完整藏文原文 · 德格版页 当前仅加载第 65 函德格 304b 版页；藏文 NFD、目录标记与异常页序保留在来源切片中，重复版页行以稳定序号区分。
འཕགས་པའི་ལམ་ཡན་ལག་བརྒྱད་མི་སྒྲུབ་པ་དང་། ཉོན་མོངས་པ་བརྒྱ་སྟོང་ཚད་མེད་པས་ཟིལ་གྱིས་ནོན་ཅིང་སྡུག་བསྔལ་རྣམ་པ་མང་པོས་སྡུག་བསྔལ་ཞིང་ཡོངས་སུ་མནར་ཏེ། རྟག་ཏུ་གདུང་བ་བསམ་པ་ཞན་པས་ཁྲོ་ཞིང་རྟག་ཏུ་གཡེང་བ། ཉོན་མོངས་པ་བརྒྱ་སྟོང་ལ་རྒྱུན་དུ་གཞོལ་བར་གྱུར་པ་དེ་བཞིན་
D242.065.0304b01.01གཤེགས་པ་དང་། བྱང་ཆུབ་སེམས་དཔའ་ཐུགས་རྗེ་ཆེན་པོ་ལ་གནས་པ་རྣམས་ཀྱིས་བདག་གི་སྐྱབས་མཛད་པར་གསོལ། བདག་གི་རྟེན་མཛད་པར་གསོལ། བདག་གི་འདྲེན་པ་མཛད་པར་གསོལ། བདག་མྱུར་དུ་བླ་ན་མེད་པ་ཡང་དག་པར་རྫོགས་པའི་སངས་རྒྱས་ཀྱི་ལམ་དང་། བྱང་ཆུབ་སེམས་
D242.065.0304b02.01དཔའ་ཆེན་པོའི་ལམ་དང་། བྱང་ཆུབ་སེམས་དཔའ་ཆེན་པོའི་ཚོགས་སོགས་པ་ཡོངས་སུ་རྫོགས་པར་གྱུར་ཅིག །བདག་མྱུར་དུ་དེ་བཞིན་གཤེགས་པའི་སྟོབས་བཅུ་དང་། མི་འཇིགས་པ་བཞི་དང་། སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་དང་། དེ་བཞིན་གཤེགས་པའི་ཆོས་སྤོབས་པ་ཐོགས་པ་
D242.065.0304b03.01མེད་པ་དང་། ཏིང་ངེ་འཛིན་དང་། གཟུངས་དང་། རྣམ་པར་གྲོལ་བའི་ཡོན་ཏན་དང་། རྫུ་འཕྲུལ་དང་། མངོན་པར་ཤེས་པ་དང་། ཕ་རོལ་ཏུ་ཕྱིན་པ་ཡོངས་སུ་རྫོགས་པར་གྱུར་ཅིག །ཡང་བདག་བསོད་ནམས་ཕུན་སུམ་ཚོགས་པ་ཐམས་ཅད་དང་ལྡན་པར་གྱུར་ཅིག །མཆོད་པ་རྒྱ་ཆེན་པོ་བྱེད་པའི་དུས་སུ་
D242.065.0304b04.01ཡང་འདི་སྐད་ཅེས་བརྗོད་པར་བྱ་སྟེ། ཡང་སངས་རྒྱས་བཅོམ་ལྡན་འདས་མཐུ་ཆེན་པོ་མངའ་བ་ཐམས་ཅད་དང་། བྱང་ཆུབ་སེམས་དཔའི་ཚོགས་ཐམས་ཅད་བདག་ལ་དགོངས་སུ་གསོལ། དེང་བདག་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་མཆོད་པ་དང་། རིམ་གྲོ་ཆེན་པོ་བགྱིས་ཏེ་ལུས་
D242.065.0304b05.01འབུལ་ལོ། །ཕྱོགས་བཅུའི་འཇིག་རྟེན་གྱི་ཁམས་ན་ཇི་སྙེད་རྒྱན་དང་། ཡོ་བྱད་བཟང་པོ་ཐམས་ཅད་རིན་པོ་ཆེའི་གཞལ་མེད་ཁང་རྣམ་པ་སྣ་ཚོགས་པ་དང་། རིན་པོ་ཆེའི་རྒྱན་ཐམས་ཅད་དང་། རིན་པོ་ཆེའི་ཤིང་དང་། རིན་པོ་ཆེའི་རི་དང་། རིན་པོ་ཆེའི་བ་དན་དང་། རིན་པོ་ཆེའི་དཀྱིལ་འཁོར་དང་། རིན་པོ་ཆེའི་
D242.065.0304b06.01དབྱིག་རྣམ་པར་བཀྲམ་པ་དང་། རིན་པོ་ཆེའི་གདུགས་དང་། རིན་པོ་ཆེའི་རྒྱལ་མཚན་དང་། རིན་པོ་ཆེའི་དོ་ཤལ་གྱི་རྒྱན་དང་། མུ་ཏིག་གི་དྲ་བ་དང་། རིན་པོ་ཆེའི་སྣོད་དང་། རིན་པོ་ཆེའི་ཕུང་པོ་དང་། རིན་པོ་ཆེའི་འོད་འཕྲོ་བ་དང་། རིན་པོ་ཆེའི་གླིང་དག་ན་ནོར་བུ་རིན་པོ་ཆེ་ཆེན་པོ་རྣམ་པར་དག་པའི་མར་མེའི་སྡོང་
D242.065.0304b07.01