完整藏文原文 · 德格版页 当前仅加载第 61 函德格 147b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་མཁས་པས་འདོད་ཆགས་དང་། ཞེ་སྡང་དང་། གཏི་མུག་གི་ནད་དང་། ཉོན་མོངས་པ་དང་། ཉེ་བའི་ཉོན་མོངས་པའི་ནད་ཀྱིས་གཟིར་བའི་སེམས་ཅན་དང་། ང་རྒྱལ་དང་། རྒྱགས་པ་དང་། དྲེགས་པས་བསྒྲིབས་པ་དང་། ཆགས་པ་དང་། མྱ་ངན་དང་། འཇིགས་
D186.061.0147b01.01པ་དང་། ཁྲོ་བས་བསྒྲིབས་པ་རྣམས་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། {ཡི་དགས་,ཡི་དྭགས་}ཀྱི་སྐྱེ་གནས་དང་། གཤིན་རྗེའི་འཇིག་རྟེན་གྱི་གནས་ནས་ཡོངས་སུ་ཐར་བར་བྱ་བའི་ཕྱིར་ཐབས་མཁས་པ་སྣ་ཚོགས་དང་། སྦྱོར་བ་སྣ་ཚོགས་དང་། ཏིང་ངེ་
D186.061.0147b02.01འཛིན་སྣ་ཚོགས་དང་། རྫུ་འཕྲུལ་གྱི་རྣམ་པར་རོལ་པས་སེམས་ཅན་རྣམས་ཡོངས་སུ་གྲོལ་བར་བྱས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་ལ་བཀོད་ནས། ལྷག་མ་མ་ལུས་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བར་
D186.061.0147b03.01མཛད་དོ། །མི་དགེ་བའི་ཆོས་བརྒྱད་ལས་ཡོངས་སུ་ཐར་བར་མཛད་ཅིང་འཕགས་པའི་ལམ་ཡན་ལག་བརྒྱད་པ་ལ་སོ་སོར་འགོད་དེ། རིགས་ཀྱི་བུ་འདི་ལྟ་སྟེ། དཔེར་ན་ཟླ་བའི་དཀྱིལ་འཁོར་ནི་ཐབས་ལ་མཁས་པ་དང་ལྡན་པས་ཇི་ལྟར་ཁམས་ཀྱི་དགེ་བའི་རྩ་བ་འདུལ་བའི་
D186.061.0147b04.01སེམས་ཅན་རྣམས་ཀྱི་དོན་དུ་བདག་ཉིད་མི་སྣང་བར་ཡང་སྟོན། ཟླ་བ་ཁམ་པ་ལྟ་བུའི་དཀྱིལ་འཁོར་ཀྱང་སྟོན། ཟླ་བ་མར་གྱི་ངོ་དང་། ཡར་གྱི་ངོ་ཡང་སྟོན། ཟླ་བའི་དཀྱིལ་འཁོར་ཡོངས་སུ་རྒྱས་པ་ཡང་སྟོན། མུན་ནག་ཐིབས་པོ་ཐམས་ཅད་ཀྱང་རྣམ་པར་སེལ། རྩྭ་དང་།
D186.061.0147b05.01ཤིང་གེལ་པ་དང་། སྨན་དང་། འབྲས་ལ་སོགས་པ་ཡང་སིམ་པར་བྱེད་དོ། །ཀྱེ་རྒྱལ་བའི་བུ་དག་དེ་བཞིན་དུ་དེ་བཞིན་གཤེགས་པས་ཀྱང་སྡུག་བསྔལ་རྣམ་པ་སྣ་ཚོགས་ཀྱིས་བསྒྲིབས་པའི་སེམས་ཅན་རྣམས་དང་། ཁམས་སྣ་ཚོགས་ཀྱིས་འདུལ་བའི་སེམས་ཅན་
D186.061.0147b06.01རྣམས་ཀྱི་སྤྱོད་པ་མཁྱེན་ནས་ཡོངས་སུ་མྱ་ངན་ལས་འདའ་བ་ཡང་སྟོན། སྐྱེ་བ་ཡང་སྟོན། འཁོར་ལོས་སྒྱུར་བའི་རྒྱལ་པོ་ཡང་སྟོན། རྩེ་བ་དང་། དགའ་བ་དང་། བུད་མེད་ཀྱི་བཞད་གད་དང་། ཀུ་རེ་དང་། དྲི་དང་། ཕྲེང་བ་དང་། དགའ་ཞིང་རྩེ་བ་ཡང་སྟོན། །ཁྱིམ་
D186.061.0147b07.01