完整藏文原文 · 德格版页 当前仅加载第 64 函德格 232a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལགས་ཏེ། འཁོར་བའི་རང་བཞིན་གྱིས་འཁོར་བ་མ་མཆིས་པ་ཤེས་པ་དེས་ཆོས་ཐམས་ཅད་འཁོར་བ་མ་མཆིས་པ་ལགས་ན་བཅོམ་ལྡན་འདས་ཀྱིས་འཁོར་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་
D233.064.0232a01.01དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཆོས་ཐམས་ཅད་ནི་བརྗོད་དུ་མེད་པ་མ་མཆིས་པ་ལགས་ཏེ། བརྗོད་དུ་མེད་པ་རྣམ་པར་དག་པ་ལགས་སོ། །དེ་ཅིའི་སླད་དུ་ཞེ་ན། བརྗོད་དུ་མེད་པའི་རང་བཞིན་
D233.064.0232a02.01ལས་གཞན་མ་ལགས་པའི་སླད་དུ་སྟེ། བརྗོད་དུ་མེད་པའི་རང་བཞིན་ལས་བརྗོད་དུ་མེད་པ་མ་མཆིས་པ་གཞན་མ་ལགས་ཀྱི། བརྗོད་དུ་མེད་པའི་རང་བཞིན་ཉིད་བརྗོད་དུ་མེད་པ་མ་མཆིས་པ་ལགས་ཏེ། བརྗོད་དུ་མེད་པའི་རང་བཞིན་གྱིས་བརྗོད་དུ་མེད་པ་མ་མཆིས་པ་ཤེས་པ་དེས་ཆོས་ཐམས་
D233.064.0232a03.01ཅད་བརྗོད་དུ་མེད་པ་མ་མཆིས་པ་ལགས་ན་བཅོམ་ལྡན་འདས་ཀྱིས་བརྗོད་དུ་མེད་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་
D233.064.0232a04.01གསོལ། བཅོམ་ལྡན་འདས་ཆོས་ཐམས་ཅད་ནི་ཀུན་ནས་ཉོན་མོངས་པ་མ་མཆིས་པ་ལགས་ཏེ། ཀུན་ནས་ཉོན་མོངས་པ་རྣམ་པར་དག་པ་ལགས་སོ། །དེ་ཅིའི་སླད་དུ་ཞེ་ན། ཀུན་ནས་ཉོན་མོངས་པའི་རང་བཞིན་ལས་གཞན་མ་ལགས་པའི་སླད་དུ་སྟེ། ཀུན་ནས་ཉོན་མོངས་
D233.064.0232a05.01པའི་རང་བཞིན་ལས་ཀུན་ནས་ཉོན་མོངས་པ་མ་མཆིས་པ་གཞན་མ་ལགས་ཀྱི། ཀུན་ནས་ཉོན་མོངས་པའི་རང་བཞིན་ཉིད་ཀུན་ནས་ཉོན་མོངས་པ་མ་མཆིས་པ་ལགས་ཏེ། ཀུན་ནས་ཉོན་མོངས་པའི་རང་བཞིན་གྱིས་ཀུན་ནས་ཉོན་མོངས་པ་མ་མཆིས་པ་ཤེས་པ་དེས་ཆོས་ཐམས་ཅད་ཀུན་ནས་
D233.064.0232a06.01ཉོན་མོངས་པ་མ་མཆིས་པ་ལགས་ན་བཅོམ་ལྡན་འདས་ཀྱིས་ཀུན་ནས་ཉོན་མོངས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ།
D233.064.0232a07.01