完整藏文原文 · 德格版页 当前仅加载第 48 函德格 276a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་ཡིད་དུ་འོང་བའི་སྒྲ་འབྱིན་ཏོ། །གང་དག་གཏེར་སྟོར་བ་དེ་དག་གིས་ནི་གཏེར་རྣམས་རྙེད་པར་གྱུར་ཏོ། །གསེར་དང་དངུལ་ལས་བྱས་པའི་སྣོད་རྣམས་ཀྱང་མ་དཀྲོལ་བར་སྒྲ་བྱུང་ངོ་། །ས་ཡང་རྣམ་པ་དྲུག་ཏུ་གཡོས་ཤིང་འགུལ་ཏེ། སེམས་ཅན་རྣམས་སྐྱབས་མེད་
D103.048.0276a01.01པར་ཡང་མ་གྱུར་ཅིག །ཡིད་དང་བ་རབ་ཏུ་ཐོབ་བོ། །སྨྲ་བའི་མཆོག་དམ་པ་སངས་རྒྱས་ཀྱིས་གང་དང་གང་དུ་ཞབས་ཀྱིས་གོམ་པ་བོར་བ་དེ་དང་དེར་པད་མ་དྲི་མ་མེད་ཅིང་། ལེགས་པར་གནས་པ་རྣམས་བྱུང་ངོ་། །དུད་འགྲོའི་སྐྱེ་གནས་སུ་སོང་བའི་སེམས་ཅན་གང་དག་གིས་མཐོང་བ་དེ་དག་
D103.048.0276a02.01ཐམས་ཅད་ཀྱང་བདེ་བ་རྙེད་ནས་མཐོ་རིས་སུ་སྐྱེ་བར་འགྱུར་རོ། །བུད་མེད་གང་དག་སྦྲུམ་པ་དེ་དག་ཀྱང་མི་བདེ་བ་མེད་པ་ཉིད་དུ་གཟུགས་བཟང་ཞིང་བལྟ་ན་སྡུག་པ་དག་བཙས་སོ། །སེམས་ཅན་རྣམས་ལ་ཡང་འདོད་ཆགས་དང་། ཞེ་སྡང་དང་། གཏི་མུག་རྣམས་ཀྱིས་གནོད་པར་གྱུར་པ་
D103.048.0276a03.01མེད་དོ། །རབ་ཏུ་སྡང་བའི་སེམས་མེད་པར་ཕན་ཚུན་དུ་སྨྲ་སྟེ། དཔེར་ན་ཕའམ་མ་ཞིག་བུ་གཅིག་པ་ལ་སྨྲ་བ་བཞིན་ནོ། །སྲང་གི་གཡས་གཡོན་རྣམས་ཀྱང་ལེགས་པར་བརྒྱན་པར་གྱུར་ཏོ། །ནམ་མཁའ་ལ་གནས་པའི་ལྷའི་ཚོགས་ཐམས་ཅད་ཀྱིས་ཀྱང་མེ་ཏོག་སིལ་མ་དག་མངོན་པར་གཏོར་
D103.048.0276a04.01ཏོ། །སེམས་ཅན་སྡུག་བསྔལ་བར་གྱུར་པ་གང་ཡང་མེད་དོ། །སེམས་ཅན་གང་དག་ན་བར་གྱུར་པ་དེ་དག་ཀྱང་ནད་མེད་པར་གྱུར་ཏེ། བདེ་བ་ཐོབ་བོ། །བདེ་བར་གཤེགས་པ་གཤེགས་པ་ན་སེམས་ཅན་སོ་སོ་ནས་དེ་བཞིན་གཤེགས་པ་ཅི་བདག་ཁོ་ན་ལ་གཟིགས་སོ་སྙམ་དུ་སེམས་སོ། །སོ་སོ་
D103.048.0276a05.01ནས་བདག་ཉིད་བསོད་སྙོམས་འབུལ་ཞིང་། མིའི་འདྲེན་པ་ལ་བརྟེན་ནས་བདག་ཁོ་ན་བསོད་སྙོམས་ཀྱི་འབྲས་བུ་ལ་སྦྱོར་རོ་སྙམ་དུ་སེམས་ཏེ། དེ་གཤེགས་པ་ཙམ་ཡང་གཞལ་བར་སླ་བ་མ་ཡིན་ནོ། །དེ་ནས་བཅོམ་ལྡན་འདས་གྲོང་ཁྱེར་ཆེན་པོ་མཉན་ཡོད་དུ་མཐར་ཆགས་སུ་བསོད་སྙོམས་བཞེས་ཤིང་
D103.048.0276a06.01གཤེགས་ནས། བཅོམ་ལྡན་འདས་གྲོང་བར་གྱི་དབུས་ཞིག་ཏུ་གཤེགས་པ་དང་། དེའི་ཚེ་ཁང་སྟོང་ཞིག་ཏུ་ཁྱེའུ་གཟུགས་བཟང་བ། མཛེས་པ། བལྟ་ན་སྡུག་པ་ཞིག་བོར་བར་གྱུར་ཏེ། ལག་པ་གཡས་པའི་མཛུབ་མོ་ཁར་བཅུག་ནས། འཇིབ་ཅིང་འདུག་པ་ལ་ཁྱིའམ། ཅེ་སྤྱང་གང་དག་ཁང་སྟོང་དེར་ལྷགས་པ་
D103.048.0276a07.01