完整藏文原文 · 德格版页 当前仅加载第 65 函德格 304a 版页；藏文 NFD、目录标记与异常页序保留在来源切片中，重复版页行以稳定序号区分。
ཐུགས་རྗེ་ཆེན་པོ་དང་ལྡན་པ་རྣམས་བདག་ལ་དགོངས་སུ་གསོལ། བདག་མིང་འདི་ཞེས་བགྱི་བ་འཁོར་བ་ན་འཁོར་ཞིང་བཅིང་བ་ཆེན་པོས་བཅིངས་པར་གྱུར་པ། བཙོན་ར་ན་གནས་པ། ཡང་དག་པའི་ལམ་དང་བྲལ་བ། ཉོན་མོངས་པའི་དགྲའི་དབང་དུ་གྱུར་པ། མགོན་མེད་པ། སྐྱབས་མེད་པ།
D242.065.0304a01.01མིག་མེད་པ། རྟེན་མེད་པ། གཙོ་བོ་མེད་པ། འདྲེན་པ་མེད་པར་གྱུར་པ། ལམ་གོལ་བར་སོང་བ། འཁོར་བ་ལ་གཞོལ་བ། མྱ་ངན་ལས་འདས་པ་ཆེན་པོ་ལ་རྒྱབ་ཀྱིས་ཕྱོགས་པ། ངན་འགྲོ་ལ་ཕྱོགས་པ། ལམ་ངན་པ་ལ་བསྟེན་པ། ལམ་ངན་པར་ལྷུང་བར་གྱུར་པ། རྟག་ཏུ་བཤེས་གཉེན་ངན་པས་
D242.065.0304a02.01ཟིན་ཅིང་དགེ་བའི་བཤེས་གཉེན་དང་བྲལ་བ། ཡང་དག་པ་དང་ཡང་དག་པ་མ་ཡིན་པ་དང་། ཕན་པར་འགྱུར་བ་དང་། ཕན་པ་མེད་པ་དང་། དོན་ཡོད་པ་དང་དོན་མེད་པ་ལ་རྨོངས་པར་གྱུར་པ། དགེ་བའི་ཆོས་དང་བྲལ་ཞིང་མི་དགེ་བ་ཆེན་པོ་བསྒྲུབས་པ། སངས་རྒྱས་དང་བྱང་ཆུབ་སེམས་དཔའ་
D242.065.0304a03.01དང་འཕགས་པ་རྣམས་ལ་རྟག་ཏུ་རྒྱབ་ཀྱིས་ཕྱོགས་པ། སྐྱེ་རྒ་ན་འཆིའི་སྡུག་བསྔལ་གྱིས་གཟིར་ཅིང་མི་བདེ་བ་ཆེན་པོ་བསྒྲུབས་པ། འཇིགས་པ་མེད་པ། བག་ཚ་བ་མེད་པ། སེམས་རྟག་ཏུ་གཡེངས་པར་གྱུར་པ། སྦྱིན་པ་དང་། ཚུལ་ཁྲིམས་དང་། ཞི་ཞིང་དབེན་པ་དང་བསྒྲུབས་པ་དང་
D242.065.0304a04.01བག་ཡོད་པ་དང་བྲལ་བར་གྱུར་པ། གཟུངས་དང་། ཏིང་ངེ་འཛིན་གྱི་སྒོ་དང་། ས་བཅུའི་ཆོས་ཀྱི་བཟོད་པ་ལ་བདེ་བར་གནས་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་དང་མཉམ་པ་ཉིད་ལས་རིང་དུ་གྱུར་པ། བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་ཚད་མེད་པ་བཞི་མི་སྒྲུབ་པ་དང་།
D242.065.0304a05.01བྱང་ཆུབ་སེམས་དཔའ་ལྷག་པའི་ཚུལ་ཁྲིམས་དང་མི་ལྡན་པར་གྱུར་པ་དང་། ཆགས་པ་མེད་པ་དང་། ཐོགས་པ་མེད་པའི་ཡེ་ཤེས་ཆེན་པོ་ལས་རིང་དུ་གྱུར་པ་དང་། མྱ་ངན་ལས་འདས་པའི་རྒྱུ་དགེ་བའི་ཆོས་སྒྲུབ་པ་ལ་བདེ་བར་གནས་པ་མ་ཐོབ་པ་དང་། རྫུ་འཕྲུལ་དང་། སྟོབས་དང་། མི་འཇིགས་པ་དང་
D242.065.0304a06.01བྲལ་བར་གྱུར་པ་དང་། ཡང་དག་པའི་དྲན་པ་ལ་མི་གནས་པ་དང་། བསྙེལ་བ་མི་མངའ་བའི་ཆོས་ཉིད་ལ་སྤྱོད་ཅིང་གཞོལ་བར་འཇུག་པ་མི་འགྲུབ་པ་དང་། བསོད་ནམས་བྱེད་པ་ལ་གཡེལ་ཞིང་ལྟ་བ་སྙེམས་པ་དང་ཐེ་ཙོམ་གྱི་སྒྲིབ་པས་བྱང་ཆུབ་ཀྱི་ཡན་ལག་བདུན་མངོན་པར་མི་རྟོགས་པ་དང་། དེ་བཞིན་དུ་
D242.065.0304a07.01