完整藏文原文 · 德格版页 当前仅加载第 56 函德格 296b 版页；藏文 NFD、目录标记与异常页序保留在来源切片中，重复版页行以稳定序号区分。
ཐོས་ནས་ཀྱང་ཐམས་ཅད་བཟུང་ངོ་། །བཟུང་ནས་ཀྱང་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་དཔལ་གྱི་གཟི་བརྗིད་རྒྱལ་པོ་ལྟ་བུ་དེ་ཉིད་ལས་རབ་ཏུ་བྱུང་ངོ་། །དེ་རབ་ཏུ་བྱུང་ནས་དེ་ལོ་དགུ་ཁྲི་འདས་པ་དང་།
D140.056.0296b01.01དེས་སྒོ་མཐའ་ཡས་པས་བསྒྲུབ་པའི་གཟུངས་འདི་བསྒྲུབས་ཏེ། བསྒྲུབས་ནས་ཀྱང་སེམས་ཅན་རྣམས་ལ་རྒྱ་ཆེར་ཡང་དག་པར་བཤད་དོ། །དེས་ཚེ་གཅིག་པོ་དེ་ཉིད་ལ་སེམས་ཅན་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་ཅུ་བླ་ན་མེད་པ་ཡང་དག་
D140.056.0296b02.01པར་རྫོགས་པའི་བྱང་ཆུབ་ཡང་དག་པར་འཛིན་དུ་བཙུད་ཅིང་། ཕྱིར་མི་ལྡོག་པའི་ས་ལ་བཀོད་པར་གྱུར་ཏོ། །ཤཱ་རིའི་བུ་འཁོར་དེ་ན་ཚོང་དཔོན་གྱི་བུ་ཟླ་བའི་ཏོག་ཅེས་བྱ་བ་ཞིག་ཡོད་དེ། དེས་སྒོ་མཐའ་ཡས་པས་བསྒྲུབ་པའི་གཟུངས་
D140.056.0296b03.01ཀྱི་ཆོས་ཀྱི་རྣམ་གྲངས་འདི་ཆོས་སྨྲ་བའི་དགེ་སློང་དེ་ལས་ཐོས་སོ། །ཐོས་ནས་ཀྱང་རྗེས་སུ་ཡི་རང་བར་གྱུར་ཏེ། དེ་རྗེས་སུ་ཡི་རང་བའི་མོད་ལས་སྐྱེས་པའི་དགེ་བའི་རྩ་བ་དེས། སངས་རྒྱས་བྱེ་བ་ཕྲག་དགུ་བཅུ་ལས་ཆོས་བསྟན་པ་ཐོས་སོ། །ཐོས་
D140.056.0296b04.01ནས་ཀྱང་ཐམས་ཅད་བཟུང་ངོ་། །ཐམས་ཅད་དུ་ཡང་གཟུངས་ཐོབ་པ་རྣམས་ཀྱི་མཆོག་དང་། ཚིག་བཙུན་པ་རྣམས་ཀྱི་མཆོག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤོབས་པ་རྒྱུན་མི་ཆོད་པ་རྣམས་ཀྱི་མཆོག་ཏུ་གྱུར་ཏོ། །དེས་བསྐལ་
D140.056.0296b05.01པ་གསུམ་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་མཉེས་པར་བྱས་སོ། །མཉེས་པར་བྱས་ནས་ཀྱང་། བསྐལ་པ་གསུམ་འདས་པ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་
D140.056.0296b06.01པར་རྫོགས་པར་སངས་རྒྱས་སོ། །ཤཱ་རིའི་བུ་དེའི་ཚེ་དེའི་དུས་ན། ཚོང་དཔོན་གྱི་བུ་ཟླ་བའི་ཏོག་ཅེས་བྱ་བར་གྱུར་པ་དེ་གཞན་ཞིག་ཡིན་སྙམ་དུ་ཁྱོད་སོམ་ཉིའམ། ཡིད་གཉིས་སམ། ཐེ་ཚོམ་ཟ་བར་གྱུར་ན། ཤཱ་རིའི་བུ་ཁྱོད་ཀྱིས་དེ་ལྟར་མི་
D140.056.0296b07.01