完整藏文原文 · 德格版页 当前仅加载第 60 函德格 268a 版页；藏文 NFD、目录标记与异常页序保留在来源切片中，重复版页行以稳定序号区分。
ཇི་ལྟར་ནམ་མཁའ་མཚུངས་པ་ལགས། །ཆོས་རྣམས་གྲངས་དང་བགྲང་བ་མ་མཆིས་ཤིང་། །ཞིང་དང་མཉམ་པར་དེ་དག་ཇི་ལྟར་འགྱུར། །སྐྱོན་བྲལ་བྱང་ཆུབ་དེ་ལ་མ་མཆིས་ཤིང་། །དེ་ལ་ཀུན་མཁྱེན་མ་མཆིས་ཇི་ལྟར་ལགས། །བགྱི་དང་བགྱིད་དང་བགྱི་བའི་རང་བཞིན་དང་། །
D180.060.0268a01.01གཟུང་དང་འཛིན་པ་ནམ་ཡང་མ་མཆིས་ལ། །སེམས་ཅན་རྣམས་ཀྱང་རྟག་པར་མ་མཆིས་ཤིང་། །དེ་ལ་ཆོས་སྤྱོད་ཇི་ལྟར་མ་མཆིས་འགྱུར། །དེ་ལ་ཚུལ་ཁྲིམས་བཟོད་པ་མ་མཆིས་ཤིང་། །ཚུལ་ཁྲིམས་འཆལ་བརའང་དེ་ལ་མ་མཆིས་ལ། །བསམ་གཏན་ཤེས་རབ་དེ་ལ་མ་མཆིས་ཤིང་། །
D180.060.0268a02.01རྟོགས་དང་མ་རྟོགས་མ་མཆིས་ཇི་ལྟར་ལགས། །ཆོས་རྣམས་དྲི་མེད་དག་པ་ཇི་ལྟར་ལགས། །ནམ་མཁའ་འདྲ་ཞིང་ཅི་ཡང་མ་ལགས་ལ། །ནམ་ཡང་སེམས་ཀྱི་རང་བཞིན་མི་དམིགས་ཤིང་། །ཆོས་རྣམས་སེམས་མེད་ཇི་ལྟར་ལགས་པར་འགྱུར། །ཡོངས་སུ་ཤེས་བགྱི་ཇི་ལྟར་མ་མཆིས་ཤིང་། །
D180.060.0268a03.01སྒོམ་དང་མངོན་བགྱི་མཆིས་པ་མ་ལགས་ལ། །གང་དུའང་དེ་ལ་སྤང་བ་མ་མཆིས་པས། །སེམས་ཅན་ཇི་ལྟར་ནམ་མཁའི་དབྱིངས་འདྲ་ལགས། །གང་ལ་ཆོས་ཉིད་གཅིག་གི་ཚུལ་གྱུར་པ། །དེ་ལ་རང་བཞིན་ནམ་ཡང་མ་མཆིས་ལ། །སྐྱེ་བ་ནམ་ཡང་དེ་ལ་མ་མཆིས་པའི། །ཆོས་ཀྱི་ཚུལ་ནི་
D180.060.0268a04.01མགོན་པོས་བཤད་དུ་གསོལ། །དེ་ལ་སློབ་དང་དགྲ་བཅོམ་མ་མཆིས་ཏེ། །རང་རྒྱལ་ཇི་ལྟར་མཆིས་པ་མ་ལགས་ཤིང་། །བྱང་ཆུབ་ཚོལ་བའི་ཆོས་ཀྱང་མ་མཆིས་ལ། །སོང་དང་འོངས་པ་མ་མཆིས་ཇི་ལྟར་ལགས། །གང་ལ་གནས་དང་རྟེན་པ་མ་མཆིས་ཤིང་། །འོང་དང་འགྲོ་བ་དག་ཀྱང་མ་མཆིས་
D180.060.0268a05.01ལ། །ཆོས་རྣམས་འགྲོ་དང་འོང་དང་བྲལ་བས་ན། །རི་བཞིན་མི་གཡོ་བརྟན་གནས་ཇི་ལྟར་ལགས། །དེ་ལ་ཇི་ལྟར་འདུ་ཤེས་གཟུགས་མ་མཆིས། །གཟུགས་ཀྱི་རང་བཞིན་ཇི་ལྟར་བྱང་ཆུབ་ལགས། །གཟུགས་དང་བྱང་ཆུབ་ཇི་ལྟར་གཉིས་མ་མཆིས། །དྲི་མེད་མཆོག་མངའ་རྒྱལ་བས་དེ་
D180.060.0268a06.01དག་གསུངས། །སངས་རྒྱས་གང་ལ་མ་མཆིས་ཆོས་དག་དང་། །དགེ་འདུན་གང་ལ་མ་མཆིས་དེ་སླད་དུ། །སངས་རྒྱས་ཆོས་དང་དགེ་འདུན་མཆོག་གི་རྣམས། །དེ་དག་གཅིག་གི་ཚུལ་དུ་ཇི་ལྟར་འགྱུར། །གང་ལ་སྟོང་དང་མཚན་ཉིད་མ་མཆིས་ཤིང་། །འདུ་དང་འབྲལ་བ་དེ་ལ་མ་མཆིས་ལ། །
D180.060.0268a07.01