完整藏文原文 · 德格版页 当前仅加载第 65 函德格 305a 版页；藏文 NFD、目录标记与异常页序保留在来源切片中，重复版页行以稳定序号区分。
བུ་དང་། རིན་པོ་ཆེ་དྲིལ་བུའི་སྒྲ་འཁྲོལ་བ་ལ་ནོར་བུ་རིན་པོ་ཆེ་འོད་འཕྲོ་བ་གསེར་བཙོ་མའི་སྤར་ཁབ་ཅན་གྱི་དོམ་དོམ་ཕོ་ལོང་དཔྱངས་པས་ཡོངས་སུ་ཁེབས་པ། གསེར་བཙོ་མའི་མེ་ཏོག་འཛམ་བུའི་གསེར་གྱི་ཟེ་བ་ཅན། གསེར་གྱི་ཤིང་ལྗོན་པས་དཀྲིས་པ། གསེར་གྱི་ཕོ་བྲང་སྣ་ཚོགས་རིན་པོ་ཆེའི་
D242.065.0305a01.01སྤྲིན་ཆགས་པ། རིན་པོ་ཆེའི་ཐིགས་པ་ཆར་དུ་འབབ་པ། རིན་པོ་ཆེ་རྣམ་པ་མང་པོའི་མཛོད་ཀྱི་ཕོ་བྲང་། ལྷ་རྫས་ཀྱི་ནོར་བུས་རྩིག་ངོས་སྤྲས་པ། རིན་པོ་ཆེའི་ཤིང་ཐམས་ཅད་རིག་འཛིན་ཆེན་པོའི་སྐྱེད་མོས་ཚལ་གྱི་ར་བ་ཡིད་དུ་འོང་བ། རིན་པོ་ཆེའི་ཕོ་བྲང་དང་། གནས་དང་། ཤིང་དང་། ནགས་ཚལ་ལ་
D242.065.0305a02.01སོགས་པ་ཐམས་ཅད་ཀྱང་ཡིད་དུ་འོང་བ་དེ་ལྟ་བུ་བདག་པོ་མེད་པ་འཛིན་པ་མེད་པ་ཐམས་ཅད་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཡོངས་སུ་བསྔོ་ཞིང་དབུལ་ལོ། །འཛམ་བུའི་གླིང་ན་སྨན་བཟང་པོ་རིང་དུ་འཚོ་བར་བྱེད་པ་ལ་སོགས་པའི་རྣམ་པ་ཇི་སྙེད་ཡོད་པ་དང་། ནོར་བུ་རིན་པོ་ཆེ་སེམས་
D242.065.0305a03.01ཅན་ཐམས་ཅད་ཀྱི་རེ་བ་ཡོངས་སུ་སྐོང་བ་དང་། མ་གཡོས་པར་རང་བཞིན་གྱིས་བདའ་བའི་ཞལ་ཟས་བཟང་པོ་དང་། སྤོས་ཀྱི་ཤིང་ལྗོན་པ་རྣམ་པ་སྣ་ཚོགས་དང་། ཙན་དན་གྱི་ཤིང་དང་། ཨ་ག་རུ་དང་། ཙན་དན་དམར་པོ་དང་། ལོ་མ་ཆེ་ཞིང་མེ་ཏོག་རྟག་པར་བསུང་གིས་གཟི་བར་བྱེད་པའི་ཤིང་
D242.065.0305a04.01རྣམ་པ་སྣ་ཚོགས་པ་དང་། ཡིད་དུ་འོང་བའི་ལྷ་རྫས་ཀྱི་སྤོས་མ་བཟུང་བ་ཡོངས་སུ་མ་བཟུང་བ་དང་། དཔག་བསམ་གྱི་ཤིང་རྣམ་པ་སྣ་ཚོགས་པ་དང་། རྒྱ་མཚོ་ཆེན་པོའི་ནང་ནས་འབྱུང་བ་ནོར་བུ་རིན་པོ་ཆེ་རྣམ་པ་སྣ་ཚོགས་ཡིད་བཞིན་གྱི་ནོར་བུ་རིན་པོ་ཆེ་ལ་སོགས་པ་དང་། རི་རབ་ལྷུན་པོ་དང་།
D242.065.0305a05.01རི་ཏི་སེ་དང་། སྤོས་ཀྱི་རི་དང་། རི་མ་ལ་ཡ་དང་། རི་བཏང་བཟུང་དང་། རི་མ་ཧ་ལ་དང་། རྡོ་རྗེའི་རི་ལ་སོགས་ཏེ་རི་ཆེན་པོ་རྣམ་པ་དེ་དག་གི་རིན་པོ་ཆེའི་ཟོམ་སྣ་ཚོགས་དང་། རིན་པོ་ཆེའི་སྟེགས་དང་། རྡོ་བ་རིན་པོ་ཆེ་དང་། རིན་པོ་ཆེའི་ཕུག་དང་། རིན་པོ་ཆེའི་ཕོ་བྲང་དང་། རིན་པོ་ཆེའི་རྒྱན་དང་། རིན་པོ་
D242.065.0305a06.01ཆེའི་ཞོགས་མ་དང་། རིན་པོ་ཆེའི་ལམ་སྲང་མང་པོ་དང་། ནོར་བུ་རིན་པོ་ཆེའི་ཀ་བ་མང་པོ་དང་། རིན་པོ་ཆེའི་སྒྲོན་མེའི་འཁོར་ལོ་མང་པོ་དང་། བཻ་དཱུརྱ་ལ་སོགས་ཏེ། ནོར་བུའི་རིགས་རྣམ་པ་མང་པོ་དང་། ཇི་ཙམ་དུ་གནམ་གྱི་སྟེང་ན་བདག་པོ་མེད་པའི་ལྷའི་ཕོ་བྲང་དང་ལྷའི་ནོར་རྣམ་པ་མང་པོ་
D242.065.0305a07.01