ཞེས་བྱ་བའི་གཟུངས་སྐྱེའོ། །ས་དགུ་པ་ལ་སྒོ་མཐའ་ཡས་པའི་རྒྱན་ཅེས་བྱ་བའི་གཟུངས་སྐྱེའོ། །ས་བཅུ་པ་ལ་ཟད་མི་ཤེས་པའི་ཟ་མ་ཏོག་ཅེས་བྱ་བའི་གཟུངས་སྐྱེའོ། །དེ་ནས་དེའི་ཚེ་བཅོམ་ལྡན་འདས་ལ་ལྷའི་བུ་སེང་གེའི་
D89.044.0181b06.01ཏོག་གི་འོད་ཟེར་སྣང་བ་ཐོགས་པ་མེད་པ་ཞེས་བྱ་བས་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱི་མ་འདི་ལྟར་ཆོས་ཀྱི་རྣམ་གྲངས་འདིའི་ནང་དུ་ཐམས་ཅད་རྫོགས་ཤིང་སངས་རྒྱས་ཀྱི་ཆོས་དང་ཡོན་ཏན་ཐམས་ཅད་སྒྲུབ་པར་གྱུར་པ་ངོ་མཚར་ཏོ། །བཅོམ་ལྡན་འདས་ཀྱིས་
D89.044.0181b07.01