完整藏文原文 · 德格版页 当前仅加载第 61 函德格 148a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་འབྱུང་བ་དང་། རབ་ཏུ་འབྱུང་བ་དང་། དཀའ་བ་སྤྱད་པ་རྣམས་ཀྱང་སྟོན། བདུད་བཏུལ་བ་དང་། ཆོས་ཀྱི་འཁོར་ལོ་བསྐོར་བ་ནས་ཆོས་ཀྱི་སྤྲིན་ཆེན་པོའི་ཆར་ཕབ་པས་སེམས་ཅན་རྣམས་ཚིམ་པར་བྱས་པའི་བར་དུ་ཡང་སྟོན་ཏེ། དེ་བཞིན་གཤེགས་
D186.061.0148a01.01པ་རྣམས་ཡོངས་སུ་མྱ་ངན་ལས་འདས་ཀྱང་སྦྱོར་བ་སྣ་ཚོགས་ཀྱིས་རིང་བསྲེལ་མཆོད་པ་དང་། མཆོད་རྟེན་དང་། གཙུག་ལག་ཁང་དང་། སྐུ་གཟུགས་བྱེད་དུ་གཞུག་པ་དང་། རབ་ཏུ་འབྱུང་བའི་ཕྱིར་ཁྱིམ་ནས་འབྱུང་བ་དང་། དགེ་སློང་གི་དགེ་འདུན་ལ་མཆོད་པ་དང་། དམ་
D186.061.0148a02.01པའི་ཆོས་འདྲི་བ་དང་། བཀླག་པ་དང་། ཁ་ཏོན་དུ་བྱ་བ་ལ་སྤྲོ་བ་བསྐྱེད་པ་དག་གིས་ཀྱང་སེམས་ཅན་ཐམས་ཅད་ཐར་བར་མཛད། བསླབ་པ་འཛིན་པ་དང་། བརྟུལ་ཞུགས་དང་། སྡོམ་པ་དང་། ཉེ་བར་གནས་པ་དང་། དགེ་བསྙེན་གྱི་སྡོམ་པ་རྣམས་འཛིན་དུ་གཞུག་པའི་ཐབས་
D186.061.0148a03.01མཁས་པས་ཀྱང་སེམས་ཅན་རྣམས་ཐར་བར་མཛད་དེ། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དང་། མི་ཁོམ་པ་དང་། ངན་སོང་དང་། ངན་འགྲོ་ཐམས་ཅད་ལས་ཡོངས་སུ་ཐར་བར་མཛད་ནས་ཆོས་ཉན་པས་ཚིམ་པར་མཛད་དེ།
D186.061.0148a04.01བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་དུ་བཀོད་དོ། །དེ་ནས་དེའི་ཚེ་ན་ལྷའི་བུ་བློ་ཆུང་བ་ཁ་ཅིག་ནི་འདི་སྙམ་དུ་སེམས་པར་གྱུར་ཏེ། ཇི་ལྟར་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གིས་དེ་བཞིན་གཤེགས་པའི་
D186.061.0148a05.01མཛད་པ་མཛད་དེ། སྐུ་ཚེ་ཤིན་ཏུ་རིང་པོར་བྱིན་གྱིས་བརླབས་ནས་སེམས་ཅན་ཐམས་ཅད་སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་ཐམས་ཅད་ལས་ཡོངས་སུ་ཐར་
D186.061.0148a06.01བར་མཛད་པ་དེ་ལྟར་དེ་བཞིན་གཤེགས་པ་འདིས་དེ་བཞིན་གཤེགས་པའི་མཛད་པ་ཐམས་ཅད་ད་དུང་མ་མཛད་ཀྱིས་ཀྱང་། འདིས་མྱ་ངན་ལས་འདའ་བ་ལ་ཤིན་ཏུ་བསྔགས་ཤིང་བརྗོད་དེ། འཁོར་མང་པོ་བསྡུས་ནས་རྫུ་འཕྲུལ་དང་རྣམ་པར་འཕྲུལ་བའི་ཆོ་འཕྲུལ་སྣ་ཚོགས་
D186.061.0148a07.01