完整藏文原文 · 德格版页 当前仅加载第 64 函德格 236b 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་ཏུ་འཁོད་དོ། །ཡང་དེའི་ཚེ་ཕྱོགས་བཅུ་ཀུན་གྱི་ཕྱོགས་ཆ་རེ་རེར་འཇིག་རྟེན་གྱི་ཁམས་རྒྱ་མཚོ་གང་གཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་ལས། འཇིག་རྟེན་གྱི་ཁམས་རེ་རེའི་རྡུལ་
D233.064.0236b01.01ཕྲ་རབ་ཀྱི་རྡུལ་རེ་རེ་ལ་བྱང་ཆུབ་སེམས་དཔའ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་གང་གཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་གནས་པར་གྱུར་ཏེ། འོན་ཀྱང་སེམས་ཅན་སུ་ལ་ཡང་གནོད་པའམ་སྒྲིབ་པ་མེད་དོ། །འཇིག་རྟེན་
D233.064.0236b02.01གྱི་ཁམས་རྣམས་དང་། གླིང་རྣམས་དང་། ལྷུན་པོ་དང་། ལྷུན་པོ་ཆེན་པོ་དང་། བཏང་བཟུང་དང་། བཏང་བཟུང་ཆེན་པོ་དང་། གངས་དང་། གངས་ཆེན་པོ་དང་། ཁོར་ཡུག་དང་། ཁོར་ཡུག་ཆེན་པོ་རྣམས་དང་། རྒྱ་མཚོ་དང་། རྒྱ་མཚོ་ཆེན་པོ་རྣམས་དང་། ལྷའི་གནས་རྣམས་དང་།
D233.064.0236b03.01ཀླུ་དང་། མཚོ་བྲན་དང་། མཚེའུ་རྣམས་དང་། གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། ཡུལ་འཁོར་དང་། རྒྱལ་པོའི་ཕོ་བྲང་རྣམས་ལ་ཡང་གནོད་པའམ་སྒྲིབ་པ་མེད་དེ། སྔོན་ཇི་ལྟ་བ་དེ་བཞིན་དུ་ཕྱིས་ཀྱང་བྱ་བ་ལ་འཇུག་པར་གྱུར་ཏོ། །བྱང་ཆུབ་སེམས་དཔའ་
D233.064.0236b04.01རྣམས་ཀྱིས་ཀྱང་བསམ་པ་ཇི་ལྟ་བ་དང་། འདུལ་བ་ཇི་ལྟ་བ་དེ་བཞིན་དུ་དེ་བཞིན་གཤེགས་པ་མངོན་སུམ་དུ་བཞུགས་པར་མཐོང་ངོ་། །དེ་ཅིའི་ཕྱིར་ཞེ་ན། མ་འདྲེས་པའི་ཆོས་དང་ལྡན་པའི་ཕྱིར་རོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོའི་འཁོར་དང་། བྱང་ཆུབ་
D233.064.0236b05.01སེམས་དཔའ་ཁ་ཅིག་འདི་སྙམ་དུ་སེམས་ཏེ། བཅོམ་ལྡན་འདས་ཀྱིས་ཕྱོགས་བཅུའི་འཇིག་རྟེན་གྱི་ཁམས་ཀུན་ནས་ཉོན་མོངས་པ་ཅན་དག་ཏུ་ཐབས་རྣམ་པ་སྣ་ཚོགས་ལ་མཁས་པའི་ཚུལ་གྱི་མཚམས་སྦྱོར་བའི་འཇིག་རྟེན་གྱི་སྤྱོད་པ་རྣམས་དང་། ཡེ་ཤེས་དང་། གཟིགས་པ་དང་།
D233.064.0236b06.01ཁམས་དང་། རྒྱུ་དང་། དམིགས་པ་དང་། ངེས་པའི་ཚིག་དང་། གདགས་པ་དང་། རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་དག་གིས་སེམས་ཅན་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་མཛད་པ་དག་ཅི་ཐམས་ཅད་འཁོར་འདིར་
D233.064.0236b07.01