完整藏文原文 · 德格版页 当前仅加载第 64 函德格 238b 版页；藏文 NFD、目录标记与异常页序保留在来源切片中，重复版页行以稳定序号区分。
ནུབ་ཕྱོགས་ཀྱང་དེ་དང་འདྲའོ། །བྱང་ཕྱོགས་ཀྱང་དེ་དང་འདྲའོ། །ཤར་ལྷོའི་མཚམས་དང་། ལྷོ་ནུབ་ཀྱི་མཚམས་དང་། ནུབ་བྱང་གི་མཚམས་དང་། བྱང་ཤར་གྱི་མཚམས་ཀྱང་དེ་དང་འདྲའོ། །སྟེང་དང་འོག་གི་ཕྱོགས་ཀྱང་དེ་དང་འདྲའོ། །འཇིག་རྟེན་གྱི་ཁམས་རྒྱ་མཚོའི་འཇིག་རྟེན་གྱི་ཁམས་གང་
D233.064.0238b01.01དག་ནས་བྱང་ཆུབ་སེམས་དཔའ་དེ་དག་འཁོར་དེར་འདུས་པའི་འཇིག་རྟེན་གྱི་ཁམས་རྒྱ་མཚོ་དེ་དག་གི་འདབ་ཀྱི་འཇིག་རྟེན་གྱི་ཁམས་རྒྱ་མཚོ་གང་ཡིན་པ་དེ་དག་གི་ཕ་རོལ་གྱི་ཡང་ཆེས་ཕ་རོལ། འཇིག་རྟེན་གྱི་ཁམས་རྒྱ་མཚོ་གང་གཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་
D233.064.0238b02.01ཁྲག་ཁྲིག་གྲངས་མེད་པ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་འགུལ། རབ་ཏུ་འགུལ། ཀུན་ཏུ་རབ་ཏུ་འགུལ། གཡོ། རབ་ཏུ་གཡོ། ཀུན་ཏུ་རབ་ཏུ་གཡོ། ལྡེག །རབ་ཏུ་ལྡེག །ཀུན་ཏུ་རབ་ཏུ་ལྡེག །ཆེམ་ཆེམ། རབ་ཏུ་ཆེམ་ཆེམ། ཀུན་ཏུ་རབ་ཏུ་ཆེམ་ཆེམ། འཁྲུག །རབ་ཏུ་འཁྲུག །
D233.064.0238b03.01ཀུན་ཏུ་རབ་ཏུ་འཁྲུག །འུར་འུར། རབ་ཏུ་འུར་འུར། ཀུན་ཏུ་རབ་ཏུ་འུར་འུར་ཏེ། འཇིག་རྟེན་གྱི་ཁམས་རྒྱ་མཚོའི་འཇིག་རྟེན་གྱི་ཁམས་རེ་རེ་ཡང་ཤར་ཕྱོགས་དམའ་ན་ནུབ་ཕྱོགས་མཐོ། ནུབ་ཕྱོགས་དམའ་ན་ཤར་ཕྱོགས་མཐོ། ལྷོ་ཕྱོགས་དམའ་ན་བྱང་ཕྱོགས་མཐོ། བྱང་ཕྱོགས་དམའ་ན་
D233.064.0238b04.01ལྷོ་ཕྱོགས་མཐོ། བྱང་ཤར་མཚམས་ཀྱི་ཕྱོགས་དམའ་ན་ལྷོ་ནུབ་མཚམས་ཀྱི་ཕྱོགས་མཐོ། ལྷོ་ནུབ་མཚམས་ཀྱི་ཕྱོགས་དམའ་ན་བྱང་ཤར་མཚམས་ཀྱི་ཕྱོགས་མཐོ། ཤར་ལྷོ་མཚམས་ཀྱི་ཕྱོགས་དམའ་ནནུབ་བྱང་མཚམས་ཀྱི་ཕྱོགས་མཐོ། ནུབ་བྱང་མཚམས་ཀྱི་ཕྱོགས་དམའ་ན་ཤར་ལྷོ་
D233.064.0238b05.01མཚམས་ཀྱི་ཕྱོགས་མཐོ། མཐའ་དམའ་ན་དབུས་མཐོ། དབུས་དམའ་ན་མཐའ་མཐོ་བར་གྱུར་ཏོ། །ཡང་དེའི་ཚེ་དེ་བཞིན་གཤེགས་པའི་འཁོར་གྱི་དཀྱིལ་འཁོར་གྱི་ཀུན་ནས་ཕྱོགས་བཅུར་འཇིག་རྟེན་གྱི་ཁམས་རྒྱ་མཚོ་གང་གཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་
D233.064.0238b06.01ཁྲག་ཁྲིག་གྲངས་མེད་པ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་དག་གི་འཇིག་རྟེན་གྱི་ཁམས་རེ་རེ་ན་རྡུལ་ཕྲ་རབ་ཀྱི་རྡུལ་རེ་རེ་ན། འཇིག་རྟེན་གྱི་ཁམས་རྒྱ་མཚོ་གང་གཱའི་ཀླུང་ལྔ་བཅུའི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་གནས་པར་
D233.064.0238b07.01