完整藏文原文 · 德格版页 当前仅加载第 61 函德格 151b 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་པ། རིགས་ཀྱི་བུ་གང་གི་ཕྱིར་སེམས་ཅན་རྣམས་ངན་སོང་དུ་འགྲོ་བར་མི་འགྱུར་བ་དང་། གང་ངན་སོང་དུ་སྐྱེས་པ་དེ་དག་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་ལས་ཡོངས་སུ་གྲོལ་བར་འགྱུར་བའི་བཅོམ་ལྡན་འདས་དེ་བཞིན་
D186.061.0151b01.01གཤེགས་པ་དེ་དག་གི་མཚན་རྣམས་དང་། འཇིག་རྟེན་གྱི་ཁམས་སུ་མཆོད་ཅིང་བསྟི་སྟང་བྱ་བ་བཤད་ཀྱིས་ཉོན་ཅིག །འཇིག་རྟེན་གྱི་ཁམས་བཻ་དཱུརྱ་སྣང་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྨན་གྱི་བླ་བཻ་དཱུརྱའི་འོད་ཅེས་བྱ་བ་
D186.061.0151b02.01བཞུགས་ཏེ། འཚོ་ལ་གཞེས་ཤིང་ཆོས་ཀྱང་སྟོན་པ་ཡོད་དོ། །འཇིག་རྟེན་གྱི་ཁམས་གཙུག་པུད་ཅན་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་གཙུག་པུད་ཅན་ཞེས་བྱ་བ་ཡོད་དོ། །འཇིག་རྟེན་གྱི་ཁམས་དྲི་མ་མེད་པ་ན་
D186.061.0151b03.01དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དྲི་མ་མེད་པར་འབྱུང་བ་ཞེས་བྱ་བ་ཡོད་དོ། །འཇིག་རྟེན་གྱི་ཁམས་ཞི་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རབ་ཏུ་ཞི་བར་བཀོད་པ་ཞེས་བྱ་བ་ཡོད་དོ། །འཇིག་
D186.061.0151b04.01རྟེན་གྱི་ཁམས་བདེ་བ་ཅན་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་ཏུ་མེད་པ་ཞེས་བྱ་བ་དང་། འཇིག་རྟེན་གྱི་ཁམས་པད་མོའི་བླ་མ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པད་མོ་འབྱུང་
D186.061.0151b05.01བ་ཞེས་བྱ་བ་དང་། འཇིག་རྟེན་གྱི་ཁམས་རྡོ་རྗེ་ན་དེ་བཞིན་གཤེགས་པ་རྡོ་རྗེ་མཁྲེགས་པ་ཞེས་བྱ་བ་དང་། འཇིག་རྟེན་གྱི་ཁམས་མྱ་ངན་མེད་པ་ན་དེ་བཞིན་གཤེགས་པ་མྱ་ངན་བྲལ་བ་ཞེས་བྱ་བ་དང་། འཇིག་རྟེན་གྱི་ཁམས་འཇིགས་པ་མེད་པ་ན་དེ་བཞིན་གཤེགས་པ་འཇིགས་
D186.061.0151b06.01པ་ཐམས་ཅད་རབ་ཏུ་ཞི་བར་མཛད་པ་ཞེས་བྱ་བ་དང་། འཇིག་རྟེན་གྱི་ཁམས་རྟོགས་པ་དང་བློ་གྲོས་སུ་ལྡན་པ་ན་དེ་བཞིན་གཤེགས་པ་འགྲོ་བ་ཐམས་ཅད་ཡོངས་སུ་སྦྱོང་བ་ཞེས་བྱ་བ་དང་། འཇིག་རྟེན་གྱི་ཁམས་ངན་འགྲོ་དང་བྲལ་བ་ན་དེ་བཞིན་གཤེགས་པ་ངན་སོང་ཐམས་ཅད་ཞི་བར་
D186.061.0151b07.01