完整藏文原文 · 德格版页 当前仅加载第 76 函德格 281b 版页；藏文 NFD、目录标记与异常页序保留在来源切片中，重复版页行以稳定序号区分。
༄༅། །རྒྱ་ནག་སྐད་དུ། ཧྥོ་བ་ཤོ་ཟ་ཤཱི་ཨི་ལ་ཊཱད་ཀྱིང་། བོད་སྐད་དུ། འཕགས་པ་དུམ་བུ་ཞེ་གཉིས་པ་ཞེས་བྱ་བའི་མདོ། དཀོན་མཆོག་གསུམ་ལ་ཕྱག་འཚལ་ལོ། དེའི་ཚེ་བཅོམ་ལྡན་འདས་ཀྱིས་བླ་ན་མེད་པའི་བྱང་ཆུབ་མངོན་དུ་
D359a.076.0281b01.01མཛད་དེ་འདི་ལྟར་དགོངས་སོ། ཆགས་པ་དང་བྲལ་ཞིང་རབ་ཏུ་ཞི་བ་ནི་ཁྱད་དུ་འཕགས་ཏེ། ཏིང་ངེ་འཛིན་ཆེན་པོ་ལ་གནས་ནས་བདུད་སྟེ་ཐམས་ཅད་བཅོམ་པས། ད་ནི་སེམས་ཅན་རྣམས་གྲོལ་བར་བྱ་བའི་ཕྱིར་ཆོས་ཀྱི་འཁོར་ལོ་བསྐོར་བར་དགོངས་ཏེ། དྲང་སྲོང་ལྷུང་
D359a.076.0281b02.01བ་རི་དྭགས་ཀྱི་ནགས་སུ་གཤེགས་ནས་ཚེ་དང་ལྡན་པ་ཀུན་ཤེས་ཀཽ་ཎྜི་ནྱ་ལ་སོགས་པའི་ལྔ་སྡེ་ལ་བདེན་བཞིའི་ཆོས་འཁོར་བསྐོར་བས་དེ་དག་ལམ་དང་འབྲས་བུ་ལ་བཀོད་པར་མཛད་དོ། །དེ་ནས་དགེ་སློང་གཞན་དག་བཅོམ་ལྡན་འདས་ཀྱི་དྲུང་དུ་ལྷགས་ཏེ་རང་རང་གི་སེམས་ཀྱི་རྟོག་པ་བཅོམ་ལྡན་
D359a.076.0281b03.01འདས་ལ་ཞུས་སོ། །བཅོམ་ལྡན་འདས་ཀྱིས་ཡང་དག་པར་བསྟན་པས་དེ་དག་སེམས་ཀྱི་རྟོག་པ་ལས་རྣམ་པར་གྲོལ་བར་གྱུར་ཏེ། བཅོམ་ལྡན་འདས་ཀྱི་ག་ལ་བ་དེ་ལགས་སུ་ཐལ་མོ་སྦྱར་བ་གཏད་ནས་བཅོམ་ལྡན་འདས་ཀྱིས་བསྟན་པ་ལ་གུས་པས་མཉན་པར་གྱུར་ཏོ། །
D359a.076.0281b04.01དེའི་ཚེ་བཅོམ་ལྡན་འདས་ཀྱིས་དམ་པའི་ཆོས་དུ་མ་བུ་བཞི་བཅུ་རྩ་གཉིས་པ་ཞེས་བྱ་བ་འདི་གསུངས་སོ། །བཅོམ་ལྡན་འདས་ཀྱིས་བཀའ་སྩལ་བ། ཉེ་དུ་དག་སྤངས་ཁྱིམ་ནས་རབ་ཏུ་བྱུང་ཏེ་བསླབ་པ་ལ་གནས་ནས་སེམས་ཀྱི་དེ་ཉིད་མཐོང་བར་བྱེད་ཅིང་འདུ་མ་བྱས་པའི་ཆོས་རྟོགས་
D359a.076.0281b05.01པར་བྱེད་པ་ལ་དགེ་སྦྱོང་ཞེས་བྱའོ། །ཁྲིམས་ཉིས་བརྒྱ་ལྔ་བཅུ་རྩ་གསུམ་མ་ལུས་པ་ལ་གནས་ཤིང་བརྩོན་པས་བདེན་པ་བཞིའི་ལམ་འབད་པས་བསྒྲུབས་ནས་ཡོངས་སུ་དག་པར་བྱས་པ་ལ་དགྲ་བཅོམ་པ་ཞེས་བྱའོ། །ཡང་བཅོམ་ལྡན་འདས་ཀྱིས་བཀའ་སྩལ་བ། །
D359a.076.0281b06.01དགྲ་བཅོམ་པ་ནི་སྟེང་གི་ནམ་མཁར་འཕགས་ཏེ་རྫུ་འཕྲུལ་དང་སྤྲུལ་པ་སྣ་ཚོགས་སྟོན་པ་དང་། འཇིག་རྟེན་གྱི་ཁམས་རྣམས་ཀུན་ནས་གཡོ་བར་ནུས་པ་དང་། ཚེའི་འདུ་བྱེད་ཀྱང་ཇི་འདོད་དུ་ཡོངས་སུ་འཛིན་ནུས་པའོ། དེའི་འོག་མ་ནི་ཕྱིར་མི་འོང་ངོ་། །
D359a.076.0281b07.01