完整藏文原文 · 德格版页 当前仅加载第 48 函德格 279b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པ་ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། ཆགས་པ་མེད་པའི་ཡེ་ཤེས་ཡོངས་སུ་རྫོགས་པར་འགྱུར་རོ། །ནོར་ཐམས་ཅད་ཡོངས་སུ་གཏོང་བ་ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། མཚན་དང་དཔེ་བྱད་བཟང་པོ་ཡོངས་སུ་རྫོགས་པར་འགྱུར་རོ། །ཚུལ་
D103.048.0279b01.01ཁྲིམས་ཡོངས་སུ་དག་པ་ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། སྨོན་ལམ་ཡོངས་སུ་རྫོགས་པར་འགྱུར་རོ། །བཟོད་པ་དང་དེས་པ་ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། ཚངས་པའི་དབྱངས་ཀྱི་ང་རོ་དང་སྒྲ་སྐད་ལྟ་བུའི་ཚིག་ཏུ་འགྱུར་རོ། །དམ་བཅས་པ་བརྟན་ཞིང་
D103.048.0279b02.01སེམས་མི་ཞུམ་པ་ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། བྱ་བ་ཐམས་ཅད་ཡོངས་སུ་རྫོགས་པར་འགྱུར་རོ། །བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་ཐོབ་པ་ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། མངོན་པར་ཤེས་པ་
D103.048.0279b03.01ཆེན་པོའི་ཡེ་ཤེས་ཡོངས་སུ་རྫོགས་པར་འགྱུར་རོ། །ཚིག་རབ་ཏུ་དབྱེ་བ་ཤེས་པའི་ཤེས་རབ་ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། བག་ལ་ཉལ་བ་དང་ལྟ་བར་སྨྲ་བ་དང་། ཀུན་ནས་ལྡང་བ་ཐམས་ཅད་རྣམ་པར་སེལ་བར་འགྱུར་རོ། །སྙིང་རྗེ་ཆེན་པོ་ནི་བྱང་ཆུབ་སེམས་དཔའ་
D103.048.0279b04.01རྣམས་ཀྱི་གོས་ཀྱི་རྒྱན་ཏེ། འཁོར་བ་ན་ཡོངས་སུ་མི་སྐྱོ་བར་འགྱུར་རོ། །སེམས་ཅན་ཐམས་ཅད་ལ་ཞེ་འགྲས་པ་མེད་པའི་སེམས་ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། བདག་དང་གཞན་གྱི་དོན་ལ་སྐྱོ་བ་མེད་པར་འགྱུར་རོ། །ཟང་ཟིང་མེད་པར་ཆོས་སྟོན་པ་ནི་བྱང་ཆུབ་སེམས་དཔའ་
D103.048.0279b05.01རྣམས་ཀྱི་གོས་ཀྱི་རྒྱན་ཏེ། ཤེས་རབ་ཀྱིས་བདག་དང་གཞན་སྒྲོལ་བར་འགྱུར་རོ། །ཆོས་སྒྲུབ་པ་ནི་བྱང་ཆུབ་སེམས་དཔའ་རྣམས་ཀྱི་གོས་ཀྱི་རྒྱན་ཏེ། ཉོན་མོངས་པ་ཐམས་ཅད་སྤོང་བར་འགྱུར་རོ། །ཀཽ་ཤི་ཀ་རྣམ་གྲངས་འདིས་འདི་ལྟར་བྱང་ཆུབ་སེམས་དཔའ་གང་ཆོས་ཀྱི་རྒྱན་འདི་ལྟ་བུ་དག་དང་ལྡན་པ་དེ་
D103.048.0279b06.01ནམ་ཡང་གཅེར་བུ་མ་ཡིན་པར་རིག་པར་བྱའོ། །དེ་ནས་ལྷའི་དབང་པོ་བརྒྱ་བྱིན་གྱིས་ཁྱེའུ་དེ་ལ་ཤིན་ཏུ་དགའ་བ་དང་དད་པ་སྐྱེས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བདག་ལ་ཐུགས་བརྩེ་བའི་སླད་དུ་བཅོམ་ལྡན་འདས་ཀྱིས་རས་བཅོས་བུའི་ཟུང་འདི་ལེན་དུ་སྩལ་བར་གསོལ། །དེ་ནས་བཅོམ་ལྡན་
D103.048.0279b07.01