完整藏文原文 · 德格版页 当前仅加载第 48 函德格 281a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་བཅོམ་ལྡན་འདས་ཀྱིས་གྲོང་ཁྱེར་ཆེན་པོ་མཉན་ཡོད་དུ་བསོད་སྙོམས་བཞེས་ནས། ཁྱེའུ་སྣང་བ་བསམ་གྱིས་མི་ཁྱབ་པ་དང་། སྐྱེ་བོ་ཕལ་པོ་ཆེ་གཞན་དག་དང་ཡང་ཐབས་ཅིག་ཏུ་གྲོང་ཁྱེར་ནས་བྱུང་སྟེ། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་
D103.048.0281a01.01གྱི་ཀུན་དགའ་ར་བ་ག་ལ་བ་དེར་གཤེགས་སོ། །དེ་ནས་བཅོམ་ལྡན་འདས་ཀྱིས་ཟས་ཀྱི་བྱ་བ་མཛད་དེ། ནང་དུ་ཡང་དག་འཇོག་ལས་བཞེངས་ནས་ཆོས་ཉན་དུ་གཞུག་པའི་ཕྱིར་བཞུགས་སོ། །དེ་ནས་ཡུལ་ཀོ་ས་ལའི་རྒྱལ་པོ་གསལ་རྒྱལ་དཔུང་གི་ཚོགས་ཡན་ལག་བཞི་པ་དང་ལྷན་
D103.048.0281a02.01ཅིག་ཏུ་རྒྱལ་བུ་རྒྱལ་བྱེད་ཀྱི་ཚལ་ག་ལ་བ་དང་། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས། ཡུལ་ཀོ་ས་ལའི་རྒྱལ་པོ་གསལ་རྒྱལ་གྱིས་བཅོམ་ལྡན་
D103.048.0281a03.01འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གང་ངོ་མཚར་རྨད་དུ་བྱུང་བའི་ཆོས་རྣམ་པ་དེ་ལྟ་བུ་དག་དང་ལྡན་པའི་ཁྱེའུ་སྣང་བ་བསམ་གྱིས་མི་ཁྱབ་པ་དེ་ག་ལ་མཆིས། དེ་ནས་བཅོམ་ལྡན་འདས་ཀྱིས་ཁྱེའུ་སྣང་བ་བསམ་གྱིས་མི་ཁྱབ་པ་བསྟན་ནས་མཐོང་སྟེ། རྒྱལ་པོ་
D103.048.0281a04.01གསལ་རྒྱལ་གྱིས་ཁྱེའུ་དེའི་ལུས་གཟུགས་ཡོངས་སུ་གྲུབ་པ་ལྷ་ལས་འདས་པའི་མདོག་དང་། མི་འཇིགས་པ་དང་། ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་ཀྱིས་བརྒྱན་པ་མཐོང་ནས་འདི་སྙམ་དུ་སེམས་ཏེ། སྔོན་ལས་བྱས་ཤིང་བསགས་པ་ཇི་ལྟ་བུ་ཞིག་གིས་འདི་ལྟར་འདིའི་
D103.048.0281a05.01ལུས་ཡོངས་སུ་དག་པར་གྱུར་སྙམ་མོ། །དེ་ནས་ཁྱེའུ་སྣང་བ་བསམ་གྱིས་མི་ཁྱབ་པས་སངས་རྒྱས་ཀྱི་མཐུ་དང་། རང་གི་སྔོན་གྱི་དགེ་བའི་རྩ་བས་རྒྱལ་པོ་གསལ་རྒྱལ་གྱི་སེམས་ཀྱི་ཡོངས་སུ་རྟོགས་པ་སེམས་ཀྱིས་ཤེས་ནས་ཚིགས་སུ་བཅད་དེ་སྨྲས་པ། གང་དག་རྟག་ཏུ་བྱམས་སེམས་དག་
D103.048.0281a06.01སེམས་ལྡན། །གང་དག་མི་བརླང་མཉེན་ཞིང་དྲན་ལྡན་ལ། །ལེགས་པར་བསྡམས་ཤིང་དྲང་ལ་ཚངས་སྤྱོད་པ། །དེ་དག་ལུས་ནི་རྣམ་པར་དག་པར་འགྱུར། །གང་དག་སྡིག་པ་སྤོང་ཞིང་མི་སྤྱོད་ལ། །རྟག་ཏུ་དགེ་བ་མི་ཆུང་རྣམ་སྤེལ་ཞིང་། །གནོད་པར་སེམས་དང་ཁྲོ་བ་རྣམ་སྤོང་བ། །
D103.048.0281a07.01