完整藏文原文 · 德格版页 当前仅加载第 76 函德格 284b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པ་ཐམས་ཅད་མཁྱེན་པའི་ཡེ་ཤེས་དང་ལྡན་པ་དེ་ལ་གསལ་བ་ཞེས་བྱའོ། །ཡང་བཅོམ་ལྡན་འདས་ཀྱིས་བཀའ་སྩལ་པ། སེམས་ཅན་འདོད་ཆགས་དང་བཅས་པའི་སེམས་ཀྱིས་བསྒྲིབས་པས་ཐ་མ་ཡང་དག་པ་ཇི་ལྟ་བ་བཞིན་དུ་མཐོང་བར་མི་འགྱུར་ཏེ། དཔེར་ན། ཆུ་
D359a.076.0284b01.01རྙོགས་པ་ཅན་ལ་ཚོན་རྩི་སྣ་ལྔ་བཏབ་སྟེ་ཅི་ནུས་པའི་སྟོབས་ཀྱིས་དཀྲུགས་པ་ལ་སྐྱེ་བོ་གང་དག་དེར་བལྟས་པའི་ཚེ་རང་གི་ལུས་ཀྱི་གཟུགས་བརྙན་མཐོང་མི་ནུས་སོ། །དེ་བཞིན་དུ་འདོད་ཆགས་ཀྱིས་འཁྲུལ་བའི་སེམས་རྙོགས་པ་ཅན་དུ་བྱས་པས་ལམ་མཐོང་བར་མི་འགྱུར་རོ། །འོན་
D359a.076.0284b02.01ཀྱང་སྐྱེ་བོ་གང་དག་མོས་པས་ཉེས་པ་རིམ་གྱིས་བཤགས་ཤིང་བསྡམས་ཏེ་དགེ་བའི་བཤེས་གཉེན་མཉེས་པར་བྱས་པ་ན་ཆུའི་རྙོགས་པའི་དྲི་མ་དག་སྟེ་གཟུགས་བརྙན་གསལ་བར་འགྱུར་བ་ལྟར་ལམ་མཐོང་བར་འགྱུར་རོ། །ཡང་འདི་ལྟ་སྟེ་དཔེར་ན། ཟངས་ཀྱི་འོག་ཏུ་མེ་ལྕེ་མཆེད་པར་བྱས་ནས་
D359a.076.0284b03.01ནང་གི་ཆུ་ཤིན་ཏུ་ཁོལ་བའི་སྟེང་དུ་རས་ཀྱིས་བཀབ་པ་ལ་སྐྱེ་བོ་གང་དག་ཟངས་ཀྱི་ཐད་དུ་འོངས་ནས་བལྟས་པའི་ཚེ་རང་གི་གཟུགས་བརྙན་མི་མཐོང་བ་ལྟ་བུ་སྟེ། རྒྱུད་དུ་ཐོག་མ་མེད་པ་ནས་གནས་པའི་དུག་གསུམ་གྱིས་དཀྲུགས་ཤིང་སྒྲིབ་པ་ལྔས་གཡོགས་པར་བྱས་པས་ལམ་མཐོང་བར་མི་ནུས་སོ། །
D359a.076.0284b04.01སེམས་ཀྱི་དྲི་མ་ཡོངས་སུ་ཟད་པ་ན་རྣམ་པར་ཤེས་བ་གང་ནས་འོངས་ཤིང་སྐྱེས་པ་དང་། ཤི་འཕོས་ནས་སངས་རྒྱས་ཀྱི་ཞིང་གང་དག་ཏུ་འགྲོ་བར་འགྱུར་བ་ཤེས་ཤིང་ལམ་གྱི་ཡོན་ཏན་རྣམས་ཀྱང་མཐོང་བར་འགྱུར་རོ། །ཡང་བཅོམ་ལྡན་འདས་ཀྱིས་བཀའ་སྩལ་པ། སྤྱོད་པ་ལ་སློབ་དཔོན་གྱིས་
D359a.076.0284b05.01དཔེར་ན། ལག་ཏུ་སྒྲོན་མེ་ཐོགས་ཏེ་མུན་ཁང་དུ་ཞུགས་པ་ན་མུན་པ་སེལ་ཞིང་སྣང་བ་ཉིད་དུ་བྱ་བ་དང་འདྲ་སྟེ། ལམ་ལ་བསླབས་ཏེ་བདེན་པ་མཐོང་བའི་ཚེ་གཏི་མུག་རྨོངས་པའི་མུན་པ་སངས་པས་གང་ཡང་མི་གསལ་བ་མེད་དོ། །ཡང་བཅོམ་ལྡན་འདས་ཀྱིས་བཀའ་སྩལ་པ། དེ་
D359a.076.0284b06.01བཞིན་གཤེགས་པས་གང་དགོངས་པ་ཐམས་ཅད་ལམ་ལ་དགོངས་པའོ། །གང་མཛད་པ་ཐམས་ཅད་ལམ་མཛད་པའོ། །གང་གསུངས་པ་ཐམས་ཅད་ལམ་གསུངས་པའོ། །དེ་བཞིན་གཤེགས་པ་ནི་དྲན་པས་ལམ་ཡང་དག་པ་མི་བསྙེལ་བའོ། །ཡང་བཅོམ་ལྡན་འདས་ཀྱིས་བཀའ་
D359a.076.0284b07.01