完整藏文原文 · 德格版页 当前仅加载第 60 函德格 279a 版页；藏文 NFD、目录标记与异常页序保留在来源切片中，重复版页行以稳定序号区分。
བཟའ་བར་འདོད་པ་དང་། བདུད་འདུལ་བར་འདོད་པ་དང་། འཁོར་བ་ལས་འདའ་བར་འདོད་པ་དང་། མྱ་ངན་ལས་འདས་པ་ཐོབ་པར་འདོད་པ་དང་། སྡུག་བསྔལ་ལས་བྲལ་བར་འདོད་པ་དང་། འཇིག་རྟེན་ལྷ་དང་བཅས་པའི་སྦྱིན་པའི་གནས་སུ་འགྱུར་བར་འདོད་པས་ཆོས་
D180.060.0279a01.01དེ་དག་ལ་དེ་ལྟར་བརྩོན་པར་བྱའོ། །ཆོས་ཀྱི་རྣམ་གྲངས་འདི་བསྟན་པའི་ཚེ། ལྷའི་བུ་སྟོང་ཕྲག་སུམ་ཅུ་རྩ་གཉིས་ཀྱིས་ཆོས་མངོན་པར་རྟོགས་པ་ཐོས་པར་གྱུར་ནས་དེ་དག་གིས་བཅོམ་ལྡན་འདས་དང་། འཇམ་དཔལ་གཞོན་ནུར་གྱུར་པ་ལ་མེ་ཏོག་མན་དཱ་ར་བ་མང་པོས་མངོན་པར་གཏོར་ནས།
D180.060.0279a02.01འདི་སྐད་ཅེས་སྨྲས་སོ། །བཅོམ་ལྡན་འདས་གང་གིས་ཆུང་ངུ་ན་བསྟན་པ་འདི་རྣ་ལམ་དུ་གྲག་པ་ཙམ་དུ་ཐོས་ཀྱང་དེ་དག་ནི་དེ་བཞིན་གཤེགས་པའི་བསྟན་པ་ལ་ལེགས་པར་རབ་ཏུ་བྱུང་བ་ལགས་ན། གང་གིས་ཐོས་ཏེ་མོས་ཤིང་ཡིད་ཆེས་པར་འགྱུར་བ་དང་། དེ་བཞིན་ཉིད་དུ་ནན་ཏན་དུ་བགྱིད་
D180.060.0279a03.01པ་ལྟ་སྨོས་ཀྱང་ཅི་འཚལ་ཏེ། བཅོམ་ལྡན་འདས་གང་གིས་བསྟན་པ་འདི་ཐ་ན་རྣ་ལམ་དུ་གྲག་པ་ཙམ་དུ་ཐོས་ཀྱང་དེ་དག་ནི་མངོན་པའི་ང་རྒྱལ་མ་མཆིས་པར་འགྱུར་རོ། །དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་
D180.060.0279a04.01གཤེགས་པས་གཟུངས་ཀྱི་ཚིག་གང་གིས་བྱང་ཆུབ་སེམས་དཔའ་རྣམས་ཐོགས་པ་མ་མཆིས་པའི་སྤོབས་པ་ཐོབ་པར་འགྱུར་ཞིང་། སྒྲ་གང་གིས་ཀྱང་འཇིགས་པར་མི་འགྱུར་བ་དང་། ཆོས་ཐམས་ཅད་སངས་རྒྱས་ཀྱི་ཆོས་དང་། སྦྱོར་བར་འགྱུར་བ་དང་། ཆོས་ཐམས་ཅད་ཚུལ་གཅིག་པར་
D180.060.0279a05.01རྟོགས་པར་འགྱུར་བ་དེ་ལྟ་བུའི་གཟུངས་ཀྱི་ཚུལ་གྱི་ཚིག་བཀའ་སྩལ་དུ་གསོལ། དེ་སྐད་ཅེས་གསོལ་བ་དང་། བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་དེ་བས་ན་ཆོས་ཀྱི་སྒོ་གང་གིས་བྱང་ཆུབ་སེམས་དཔའ་ཆོས་ཐམས་ཅད་
D180.060.0279a06.01ལ་སྣང་བ་ཐོབ་པར་འགྱུར་ཞིང་། མྱུར་དུ་མི་སྐྱེ་བའི་ཆོས་ལ་བཟོད་པ་ཐོབ་པར་འགྱུར་བའི་ཕུར་པའི་ཚིག་དང་། ས་བོན་གྱི་ཚིག་བསྟན་པ་ཞེས་བྱ་བའི་ཆོས་ཀྱི་སྒོ་འདི་ཉོན་ཅིག །འཇམ་དཔལ་ཕུར་པའི་ཚིག་དང་། ས་བོན་གྱི་ཚིག་བསྟན་པ་ཞེས་བྱ་བའི་ཆོས་ཀྱི་སྒོ་དེ་ཡང་གང་ཞེ་ན། འཇམ་
D180.060.0279a07.01