完整藏文原文 · 德格版页 当前仅加载第 65 函德格 305b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིད་དུ་འོང་ཞིང་བལྟ་བར་འོས་པ་དང་། ལྷའི་རོལ་མོའི་ཡོ་བྱད་རྣམ་པ་མང་པོ་རླུང་གི་ངད་ཀྱིས་བསྐྱོད་པ་ཙམ་གྱིས་སྒྲ་སྙན་པ་འབྱིན་པ་དང་། ནམ་མཁའ་ལ་གནས་པའི་ཕོ་བྲང་ནས་རོལ་མོའི་སྒྲ་སྙན་པ་འབྱིན་པ་དང་། ལྷའི་རོལ་མོ་རྣམ་པ་མང་པོ་མ་བསྐྱོད་པར་སྒྲ་སྙན་པར་འབྱིན་པ་དང་། ལྷའི་བྱ་སྣ་ཚོགས་ནམ་མཁའི་ཕོ་
D242.065.0305b01.01བྲང་ནས་སྙན་པའི་སྒྲ་སྣ་ཚོགས་འབྱིན་པ་དང་། རིན་པོ་ཆེའི་སྤྲིན་སྣ་ཚོགས་ལས་སྒྲ་སྙན་པ་ཆེན་པོ་འབྱུང་བ་དང་། ལྷའི་ནོར་བུ་རིན་པོ་ཆེ་དབྱངས་སྙན་པའི་སྒྲ་སྒྲོགས་པ་དང་། གཞན་ཡང་ལྷའི་དྲིའི་ཤིང་དང་། མེ་ཏོག་གི་ཤིང་མང་པོ་དང་། ཕྲེང་བའི་ཤིང་དང་། བྱུག་པ་མང་པོ་དང་། བདུག་པའི་སྤོས་ཀྱི་ཤིང་
D242.065.0305b02.01དང་། སྒྲོན་མའི་ཤིང་དང་། རྒྱལ་མཚན་གྱི་ཤིང་དང་། བ་དན་གྱི་ཤིང་དང་། རིན་པོ་ཆེའི་ཤིང་ལ་སོགས་པ་དེ་དག་ཐམས་ཅད་མ་བཟུང་བ་ཡོངས་སུ་མ་བཟུང་བ་དེ་དག་ཐམས་ཅད་ཀུན་ཀྱང་སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་དབུལ་ལོ། །ཇི་ཙམ་དུ་དེ་བཞིན་གཤེགས་པ་ཐམས་ཅད་
D242.065.0305b03.01ཀྱི་སྤྱན་གྱིས་གཟིགས་པའི་སངས་རྒྱས་ཀྱི་ཞིང་དག་ན་མཆོད་པའི་སྤྲིན་ཆེན་པོ་མེ་ཏོག་གི་སྤྲིན་དང་། སྤོས་ཀྱི་སྤྲིན་དང་། ཕྲེང་བའི་སྤྲིན་དང་། བདུག་སྤོས་ཀྱི་སྤྲིན་དང་། བྱུག་སྤོས་ཀྱི་སྤྲིན་དང་། རིན་པོ་ཆེའི་གདུགས་ཀྱི་སྤྲིན་དང་། རིན་པོ་ཆེའི་རྒྱལ་མཚན་གྱི་སྤྲིན་དང་། རིན་པོ་ཆེའི་བ་དན་གྱི་སྤྲིན་དང་། རིན་པོ་ཆེའི་གོས་ཀྱི་
D242.065.0305b04.01སྤྲིན་དང་། རིན་པོ་ཆེའི་རྣམ་པའི་སྤྲིན་དང་། རིན་པོ་ཆེའི་ཕུང་པོའི་སྤྲིན་ལ་སོགས་ཏེ། རིན་པོ་ཆེ་ཆེན་པོའི་སྤྲིན་རྣམ་པ་དེ་དག་དང་། གཞན་ཡང་སྤོས་ཀྱི་འབྲུ་མར་གྱིས་མར་མེའི་སྣོད་ཆེན་པོ་བཀང་བ་སྟོང་གི་འཇིག་རྟེན་གྱི་ཚད་དང་མཉམ་པ། མར་མེའི་སྙིང་པོ་རི་རབ་ཀྱི་ཚད་ཙམ་པ་སྒྲོན་མར་བྱས་ཏེ། སངས་རྒྱས་བཅོམ་ལྡན་
D242.065.0305b05.01འདས་དེ་དག་ཐམས་ཅད་དང་། བྱང་ཆུབ་སེམས་དཔའ་ཆེན་པོ་རྣམས་ལ་མཆོད་ཅིང་དབུལ་ལོ། །དེ་བཞིན་དུ་མཆོད་པ་རྣམ་པ་སྣ་ཚོགས་ཀྱིས་མཆོད་པའི་བསོད་ནམས་དམ་པ་ཇི་ཙམ་པ་དེ་དག་ཐམས་ཅད་བླ་ན་མེད་པའི་བྱང་ཆུབ་ཏུ་ཡོངས་སུ་བསྔོའོ། །གང་འདས་པའི་སངས་རྒྱས་བཅོམ་ལྡན་འདས་རྣམས་ཀྱིས་
D242.065.0305b06.01དགེ་བ་མང་པོ་བརྩམས་ཏེ། དམིགས་སུ་མེད་པའི་ཚུལ་གྱིས་བྱང་ཆུབ་ཏུ་ཡོངས་སུ་བསྔོས་པ་དེ་བཞིན་དུ་བདག་གིས་ཀྱང་བསོད་ནམས་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོའོ། །ཡང་སངས་རྒྱས་བཅོམ་ལྡན་འདས་བྱང་ཆུབ་ཀྱི་སྙིང་པོར་མངོན་པར་རྫོགས་པར་སངས་
D242.065.0305b07.01