完整藏文原文 · 德格版页 当前仅加载第 60 函德格 267b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོ་གཟུགས་འཛིན་མངོན་པར་འཕགས་པའི་རྒྱལ་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ལྷའི་སྒྲ་དབྱངས་སྐད་སྒྲོགས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཐམས་ཅད་ལ་དབང་ཕྱུག་གི་དབང་གི་རྩལ་གྱིས་སྤྱོད་པ་དང་། བྱང་ཆུབ་སེམས་དཔའ་སེམས་
D180.060.0267b01.01དཔའ་ཆེན་པོ་གཟི་བརྗིད་དྲི་མ་མེད་པའི་ལུས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པ་དང་། དེ་དག་ལ་སོགས་པ་བྱང་ཆུབ་སེམས་དཔའ་སྟོང་ཕྲག་དགུ་བཅུ་རྩ་གཉིས་དང་ཡང་ཐབས་ཅིག་གོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སེང་
D180.060.0267b02.01གེའི་རྩལ་གྱིས་འགྲོ་བས། བྱང་ཆུབ་སེམས་དཔའི་ཚོགས་དེ་ལྟ་བུ་དེ་མཐོང་ནས། སྟན་ལས་ལངས་ཏེ་བླ་གོས་ཕྲག་པ་གཅིག་ལ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས། ཚིགས་སུ་བཅད་དེ་ཞུ་བ་ཞུས་
D180.060.0267b03.01པ། གསོ་མེད་སྲོག་མེད་བདག་མེད་ཆོས་ཀྱི་རྣམས། །མགོན་པོ་མཐའ་ཡས་གྲགས་{མངས་,མང་}བཤད་དུ་གསོལ། །འཁོར་འདི་འདི་འདྲ་དམ་པ་མཆོག་ལགས་ཏེ། །ཞི་བ་རྟག་ཞི་རྟག་ཏུ་ཉེ་བར་ཞི། །ལྟ་བའི་རྣམ་པ་ཇི་ལྟར་བྱང་ཆུབ་ལགས། །ཁྲོ་དང་ཕྲག་དོག་ང་རྒྱལ་བྲལ་བ་དང་། །འདོད་
D180.060.0267b04.01ཆགས་དངོས་བྲལ་ཇི་ལྟར་བྱང་ཆུབ་ལགས། །མགོན་པོ་མཐའ་ཡས་གྲགས་{མངས་,མང་}བཤད་དུ་གསོལ། །སྐྱོན་བྲལ་ཐར་པ་གང་ལ་མ་མཆིས་པའི། །འདུ་བྱེད་ཁམས་ཀྱང་ཇི་ལྟར་བྱང་ཆུབ་ལགས། །ཇི་ལྟར་ཆོས་རྣམས་གཉིས་སུ་མ་མཆིས་པ། །རྒྱལ་བ་ཐུགས་རྗེ་མངའ་བས་བཤད་
D180.060.0267b05.01དུ་གསོལ། །ཆོས་རྣམས་ཤིན་ཏུ་རྣམ་པར་གྲོལ་གྱུར་ཅིང་། །མྱ་ངན་འདས་དང་གྲོལ་མཉམ་ཇི་ལྟར་ལགས། །ཆགས་པ་མ་ཆགས་ནམ་མཁའི་ཚུལ་འདྲ་ཞིང་། །འཆིང་བར་མི་འགྱུར་གང་ལགས་མགོན་པོ་གསུང་། །ཀ་ལ་པིང་ཀ་ཚངས་པ་ལྷ་ཡི་གསུང་། །འོད་ལ་དྲི་མེད་གསེར་གྱི་
D180.060.0267b06.01མདོག་མངའ་བ། །ཡིད་འོང་འོད་གསལ་ཡོན་ཏན་མཆོག་མངའ་བས། །ཆོས་ཉིད་རྟག་པར་ཚུལ་གཅིག་བཀའ་སྩལ་གསོལ། །སྒྲིབ་པ་ཇི་ལྟར་བྱང་ཆུབ་མཉམ་པ་ལགས། །བྱང་ཆུབ་རང་བཞིན་ཇི་ལྟར་ཆོས་རྣམས་ལགས། །ཆོས་དང་ཆོས་མིན་ཇི་ལྟར་འདྲ་བ་ལགས། །དེ་གཉིས་
D180.060.0267b07.01