完整藏文原文 · 德格版页 当前仅加载第 73 函德格 272a 版页；藏文 NFD、目录标记与异常页序保留在来源切片中，重复版页行以稳定序号区分。
རླག་པར་འགྱུར། །གནོད་སྦྱིན་སངས་རྒྱས་མཐོང་བ་དང་། །རྒྱལ་བའི་བསྟན་ལ་དགའ་བ་རྣམས། །ཁ་སྦུབ་ཏུ་ནི་སྒྱེལ་ནས་ཀྱང་། །སྨྲེ་སྔགས་འདོན་ཅིང་སྡུག་བསྔལ་འགྱུར། །དེ་རིང་ཕྱིན་ཅད་འཇིག་རྟེན་དུ། །དམ་པའི་ཆོས་ཀྱང་མེད་པར་འགྱུར། །འདུལ་
D340.073.0272a01.01བ་སོ་སོར་ཐར་པའང་རུང་། །ཕྱིན་ཅད་སྤྱོད་པར་མི་འགྱུར་རོ། །ཆོས་ཀྱི་ཆུ་ལོན་རལ་གྱིས་མེད། །ཆོས་ཀྱི་རྒྱུན་ཡང་བཟློག་གིས་མེད། །ཆོས་ཀྱི་རྒྱ་མཚོ་འདི་ཡང་སྐམས། །ཆོས་ཀྱི་རི་བོ་(བརྙིལ་,བསྙིལ་)གྱིས་མེད། །ཆོས་ཀྱི་མཆོད་སྦྱིན་འདི་ཡང་ཟད། །ཆོས་ཀྱི་མཆོད་སྡོང་བསྙལ་
D340.073.0272a02.01གྱིས་མེད། །ཆོས་ཀྱི་རྐང་པ་བཅག་གིས་མེད། །སྡོམ་པ་དག་ཀྱང་ཟད་ཀྱིས་མེད། །དེང་དུ་ཆོས་ཀྱི་སྒྲོན་མ་བསད། །ཆོས་ཀྱི་འཁོར་ལོ་བཟློག་གིས་མེད། །བདུད་རྩིའི་སྒོ་ཡང་བཅད་ཀྱིས་མེད། །ཆོས་སྨྲ་རྣམས་ཀྱང་ཟད་ཀྱིས་མེད། །ལམ་བཟང་སྟོན་པར་བྱེད་པ་ཡི། །
D340.073.0272a03.01སྐྱེས་མཆོག་རྣམས་ཀྱང་བརླག་གིས་མེད། །མི་རྣམས་རིང་པོ་མི་ཐོགས་པར། །{རི་དགས་,རི་དྭགས་}ཀྱི་ནི་འདུ་ཤེས་འགྱུར། །ཞེས་ཟེར་ཏོ། །དེ་ནས་ལྷ་མོ་སྒྱུ་འཕྲུལ་ཆེན་མོ་སུམ་ཅུ་རྩ་གསུམ་པའི་གནས་ནས་བབས་ནས། སྙིང་རྗེ་རྗེ་སྐད་དུ་སྨྲེ་སྔགས་འདོན་ཏེ། ཀྱི་ཧུད་ད་ནི་ངའི་བུས་
D340.073.0272a04.01བསྐལ་པ་གྲངས་མེད་གསུམ་གྱི་བར་དུ་བསྒྲུབས་པའི་དམ་པའི་ཆོས་ད་ནི་ཐབ་མོས་ནུབ་པར་བྱས་ཀྱིས་མེད་དོ་ཞེས་ཟེར་རོ། །འདི་སྐད་ཅེས་ཀྱང་ཟེར་ཏེ། ཀྱེ་མ་དེས་པ་ཡོན་ཏན་ཅན། །སངས་རྒྱས་སྲས་ཀྱི་ཐ་{ཆུངས་ཏེ,ཆུང་སྟེ}། །དཔུང་རྒྱན་ཕྲག་དོག་ཞེ་སྡང་གི། །དབང་དུ་གྱུར་པས་
D340.073.0272a05.01བསད་པ་ན། །སངས་རྒྱས་ཡུམ་ནི་བརྟུལ་ཞུགས་བཟང་། །ལྷ་མོ་ཆེན་མོ་སྒྱུ་འཕྲུལ་མ། །དམ་པའི་ཆོས་ནི་ནུབ་པའི་ཕྱིར། །མི་དགའ་སྙིང་རྗེ་བླ་བར་འགྱུར། །ཀྱི་ཧུད་མི་ཡི་ལྷ་མཆོག་གི། །བསྟན་པ་ཉམས་པར་འགྱུར་གྱིས་མེད། །སྡེ་སྣོད་གསུམ་པ་སློབ་མ་ཅན། །
D340.073.0272a06.01དགེ་སློང་དེས་པ་གཉིས་བསད་པས། །དེང་དུ་ཟླ་བ་གནམ་ལས་ལྷུང་། །ཉི་མ་ཡང་ནི་འཕོས་ཀྱིས་མེད། །བསྟན་པའི་ཉི་མ་མེད་གྱུར་པས། །ད་ནི་འཇིག་རྟེན་སྣང་བ་མེད། །ཟླ་བའི་དཀྱིལ་འཁོར་དག་པ་ནི། །སྒྲ་གཅན་གྱིས་ནི་ཟིན་པ་ལྟར། །དེང་དུ་འཇིགས་པ་ཆེན་པོ་ཡི། །
D340.073.0272a07.01