完整藏文原文 · 德格版页 当前仅加载第 56 函德格 298b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་ཆེན་པོ་རྣམ་པར་སྣང་བྱེད་ཅེས་བྱ་བ་དང་། སྣང་བྱེད་དང་། ཤེས་རབ་འོད་དང་། ཉི་མའི་འོད་དང་། ཡང་དག་སྐུལ་བྱེད་དང་། བསམ་པ་ཐམས་ཅད་ཡོངས་སུ་རྫོགས་བྱེད་དང་། སྐར་མའི་རྒྱལ་པོ་
D140.056.0298b01.01ཞེས་བྱ་བ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱོད་པའི་བློ་གྲོས་ཞེས་བྱ་བ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་བརྒྱད་པོ་དེ་དག་དེས་གཟུངས་ཐོབ་པར་བྱ་བའི་ཕྱིར། མངོན་པར་བརྩོན་པར་འགྱུར་
D140.056.0298b02.01རོ། །གཟུངས་འདི་ལ་བརྩོན་པའི་བྱང་ཆུབ་སེམས་དཔའ་སེམས་དཔའ་ཆེན་པོས་ཀྱང་། བདེན་པའི་དམ་བཅའ་བར་བྱའོ། །བྱས་པ་གཟོ་བ་དང་། བྱས་པ་ཚོར་བ་ཅན་དང་། ཆོས་འདོད་པ་དང་། ཆོས་ལ་དགའ་བ་དང་།
D140.056.0298b03.01ཟབ་མོའི་ཆོས་ལ་བཟོད་པ་ལ་མངོན་པར་བརྩོན་པར་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ་གཟུངས་ལ་བརྩོན་པས། ཀུན་འགྱེད་པའི་ངང་ཚུལ་ཅན་དུ་བྱས་ཏེ། དེ་ལ་ཇི་ལྟར་ཆུང་བ་དང་། ཇི་ལྟར་ཉུང་བ་ལས་ཀྱང་སྦྱིན་པ་སྦྱིན་པར་བྱ་
D140.056.0298b04.01ན་མང་པོ་ལས་ལྟ་སྨོས་ཀྱང་ཅི་དགོས། བཅོམ་ལྡན་འདས་ཀྱི་གཟུངས་ཀྱི་ཆོས་ཀྱི་རྣམ་གྲངས་འདི་བཤད་པ་ན། བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་གང་གཱའི་ཀླུང་གི་བྱེ་མ་སྙེད་སུམ་ཅུས་ནི། སྒོ་མཐའ་ཡས་པས་བསྒྲུབ་
D140.056.0298b05.01པའི་གཟུངས་འདི་ཐོབ་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཀྱང་ཕྱིར་མི་ལྡོག་པར་གྱུར་ཏོ། །ལྷ་དང་། མི་དང་། ལྷ་མ་ཡིན་གྱི་སྐྱེ་དགུ་སྔོན་སེམས་མ་བསྐྱེད་པ་དཀྲིགས་པ། བྱེ་བ་ཁྲག་ཁྲིག་བརྒྱ་སྟོང་
D140.056.0298b06.01ཕྲག་དྲུག་ཅུས་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་ཀྱི་རྣམ་གྲངས་འདིའི་མིང་
D140.056.0298b07.01