完整藏文原文 · 德格版页 当前仅加载第 60 函德格 279b 版页；藏文 NFD、目录标记与异常页序保留在来源切片中，重复版页行以稳定序号区分。
དཔལ་སེམས་ཅན་ཐམས་ཅད་སེམས་གཅིག་པའོ་ཞེས་བྱ་བ་འདི་ནི་ས་བོན་གྱི་ཚིག་གོ། །གསོལ་པ། བཅོམ་ལྡན་འདས་ཅིའི་སླད་དུ་དེ་ས་བོན་གྱི་ཚིག་ཅེས་བགྱི། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་ཆོས་ཐམས་ཅད་ནི་དམིགས་པ་མི་དམིགས་པའི་ཕྱིར་སེམས་
D180.060.0279b01.01མེད་པ་སྟེ། དེའི་ཕྱིར་དེ་ནི་ས་བོན་གྱི་ཚིག་གོ། །འཇམ་དཔལ་སེམས་ཅན་ཐམས་ཅད་ནི་འགྱུར་བ་གཅིག་གོ་ཞེས་བྱ་བ་འདི་ནི་ས་བོན་གྱི་ཚིག་གོ། །གསོལ་པ། བཅོམ་ལྡན་འདས་ཅིའི་སླད་དུ་དེ་ས་བོན་གྱི་ཚིག་ཅེས་བགྱི། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་
D180.060.0279b02.01ཆོས་ཐམས་ཅད་ནི་ཆགས་པ་མེད་པར་གཞོལ་བ་སྟེ། ནམ་མཁའ་འགྱུར་བ་ཡིན་པས་དེའི་ཕྱིར་དེ་ནི་ས་བོན་གྱི་ཚིག་གོ། །འཇམ་དཔལ་སེམས་ཅན་ཐམས་ཅད་ནི་སེམས་ཅན་གཅིག་པའོ་ཞེས་བྱ་བ་འདི་ནི་ས་བོན་གྱི་ཚིག་གོ། །གསོལ་པ། བཅོམ་ལྡན་འདས་ཅིའི་སླད་དུ་དེ་ས་བོན་གྱི་ཚིག་ཅེས་
D180.060.0279b03.01བགྱི། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་སེམས་ཅན་ཐམས་ཅད་ནི་མ་སྐྱེས་ཤིན་ཏུ་མ་སྐྱེས་ཤིང་མིང་མེད་ལ། ལམ་གཅིག་པ་དམིགས་སུ་མེད་པས་གཅིག་ཏུ་བསྟན་པ་སྟེ། དེའི་ཕྱིར་དེ་ནི་ས་བོན་གྱི་ཚིག་གོ། །འཇམ་དཔལ་འདོད་ཆགས་ཞེས་བྱ་བ་འདི་ནི་ཕུར་པའི་
D180.060.0279b04.01ཚིག་གོ། །གསོལ་པ། བཅོམ་ལྡན་འདས་ཅིའི་སླད་དུ་དེ་ཕུར་པའི་ཚིག་ཅེས་བགྱི། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་འདོད་ཆགས་ནི་མི་གནས་པའི་ཚུལ་གྱི་ཆོས་ཀྱི་དབྱིངས་ལ་གནས་པ་སྟེ། མི་གཡོ་མི་འགུལ་ཞིང་རང་བཞིན་གྱིས་དབེན་པ་སྟེ། གཡོ་བ་མེད་
D180.060.0279b05.01པས་དེའི་ཕྱིར་དེ་ནི་ཕུར་པའི་ཚིག་གོ། །འཇམ་དཔལ་ཞེ་སྡང་ཞེས་བྱ་བ་འདི་ནི་རྡོ་རྗེའི་ཚིག་གོ། །གསོལ་པ། བཅོམ་ལྡན་འདས་ཅིའི་སླད་དུ་དེ་རྡོ་རྗེའི་ཚིག་ཅེས་བགྱི། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་ཞེ་སྡང་ནི་དབྱེར་མེད་པ་སྟེ་འདི་ལྟར་དཔེར་ན། འཇམ་དཔལ་རྡོ་རྗེ་ནི་མི་ཕྱེད་མི་
D180.060.0279b06.01ཤིགས་པའོ། །འཇམ་དཔལ་དེ་བཞིན་དུ་ཆོས་ཐམས་ཅད་ནི་དངོས་པོ་མ་གྲུབ་པའི་ཕྱིར། གཞིག་ཏུ་མེད་ཅིང་དབྱེར་མེད་པ་སྟེ། དེའི་ཕྱིར་འདི་ནི་རྡོ་རྗེའི་ཚིག་གོ། །འཇམ་དཔལ་གཏི་མུག་ཅེས་བྱ་བ་འདི་ནི་ཡེ་ཤེས་ཀྱི་ཚིག་གོ། །གསོལ་པ། བཅོམ་ལྡན་འདས་ཅིའི་སླད་དུ་དེ་ཡེ་ཤེས་ཀྱི་ཚིག་ཅེས་
D180.060.0279b07.01