完整藏文原文 · 德格版页 当前仅加载第 64 函德格 234b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་མཛད་པའི་བྱང་ཆུབ་སེམས་དཔའ་གང་ལགས་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། དེ་སྐད་ཅེས་གསོལ་ནས། བཅོམ་ལྡན་འདས་ཀྱིས་འཁོར་དེ་དག་གི་ལྷག་པའི་བསམ་པ་ཐུགས་སུ་ཆུད་དེ། ཕྱོགས་
D233.064.0234b01.01བཅུའི་བྱང་ཆུབ་སེམས་དཔའ་རྣམས་ཀྱི་མཐོང་བར་འདོད་པ་མཁྱེན་ནས་བསམ་པ་ཡོངས་སུ་རྫོགས་པར་མཛད་པ་དང་། བྱང་ཆུབ་སེམས་དཔའ་དེ་དག་བསྡུ་བར་བྱ་བའི་ཕྱིར་ཞབས་གཉིས་ཀྱི་མཐིལ་ནས་འོད་ཟེར་རྒྱ་མཚོའི་སྤྲིན་འཇིག་རྟེན་གྱི་ཁམས་རྒྱ་མཚོ་གང་གཱའི་ཀླུང་ལྔ་བཅུའི་བྱེ་མ་སྙེད་ཀྱི་
D233.064.0234b02.01རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ཕྱུང་ངོ་། །དེ་བཞིན་དུ་ཞབས་གཉིས་ཀྱི་སོར་མོའི་ཚིགས་རེ་རེ་དང་། དེ་བཞིན་དུ་རྗེ་ངར་གཉིས་དང་། དེ་བཞིན་དུ་པུས་མོའི་ལྷ་ང་གཉིས་དང་། དེ་བཞིན་དུ་བརླ་གཉིས་དང་། དེ་བཞིན་དུ་སྟ་ཟུར་གཉིས་དང་། དེ་བཞིན་དུ་
D233.064.0234b03.01རྩིབ་ལོགས་གཉིས་དང་། དེ་བཞིན་དུ་ལྟེ་བ་ཁུང་དང་། དེ་བཞིན་དུ་ཕྲག་པ་གཉིས་དང་། དེ་བཞིན་དུ་དཔུང་མགོ་གཉིས་དང་། དེ་བཞིན་དུ་དཔུང་པ་གཉིས་དང་། དེ་བཞིན་དུ་ལག་མཐིལ་གཉིས་དང་། དེ་བཞིན་དུ་ཕྱག་སོར་གྱི་ཚིགས་རེ་རེ་དང་། དེ་བཞིན་དུ་གཙུག་ཏོར་དང་། དེ་བཞིན་
D233.064.0234b04.01དུ་མཛོད་སྤུ་དང་། དེ་བཞིན་དུ་དབུའི་སྐྲ་ཉག་མ་རེ་རེ་དང་། དེ་བཞིན་དུ་མཚན་རེ་རེ་དང་། དེ་བཞིན་དུ་དཔེ་བྱད་བཟང་པོ་རེ་རེ་དང་། དེ་བཞིན་དུ་སྤུའི་ཁུང་བུ་རེ་རེ་ནས་ཀྱང་འོད་ཟེར་རྒྱ་མཚོའི་སྤྲིན་འཇིག་རྟེན་གྱི་ཁམས་རྒྱ་མཚོ་གང་གཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་
D233.064.0234b05.01ཁྲག་ཁྲིག་གྲངས་མེད་པ་སྙེད་ཕྱུང་སྟེ། ཤར་ཕྱོགས་སུ་འཕྲོས་སོ། །དེ་ལས་འོད་ཟེར་གཅིག་གིས་ཀྱང་འཇིག་རྟེན་གྱི་ཁམས་རྒྱ་མཚོ་གང་གཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་སྣང་བ་ཆེན་
D233.064.0234b06.01པོས་ཁྱབ་པར་གྱུར་ཏེ། འཇིག་རྟེན་གྱི་ཁམས་རྒྱ་མཚོ་གང་འོད་ཟེར་གཅིག་གིས་ཁྱབ་པ་དེ་གཉིས་ཀྱིས་ཁྱབ་པར་མི་བྱེད་དོ། །ཤར་ཕྱོགས་ཇི་ལྟ་བ་དེ་བཞིན་དུ་ལྷོ་དང་། ནུབ་དང་། བྱང་དང་། དེ་བཞིན་དུ་བྱང་ཤར་གྱི་མཚམས་དང་། དེ་བཞིན་དུ་ཤར་ལྷོའི་མཚམས་དང་། དེ་
D233.064.0234b07.01