完整藏文原文 · 德格版页 当前仅加载第 76 函德格 286b 版页；藏文 NFD、目录标记与异常页序保留在来源切片中，重复版页行以稳定序号区分。
གཙོ་བོ་སྟེ་གཙོ་བོ་ཆོད་ན་འཁོར་ངང་གིས་འགག་པར་འགྱུར་རོ། །ཕྱིན་ཅི་ལོག་གི་སེམས་མ་བཅད་པར་མཚན་མ་བཅད་པས་ཅི་ལ་ཕན་ཞེས་གསུངས་སོ། །དེ་ནས་མི་དེ་ཤི་བར་གྱུར་ཏོ། །བཅོམ་ལྡན་འདས་ཀྱིས་བཀའ་སྩལ་པ། འཇིག་རྟེན་གྱི་སྐྱེ་བོ་ལོག་ལྟ་ཅན་དག་མི་གཏི་མུག་
D359a.076.0286b01.01ཅན་འདི་དང་འདྲ་བའི་བླུན་པོའོ། །ཡང་གཞོན་ནུ་མ་ཞིག་སྐྱེས་པ་ཞིག་དང་དུས་བཏབ་པ་ལས་སྐྱེས་པ་དེ་དུས་སུ་མ་སླེབས་པས་གཞོན་ནུ་མ་དེ་འགྱོད་ནས་ཚིགས་སུ་བཅད་པ་སྨྲས་པ། འདོད་ཆགས་ཁྱོད་ཀྱི་རྩ་བ་ང་ཡིས་ཤེས། །ཁྱོད་ནི་རྣམ་པར་རྟོག་ལས་བྱུང་བ་ཡིན། །ཁྱོད་ལ་ང་ཡིས་
D359a.076.0286b02.01རྟོག་པར་མ་བྱས་ཚེ། ཁྱོད་ནི་ནམ་ཡང་སྐྱེ་བར་མི་འགྱུར་རོ། །ཞེས་སྨྲས་སོ། །དེའི་ཚེ་ལམ་དེ་ནས་བཅོམ་ལྡན་འདས་གཤེགས་པས་གསན་ཏེ། །དགེ་སྦྱོང་དག་ལ་གསུངས་པ། དགེ་སྦྱོང་དག་ཟུངས་ཤིག །ཚིགས་སུ་བཅད་པ་འདི་ནི་བཅོམ་ལྡན་འདས་སངས་རྒྱས་
D359a.076.0286b03.01འོད་སྲུངས་ཀྱིས་གསུངས་པ་འཇིག་རྟེན་དུ་གྲགས་ཤིང་རྒྱུན་འབྱམས་པའོ། །ཡང་བཅོམ་ལྡན་འདས་ཀྱིས་བཀའ་སྩལ་པ། སེམས་ཅན་འདོད་ཡོན་ལ་ཆགས་པས་སྡུག་བསྔལ་འབྱུང་ཞིང་སྡུག་བསྔལ་ལས་འཇིགས་པ་འབྱུང་བར་འགྱུར་རོ། །ཆགས་པ་མེད་པས་སྡུག་
D359a.076.0286b04.01བསྔལ་མི་འབྱུང་། སྡུག་བསྔལ་མེད་པས་འཇིགས་པ་འབྱུང་བར་མི་འགྱུར་རོ། །ཡང་བཅོམ་ལྡན་འདས་ཀྱིས་བཀའ་སྩལ་པ། སྐྱེ་བོ་དག་ལམ་ལ་སློབ་པའི་ཚེ་མི་གཅིག་མི་ཁྲི་ཕྲག་མང་པོ་དག་དང་གཡུལ་འགྱེད་པ་ལྟ་བུ་སྟེ། དཔེར་ན། མི་ཞིག་གོ་གྱོན་མཚོན་ཐོགས་
D359a.076.0286b05.01ནས་ཕྱིར་ཐོན་པ་དང་འཇིགས་སྔངས་ཀྱིས་ཕྱིར་ལྡོག་པའམ། ལམ་གྱི་བར་མདོར་ལྡོག་པའམ། གཡུལ་བཀྱེས་པས་བསད་པའམ། རྒྱལ་ནས་རང་ཡུལ་དུ་འཁོར་ཏེ་གཙོ་བོར་འགྱུར་བའང་ཡོད་དོ། །དེ་བཞིན་དུ་ཤིན་ཏུ་བརྟན་པའི་ཡིད་ཀྱིས་སྤྱོད་པ་ལ་འབད་ཅིང་བརྩོན་པས་
D359a.076.0286b06.01གཏི་མུག་གིས་བསླུས་པར་མ་གྱུར་ན་འདོད་ཆགས་ངེས་པར་སྤངས་ཏེ་འབྲས་བུ་འཐོབ་པར་འགྱུར་རོ། །དེའི་ཚེ་དགེ་སྦྱོང་ཞིག་མཚན་མོ་ཀློག་པ་བྱས་པའི་ཚེ་གདངས་དྲག་ལ་མྱུར་བ་ལས་གདུངས་པས་འགྱོད་དེ་ཁྱིམ་དུ་འབབ་བོ་སྙམ་དུ་སེམས་པར་གྱུར་ཏོ། །དེའི་ཚེ་བཅོམ་ལྡན་འདས་
D359a.076.0286b07.01