完整藏文原文 · 德格版页 当前仅加载第 48 函德格 276b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་ཀྱང་ཁྱེའུ་དེ་ལ་ལྕེའི་དབང་པོས་བལྡགས་ཤིང་འདོང་སྟེ། ཇི་ལྟར་སྔོན་བྱས་པའི་དགེ་བའི་རྩ་བས་ཁྱེའུ་དེ་ལ་འཚེ་བ་མི་བྱེད་དོ། །ཁང་སྟོང་དེར་སྐྱེ་བོ་ཕལ་པོ་ཆེ་དག་ཀྱང་འཇུག་ཅིང་འབྱུང་ངོ་། །བཅོམ་ལྡན་འདས་ཀྱིས་སྐྱེ་བོ་ཕལ་པོ་ཆེ་འཇུག་ཅིང་འབྱུང་བ་གཟིགས་ནས་མཁྱེན་བཞིན་དུ་ཚེ་དང་
D103.048.0276b01.01ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་གང་དུ་སྐྱེ་བོ་ཕལ་པོ་ཆེ་འདི་དག་འཇུག་ཅིང་འབྱུང་བའི་ཁང་སྟོང་དེ་ན་ཅི་ཡོད་ལྟོས། དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ཏེ། ཁང་སྟོང་ག་ལ་བ་དེར་སོང་ནས་ཕྱིན་པ་དང་
D103.048.0276b02.01ཁྱེའུ་གཟུགས་བཟང་བ། མཛེས་པ། བལྟ་ན་སྡུག་པ་ཞིག་ལག་པ་གཡས་པའི་མཛུབ་མོ་ཁར་བཅུག་སྟེ། འཇིབ་ཅིང་འདུག་ལ་མིག་གཉིས་མི་འཛུམས་པར་སྐྱེ་བོའི་ཚོགས་ཐམས་ཅད་ལ་ལྟ་བ་མཐོང་ངོ་། །མཐོང་ནས་ཀྱང་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ག་ལ་བ་དེར་སོང་སྟེ་
D103.048.0276b03.01ཕྱིན་ནས། བཅོམ་ལྡན་འདས་ལ་སྐབས་དེ་གསོལ་པ། བཅོམ་ལྡན་འདས་ཁང་སྟོང་དེ་ན་ཁྱེའུ་བོར་བ་གཟུགས་བཟང་བ། མཛེས་པ། བལྟ་ན་སྡུག་པ། རིན་པོ་ཆེའི་གཟུགས་ལྟར་མཆིས་པ། མིག་མི་འཛུམས་པར་སྐྱེ་བོའི་ཚོགས་ཐམས་ཅད་ལ་ལྟ་བ་ཞིག་མཆིས་སོ། །དེ་ནས་
D103.048.0276b04.01བཅོམ་ལྡན་འདས་ཀྱིས་ཀྱེ་མ་ཁྱེའུ་འདི་ནི་སྔོན་གྱི་སྦྱོར་བ་ཕུན་སུམ་ཚོགས་པ་སྟེ། ངའི་ལེགས་པར་བཤད་པའི་དོན་ཤེས་པར་ནུས་ཤིང་། སྐལ་བ་ཅན་ནོ་སྙམ་ནས། ཁྱེའུ་དེ་ལ་ཐུགས་བརྩེ་བ་དང་། སྐྱེ་བོ་ཕལ་པོ་ཆེ་དགེ་བ་ལ་གཟུད་པའི་ཕྱིར། ཁང་སྟོང་ག་ལ་བ་དེར་གཤེགས་སོ། །
D103.048.0276b05.01དེ་ནས་བཅོམ་ལྡན་འདས་དེར་གཤེགས་ནས་ཕྱོགས་གཅིག་ཏུ་བཞུགས་ཏེ། ཕྱོགས་གཅིག་ཏུ་བཞུགས་ནས། ཁྱེའུ་དེ་ལ་ཚིགས་སུ་བཅད་དེ་བཀའ་སྩལ་པ། སྦྲུལ་དང་གནོད་སྦྱིན་རྒྱུ་བ་ཡི། །དུར་ཁྲོད་འཇིགས་པ་ཆེ་འདི་ན། །བྱིས་པ་ཇི་ལྟར་མི་འཇིགས་ཤིང་། །ཁྱོད་ད་གཅིག་པུ་འདི་ན་
D103.048.0276b06.01འདུག །དེ་ནས་ཁྱེའུ་དེས་སངས་རྒྱས་ཀྱི་མཐུ་དང་། རང་གི་སྔོན་གྱི་དགེ་བའི་རྩ་བས། བཅོམ་ལྡན་འདས་ལ་སླར་ཚིགས་སུ་བཅད་དེ་གསོལ་པ། བདག་མ་མཆིས་པའི་ཚོགས་རྣམས་ལ། །ཐུབ་པའི་དབང་ཕྱུག་སུ་ཞིག་འཇིགས། །ཐམས་ཅད་མཁྱེན་པ་སྨྲ་བའི་མཆོག །ཇི་
D103.048.0276b07.01