完整藏文原文 · 德格版页 当前仅加载第 44 函德格 182a 版页；藏文 NFD、目录标记与异常页序保留在来源切片中，重复版页行以稳定序号区分。
བཀའ་སྩལ་པ། ལྷའི་བུ་དེ་ནི་ཇི་སྐད་ཟེར་བ་དེ་བཞིན་ཏེ། ལྷའི་བུ་ཆོས་ཀྱི་རྣམ་གྲངས་འདི་ཐོས་མ་ཐག་ཏུ་བྱང་ཆུབ་སེམས་དཔའ་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །དེ་ཅིའི་ཕྱིར་ཞེ་ན། རིགས་ཀྱི་བུའམ།
D89.044.0182a01.01རིགས་ཀྱི་བུ་མོ་ཕྱིར་མི་ལྡོག་པའི་དགེ་བའི་རྩ་བ་ཡོངས་སུ་སྨིན་པ་རྣམས་ཀྱི་ཕྱག་རྒྱ་ནི་འདི་ལྟ་སྟེ། ཆོས་ཀྱི་རྣམ་གྲངས་འདི་ཐོས་པ་ཡིན་ཏེ། ཆོས་ཀྱི་རྣམ་གྲངས་འདི་ནི་དགེ་བའི་རྩ་བ་མ་བསྐྱེད་པ་རྣམས་ཀྱི་རྣ་ལམ་དུ་གྲག་པར་མི་འགྱུར་རོ། །རིགས་ཀྱི་བུ་ཆོས་ཀྱི་རྣམ་གྲངས་
D89.044.0182a02.01འདི་ཐོས་པ་ཙམ་གྱིས་རིགས་ཀྱི་བུ་འམ། རིགས་ཀྱི་བུ་མོ་དག་ལྷག་པའི་བསམ་པ་ཡོངས་སུ་དག་ཅིང་སངས་རྒྱས་མཐོང་བ་དང་མི་འབྲལ་བར་འགྱུར་རོ། །དམ་པའི་ཆོས་ཉན་པ་དང་མི་འབྲལ་བར་འགྱུར། དགེ་འདུན་ལ་བསྙེན་བཀུར་བྱེད་པ་དང་མི་འབྲལ་བར་འགྱུར།
D89.044.0182a03.01རྒྱ་མཚོའི་ཕྱག་རྒྱ་མི་ཟད་པ་མངོན་པར་སྒྲུབ་པའི་གཟུངས་དང་མི་འབྲལ་བར་འགྱུར། སེམས་ཅན་གྱི་བསམ་པ་དང་སྤྱོད་པ་དང་སྒྲ་ལ་འཇུག་པའི་གཟུངས་དང་མི་འབྲལ་བར་འགྱུར། ཉི་མའི་ཏོག་སྣང་བའི་གཟུངས་དང་མི་འབྲལ་བར་འགྱུར། ཟླ་བའི་ཏོག་སྣང་བའི་གཟུངས་
D89.044.0182a04.01དང་མི་འབྲལ་བར་འགྱུར། ཀུན་ནས་ལྡང་བ་ཐམས་ཅད་རྣམ་པར་གནོན་པ་སྒྲུབ་པའི་གཟུངས་དང་མི་འབྲལ་བར་འགྱུར། རྡོ་རྗེ་ལྟར་སྲ་ཞིང་བརྟན་པའི་རི་རྣམ་པར་འཇོམས་པའི་གཟུངས་དང་མི་འབྲལ་བར་འགྱུར། བརྗོད་དུ་མེད་པའི་དོན་བསྟན་པ་ལ་ཡང་དག་པར་
D89.044.0182a05.01གཞོལ་བའི་གཟུངས་དང་མི་འབྲལ་བར་འགྱུར། །ཚིག་དང་སྤྱོད་པ་དང་སྒྲ་ཐམས་ཅད་ལ་འཇུག་པའི་གཟུངས་དང་མི་འབྲལ་བར་འགྱུར། ནམ་མཁའི་དཀྱིལ་འཁོར་དྲི་མ་མེད་པ་སྒྲུབ་པའི་ཕྱག་རྒྱས་བཏབ་པའི་གཟུངས་དང་མི་འབྲལ་བར་འགྱུར། སངས་རྒྱས་ཀྱི་སྐུ་
D89.044.0182a06.01མཐའ་ཡས་པ་ཡོངས་སུ་རྫོགས་པ་སྒྲུབ་པའི་གཟུངས་དང་མི་འབྲལ་བར་འགྱུར་རོ། །ལྷའི་བུ་གཟུངས་འདི་དག་ཐོབ་པས་བྱང་ཆུབ་སེམས་དཔའ་རྣམས་ཕྱོགས་བཅུའི་སངས་རྒྱས་ཀྱི་ཞིང་རྣམས་སུ་སངས་རྒྱས་ཀྱི་སྐུ་མངོན་པར་སྤྲུལ་ནས་ཆོས་སྟོན་ཏེ། ཆོས་ཉིད་ལས་
D89.044.0182a07.01