完整藏文原文 · 德格版页 当前仅加载第 73 函德格 271a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ལྟ་སྟེ་དགེ་སློང་འབུམ་ཡོད་ན། དེ་ལྟར་དགེ་འདུན་མང་པོའི་ནང་ན། བདག་དགེ་འདུན་གྱི་གནས་བརྟན་ཡིན་ལ། ཐོས་པས་ཀྱང་མཐར་ཕྱིན་པ་ཡིན་ན། བདག་ཀྱང་བསླབ་པ་འདི་དག་ལ་སློབ་པར་མི་ཆུད་ན་གཞན་ལྟ་ལགས་ཀྱང་བསླབ་པ་རྣམས་ལ་སློབ་
D340.073.0271a01.01པར་མི་ཆུད། དེ་ལྟ་ན་སུའི་དོན་དུ་བདག་གིས་སོ་སོར་ཐར་པ་གདོན་པར་བྱ་སྙམ་མོ། །འདི་སྐད་ཅེས་ཀྱང་ཟེར་ཏེ། དོ་ནུབ་རྒྱུ་སྐར་ཚོགས་པ་ཡི། །བཅོ་ལྔའི་མཚན་མོ་དགའ་བ་ལ། །གསོ་སྦྱོང་འདོད་པའི་དགེ་སློང་དག །ཤིན་ཏུ་བསྒྲིམས་ཏེ་ངེས་པར་འཁོད། །འཛམ་
D340.073.0271a02.01གླིང་འདི་ན་ཤཱཀྱ་ཡི། །སྲས་ཀྱི་དགེ་སྦྱོང་ཇི་སྙེད་པ། །དེ་དག་ཐམས་ཅད་འདིར་ལྷགས་ཏེ། །འདི་ནི་འདུས་པ་ཐ་མ་ཡིན། །དགེ་སློང་དགེ་འདུན་དེ་དག་ལས། །བདག་ནི་ཐོས་པའི་མཐར་ཕྱིན་ཀྱང་། །བདག་ཀྱང་བསླབ་ལ་སློབ་མི་ནུས། །སྐྱེ་བོ་གཞན་ལྟ་ཅི་
D340.073.0271a03.01ཞིག་སྨོས། །འོན་ཏེ་འདི་ན་ཐུབ་དབང་པོ། །ཤཱཀྱ་སེང་གེ་བློ་ལྡན་གྱི། །བསླབ་ལ་ལེགས་བསླབས་འགའ་ཡོད་ན། །རང་གི་ཡོན་ཏན་བརྗོད་པར་རིགས། །དེ་ནས་དགྲ་བཅོམ་པ་དེས་བ་སྟན་ལས་ལངས་ཏེ། གྲལ་དཔོན་གྱི་མདུན་དུ་འདུག་ནས། དགེ་འདུན་ལ་
D340.073.0271a04.01ཐལ་མོ་སྦྱར་བ་བཏུད་དེ། གནས་བརྟན་སློབ་མ་ཅན་ལ་སྨྲས་པ། གནས་བརྟན་སོ་སོར་ཐར་པ་གདོན་པར་གྱིས་ཤིག །ཇི་ལྟར་བཅོམ་ལྡན་འདས་བཞུགས་པའི་ཚེ། ཤཱ་རིའི་བུ་དང་མཽད་གལ་གྱི་བུ་ལ་སོགས་པ་ཉན་ཐོས་ཆེན་པོ་རྣམས་ཀྱིས་བསླབ་པ་ཡང་དག་པར་
D340.073.0271a05.01བསྲུངས་པ་དེ་བཞིན་དུ། བདག་གིས་ཀྱང་སངས་རྒྱས་བཅོམ་ལྡན་འདས་ཡོངས་སུ་མྱ་ངན་ལས་འདས་ནས། ལོ་སྟོང་ལྷག་ཙམ་ལོན་གྱི་འོག་ཏུ་བསྟན་པ་ཡང་དག་པར་བསྲུངས་སོ་ཞེས་ཟེར་རོ། །ཡང་བཀའ་སྩལ་པ། སློབ་མ་ཅན་གྱིས་སྨྲས་པ་ཡི། །ཚིག་འདི་ཐོས་པར་
D340.073.0271a06.01གྱུར་ནས་ནི། །ངེས་པ་བདེ་བར་གཤེགས་པའི་སྲས། །སེང་གེའི་སྒྲ་ནི་སྒྲོགས་པར་བྱེད། །བདག་ནི་ཐུབ་པའི་བསླབ་པ་རྣམས། །མ་འཁྲུགས་པར་ནི་འཛིན་པར་བྱེད། །བདག་ནི་སྟོན་པའི་འདུལ་བ་ཡི། །བསླབ་པ་རྣམས་ལ་ཇི་བཞིན་བསླབས། །དེ་ནས་
D340.073.0271a07.01