完整藏文原文 · 德格版页 当前仅加载第 56 函德格 298a 版页；藏文 NFD、目录标记与异常页序保留在来源切片中，重复版页行以稳定序号区分。
ཀླུང་གི་བྱེ་སྙེད་འཇིག་རྟེན་ཁམས། །གང་གིས་རིན་ཆེན་བཀང་སྟེ་སྦྱིན་བྱིན་ཡང་། །བྲིས་དང་གཟུང་བའི་བསོད་ནམས་གང་ཡིན་པ། །དེ་ལ་སྦྱིན་པས་དཔེར་ཡང་མི་འགྱུར་རོ། །དེ་ལྟས་ཐོས་ན་རྩེ་གཅིག་
D140.056.0298a01.01བག་ཡོད་པར། །བྱང་ཆུབ་སེམས་དཔའ་མཁས་པས་འདི་བཟུང་ངམ། །གཟུངས་འདི་བྲིས་ཤིང་སེམས་པ་དེ་དག་ནི། །བྱང་ཆུབ་རྙེད་པ་དཀའ་བ་མེད་པར་བཤད། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པར་ཤཱ་རིའི་བུ་ལ་བཀའ་སྩལ་
D140.056.0298a02.01པ། ཤཱ་རིའི་བུ་སྒོ་མཐའ་ཡས་པས་བསྒྲུབ་པའི་གཟུངས་འདི་ལ་མངོན་པར་བརྩོན་པའི་བྱང་ཆུབ་སེམས་དཔའ་སེམས་དཔའ་ཆེན་པོའི་ལུས་ལ། གངས་ལ་གནས་པའི་གནོད་སྦྱིན་བརྒྱད་པོ་གཟི་མདངས་འཇུག་ཅིང་ཉིན་མཚན་དུ་སྲུང་བ་དང་།
D140.056.0298a03.01སྐྱོབ་པ་དང་། སྦེད་པར་བྱེད་དོ། །བརྒྱད་གང་ཞེ་ན། འདི་ལྟ་སྟེ། གནོད་སྦྱིན་དཔའ་བོ་ཞེས་བྱ་བ་དང་། བརྟན་པོ་དང་། བདག་པོ་དང་། སྲེད་མེད་ཀྱི་བུའི་སྟོབས་དང་། སྤྱོད་པའི་བློ་གྲོས་དང་། ཐུབ་དཀའ་
D140.056.0298a04.01དང་། འཇིགས་སུ་རུང་བ་དང་། གནོད་སྦྱིན་ལག་{བཟངས་,བཟང་}ཞེས་བྱ་བ་དག་སྟེ། གནོད་སྦྱིན་རྒྱལ་པོ་བརྒྱད་པོ་དེ་དག་འོང་བར་བྱ་བའི་ཕྱིར་ཤིན་ཏུ་ཁྲུས་བྱ་བ་དང་། གོས་ཤིན་ཏུ་གཙང་མ་བགོས་པ་དང་། འཆག་སར་འགྲོ་
D140.056.0298a05.01བ་དང་། སེམས་ཅན་ཐམས་ཅད་ལ་ཞེ་འགྲས་པ་མེད་པའི་སེམས་སུ་བྱ། གཟུངས་ཀྱི་ཆོས་ཀྱི་རྣམ་གྲངས་འདི་ཡང་ཡིད་ལ་བྱས་ཏེ། དེ་ལྟར་ཡིད་ལ་བྱས་ན་དེ་ལ་གནོད་སྦྱིན་བརྒྱད་པོ་དེ་དག་མྱུར་དུ་བཞིན་སྟོན་པར་འགྱུར་
D140.056.0298a06.01རོ། །བྱང་ཆུབ་སེམས་དཔའ་སེམས་དཔའ་ཆེན་པོ་འདོད་པ་ན་སྤྱོད་པའི་ལྷ་རྣམས་ཀྱི་ནང་དུ་སྐྱེས་པ་བརྒྱད་པོ་འདི་དག་ཀྱང་དེ་ལ་སེམས་པར་འགྱུར་ཏེ། བརྒྱད་གང་ཞེ་ན། འདི་ལྟ་སྟེ། བྱང་ཆུབ་སེམས་དཔའ་སེམས་
D140.056.0298a07.01