完整藏文原文 · 德格版页 当前仅加载第 73 函德格 135b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ལ་བུ་ཁྱེའུ་ཡང་མེད་བུ་མོ་ཡང་མེད་ལ། ཁྱོད་ལ་ཡང་བུ་ཁྱེའུ་ཡང་མེད་བུ་མོ་ཡང་མེད་ན་བདག་ཅག་གཉིས་གཉེན་དུ་ཇི་ལྟར་བྱ། བྱིན་པས་སྨྲས་པ་གཉེན་དུ་བྱ་བ་ལ་རྣམ་པ་གཉིས་ཡོད་དེ། སྐྱེས་ཟིན་པའི་གཉེན་དང་ད་དུང་མ་སྐྱེས་པའི་གཉེན་ནོ། །བདག་ཅག་གཉིས་ལ་བུ་ཁྱེའུ་
D340.073.0135b01.01ཡང་མེད་བུ་མོ་ཡང་མེད་མོད་ཀྱི་ད་དུང་མ་སྐྱེས་པའི་གཉེན་བྱར་རུང་སྟེ། གལ་ཏེ་བདག་གི་བུ་ཁྱེའུ་བཙས་ལ། ཁྱོད་ཀྱི་བུ་མོ་བཙས་ན་ནི་དེ་བདག་གི་བུ་ལ་བྱིན་ཅིག །དེ་སྟེ་ཁྱོད་ཀྱི་བུ་ཁྱེའུ་བཙས་ལ་བདག་གི་བུ་མོ་བཙས་ན་ནི་བདག་གིས་དེ་ཁྱོད་ཀྱི་བུ་ལ་སྦྱིན་པར་བྱའོ་ཞེས་བྱས་སོ། །དེ་ནས་
D340.073.0135b02.01དེ་ལྟར་བྱའོ་ཞེས་སྨྲས་ནས་དེ་གཉིས་སོང་ངོ་། །དེ་ནས་ཕྱི་ཞིག་ན་{རི་དགས་,རི་དྭགས་}འཛིན་གྱི་ཆུང་མ་ལ་བུ་ཆགས་པར་གྱུར་ནས། དེ་ཟླ་བ་དགུའམ་བཅུ་ལོན་པ་དང་བུ་ཁྱེའུ་ཞིག་བཙས་ཏེ། དེའི་མིང་ས་ག་ཞེས་བཏགས་སོ། །འདོད་པ་རྣམས་ནི་ཚ་ཆུ་དང་འདྲ་སྟེ་ཇི་ཙམ་དུ་བསྟེན་པ་དེ་ཙམ་དུ་ཕྱིར་ཞིང་སྐྱེ་
D340.073.0135b03.01བར་འགྱུར་ཏེ། སྔ་ཕྱིར་དེའི་བུ་བདུན་བྱུང་ནས་དེ་རྣམས་ཀྱི་བཙས་སྟོན་རྒྱས་པར་བྱས་ཏེ་རིགས་དང་འཐུན་པར་མིང་བཏགས་ནས་བསྐྱེད་བསྲིངས་སོ། །དེ་ནས་ཕྱི་ཞིག་ན་བྱིན་པའི་ཆུང་མ་ལ་ཡང་བུ་ཆགས་པར་གྱུར་ནས་དེ་ཟླ་བ་དགུའམ་བཅུ་ལོན་པ་དང་བུ་མོ་གཟུགས་བཟང་ཞིང་བལྟ་ན་སྡུག་ལ་
D340.073.0135b04.01མཛེས་པ་ཞིག་བཙས་ན། བུ་མོ་དེ་རང་བཞིན་གྱིས་ངུ་བར་གྱུར་ནས་ཕ་མ་གཉིས་ཀྱིས་དེ་ཐབས་ཅིས་ཀྱང་དགག་པར་མ་ནུས་སོ། །དེ་ནས་ཕྱི་ཞིག་ན་སྐྱེ་དགུའི་བདག་མོ་ཆེན་མོ་གཽ་ཏ་མཱི་ཁྱིམ་དེར་སོང་ནས་ཁྱིམ་བདག་དེ་ལ་ཆོས་བཤད་པ་དང་བུ་མོ་དེ་ཡང་ཆོས་ཐོས་ནས་ཁ་རོག་སྟེ་འདུག་གོ། །དེ་
D340.073.0135b05.01ནས་གང་གི་ཚེ་སྐྱེ་དགུའི་བདག་མོ་ཆེན་མོ་གཽ་ཏ་མཱིས་ཁྱིམ་བདག་དེ་ལ་ཆོས་བཤད་ནས་ཕྱིར་སོང་བ་དེའི་ཚེ་ཡང་བུ་མོ་དེ་ངུ་བ་ལ་ཞུགས་པ་དང་། ཁྱིམ་བདག་དེས་འཕྲིགས་ཏེ་བསམས་པ། བུ་མོ་འདི་ནི་ཆོས་ཉན་པ་འདོད་པ་ཞིག་ཡིན་གོར་མ་ཆག་སྙམ་མོ། །དེ་ནས་དེའི་བཙས་སྟོན་བྱས་ནས་བུ་
D340.073.0135b06.01མོ་འདིའི་མིང་ཇི་སྐད་གདགས་ཞེས་མིང་འདོགས་པར་བྱེད་དེ་བུ་མོ་འདི་ཆོས་འདོད་ལ་བྱིན་པའི་བུ་མོ་ཡིན་པས་ན། བུ་མོ་འདིའི་མིང་ཆོས་བྱིན་མ་ཞེས་བྱ་བར་གདགས་སོ་ཞེས་ཟེར་རོ། །དེ་ནས་བུ་མོ་ཆོས་བྱིན་མ་འོ་མ་དང་ཞོ་དང་མར་དང་ཞུན་མར་དང་མར་གྱི་ཉིང་གུས་བསྐྱེད་བསྲིངས་ནས།
D340.073.0135b07.01