完整藏文原文 · 德格版页 当前仅加载第 61 函德格 145a 版页；藏文 NFD、目录标记与异常页序保留在来源切片中，重复版页行以稳定序号区分。
མི་རྣམས་ཀྱིས་ནི་དམ་པ་དེ་ལ་མཆོད། །གཞན་གྱི་སྲོག་ནི་མ་གཅོད་དེ་བཞིན་དུ། །གཞན་གྱི་ནོར་དག་མ་བྱིན་ལེན་མ་བྱེད། །གཞན་གྱི་བུད་མེད་དག་ལ་འཚེ་མ་བྱེད། །སངས་རྒྱས་ཆོས་ལ་རྟག་ཏུ་གུས་པར་བྱོས། །ང་རྒྱལ་རྒྱགས་དང་བརླང་
D186.061.0145a01.01བ་སྤངས་ནས་ཀྱང་། །བཱ་རཱ་ཎ་སཱི་ཞེས་ནི་བྱ་བ་ཡི། །ཨ་མྲ་སྲུང་བ་མོ་ཡི་ཚལ་དུ་དེང་། །མི་མཆོག་ལ་ནི་མྱུར་དུ་བལྟ་བར་གྱིས། །དེ་ཡི་བཀོད་པ་རྒྱ་ཆེར་ཡིད་དུ་འོང་། །དགེ་སློང་དགེ་འདུན་རྟག་ཏུ་རྫུ་འཕྲུལ་ལྡན། །བྱང་ཆུབ་སེམས་དཔའ་རྒྱ་ཆེན་རྫུ་འཕྲུལ་ཆེ། །
D186.061.0145a02.01སེམས་ཅན་མི་མཁས་ཁོང་དུ་ཆུད་བྱ་དང་། །སེམས་ཅན་བྱེ་བ་མང་པོ་ཐར་བྱའི་ཕྱིར། །འོད་ཟེར་རྟག་ཏུ་གང་གིས་བཏང་བ་དེ། །མཚན་ནི་སྤྱན་རས་གཟིགས་ཀྱི་དབང་ཕྱུག་གོ། །གང་དག་ང་རྒྱལ་རྒྱགས་ཁེངས་བགྱིད་གྱུར་ཅིང་། །སངས་རྒྱས་ཆོས་ལ་རིམ་
D186.061.0145a03.01གྲོ་མི་བྱེད་པ། །ལག་ན་རྡོ་རྗེ་མགོན་པོ་སེམས་ཅན་མཆོག །རྟག་ཏུ་འོད་ཟེར་གཏོང་ཞིང་གོ་བར་བྱེད། །དེ་ཡི་གཟུགས་ནི་ཡངས་ཤིང་རྫུ་འཕྲུལ་ཆེ། །བསྐལ་པ་བྱེ་བར་དེ་ནི་བཤད་མི་རྫོགས། །འདིར་ནི་བདེ་བར་གཤེགས་ལ་མཆོད་པའི་ཕྱིར། །དྲི་དང་ཕྲེང་
D186.061.0145a04.01བ་གོས་མཆོག་རྒྱན་ཁྱེར་ལ། །མི་ཡི་འདྲེན་པ་འདི་ལ་མཆོད་པར་བྱོས། །སངས་རྒྱས་འབྱུང་བར་འགྱུར་བ་རབ་དཀོན་ནོ། །འདོད་ཕྱིར་བསྐལ་པ་བྱེ་བ་མང་པོར་ཡང་། །རྟག་ཏུ་སྡུག་བསྔལ་ཐོབ་ཅིང་འཐོབ་པར་འགྱུར། །མཁས་པས་རྟག་ཏུ་ཐར་པ་འདོད་པར་
D186.061.0145a05.01གྱིས། །མི་མཆོག་སངས་རྒྱས་ལ་ནི་མཆོད་པར་བྱོས། །བུ་དང་བུ་མོ་དེ་བཞིན་གཉེན་རྣམས་དང་། །ཕ་མ་ཆུང་མ་བཤེས་མང་སྐྱེ་བོ་རྣམས། །ཐམས་ཅད་སྒྱུ་མ་འདྲ་བས་དོན་མེད་དེ། །རྟག་པར་གཞན་དང་གཞན་དུ་སྐྱེ་བར་འགྱུར། །དེ་ལྟར་གསེར་དང་དངུལ་ཡང་
D186.061.0145a06.01གློག་དང་འདྲ། །འདི་ལ་སྙིང་པོ་འགའ་ཡང་སྣང་བ་མེད། །བྱང་ཆུབ་གོ་འཕང་ཐོབ་པར་བྱ་བའི་ཕྱིར། །མི་རྣམས་འདྲེན་པ་ལ་ནི་མཆོད་པར་བྱོས། །དེ་ནས་དེའི་ཚེ་ན་འོད་ཟེར་ལས་བྱུང་བའི་ཚིགས་སུ་བཅད་པས་བསྐུལ་བ་གཅིག་ནས་གཅིག་ཏུ་བརྒྱུད་པ་འདིས་སྟོང་གསུམ་གྱི་སྟོང་
D186.061.0145a07.01