完整藏文原文 · 德格版页 当前仅加载第 56 函德格 290a 版页；藏文 NFD、目录标记与异常页序保留在来源切片中，重复版页行以稳定序号区分。
སྟོང་གི་འཇིག་རྟེན་གྱི་ཁམས་ན། དགེ་སློང་ཇི་སྙེད་གནས་པ་དེ་དག་ཐམས་ཅད་ཚལ་ཆེན་པོ་ཁང་པ་བརྩེགས་པའི་ཁང་{བཟངས་,བཟང་}འདིར་བསྡུས་ཤིག །ཚེ་དང་ལྡན་པ་མཽད་གལ་གྱི་བུ་ཆེན་པོས། བཅོམ་ལྡན་འདས་དེ་བཞིན་ནོ། །ཞེས་གསོལ་ནས། བཅོམ་ལྡན་
D140.056.0290a01.01འདས་ཀྱི་ལྟར་མཉན་ནས། སྐད་ཅིག་དེ་ཉིད་ལ་རང་གི་རྫུ་འཕྲུལ་གྱི་སྟོབས་ཀྱིས་རི་རབ་ཀྱི་རྩེ་མོ་ལ་འདུག་སྟེ། སྟོང་གི་འཇིག་རྟེན་གྱི་ཁམས་སྐད་ཀྱིས་གོ་བར་བྱས་པ། བདེ་གཤེགས་སློབ་མ་སེམས་ཅན་གང་སུ་དག །འཇིག་རྟེན་ཁམས་འདིར་གནས་པ་ཀུན་ཉོན་ཅིག །དེང་འདིར་སྟོན་པ་
D140.056.0290a02.01ཆོས་ཀྱི་ཆར་འབེབས་ཀྱིས། །གང་དག་ཉན་པར་འདོད་པ་འདིར་ཤོག་ཅིག །དེའི་ཚེ་ཚལ་ཆེན་པོའི་ཁང་པ་བརྩེགས་པའི་ཁང་{བཟངས་སུ་,བཟང་དུ་}དགེ་སློང་བཞི་ཁྲི་འདུས་པར་གྱུར་ཏེ། དེ་དག་ལྷགས་ནས་བཅོམ་ལྡན་འདས་མཐོང་བ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་
D140.056.0290a03.01འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། ཕྱོགས་གཅིག་ཏུ་འཁོད་དོ། །དེ་ནས་ཚེ་དང་ལྡན་པ་ཤཱ་རིའི་བུ་སངས་རྒྱས་ཀྱི་མཐུས། སྐད་ཅིག་དེ་ཉིད་ལ་འདི་སྙམ་དུ་སེམས་ཏེ། བདག་གིས་རྫུ་འཕྲུལ་མངོན་པར་འདུ་བྱ་བ་གང་མངོན་པར་འདུ་བྱ་བས།
D140.056.0290a04.01སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ཉན་ཐོས་ཀྱི་ཐེག་པ་ཅན་ནམ། རང་སངས་རྒྱས་ཀྱི་ཐེག་པ་ཅན་ནམ། ཐེག་པ་ཆེན་པོ་ཅན་ཡང་རུང་སྟེ། དགེ་སློང་ཇི་སྙེད་གནས་པ་དེ་དག་ཐམས་ཅད་ཚལ་ཆེན་པོའི་ཁང་པ་བརྩེགས་པའི་ཁང་{བཟངས་སུ་,བཟང་དུ་}འདུ་བར་འགྱུར་བ། དེ་
D140.056.0290a05.01འདྲ་བའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུ་བྱ་གོར་མ་ཆག་སྙམ་མོ། །དེ་ནས་ཚེ་དང་ལྡན་པ་ཤཱ་རིའི་བུས་རྫུ་འཕྲུལ་མངོན་པར་འདུ་བྱ་བ་དེ་ལྟ་བུ་མངོན་པར་འདུས་བྱས་ཏེ། རྫུ་འཕྲུལ་མངོན་པར་འདུ་བྱ་བ་དེ་མངོན་པར་འདུས་བྱས་པས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་
D140.056.0290a06.01ཁམས་ན། ཉན་ཐོས་ཀྱི་ཐེག་པ་ཅན་ནམ། རང་སངས་རྒྱས་ཀྱི་ཐེག་པ་ཅན་ནམ། ཐེག་པ་ཆེན་པོ་ཅན་ཡང་རུང་སྟེ། དགེ་སློང་ཇི་སྙེད་གནས་པ་དེ་དག་ཐམས་ཅད་ཚལ་ཆེན་པོའི་ཁང་པ་བརྩེགས་པའི་ཁང་{བཟངས་སུ་,བཟང་དུ་}འདུས་པར་གྱུར་ཏེ། དེ་དག་ལྷགས་ནས། བཅོམ་ལྡན་འདས་
D140.056.0290a07.01