完整藏文原文 · 德格版页 当前仅加载第 76 函德格 283a 版页；藏文 NFD、目录标记与异常页序保留在来源切片中，重复版页行以稳定序号区分。
བར་བྱའོ། །བཅོམ་ལྡན་འདས་ཀྱིས་བཀའ་སྩལ་བ། བུ་ཁྱོད་ཀྱིས་ད་བཟོད་སྤྱོས་པ་དེ་བཞིན་གཤེགས་པས་བདག་གིར་མ་མཛད་པས་ཕྱིར་ཁུར་ཞིག་ཁྱོད་ལ་སྡུག་བསྔལ་འབྱུང་ངོ་། །དཔེར་ན། བྲག་ཆ་སྒྲའི་རྗེས་སུ་འབྲངས་པ་
D359a.076.0283a01.01དང་། གྲིབ་མ་ལུས་ཀྱི་རྗེས་སུ་འབྲངས་པ་ལྟར་ནམ་ཡང་རྣམ་སྨིན་དེ་དང་འབྲལ་བར་མི་འགྱུར་རོ། །དེའི་ཕྱིར་སྡིག་པ་མི་དགེ་བའི་ལས་ལ་འཇོམས་པར་བྱའོ། །ཡང་བཅོམ་ལྡན་འདས་ཀྱིས་བཀའ་སྩལ་བ། དམ་པ་དག་ལ་སྡིག་ཅན་རྣམས་ཀྱིས་
D359a.076.0283a02.01འཚེ་བར་བྱེད་པ་ནི། དཔེར་ན། ནམ་མཁར་མཆིལ་མ་འདོར་བ་དང་འདྲ་སྟེ། མཆིལ་མས་ནམ་མཁའ་སྦགས་མི་ནུས་ཤིང་རང་ཉིད་སྦགས་པར་འགྱུར་བ་དང་། རླུང་གི་རྫི་ཕྱོགས་སུ་གཞན་ལ་ཐལ་བ་འཐོར་བ་ལྟར་རྡུལ་ཕ་རོལ་པོ་ལ་བསྒོ་མི་ནུས་ཤིང་
D359a.076.0283a03.01ཕྱིར་ཞིང་རང་ཉིད་ལ་འགོས་པར་འགྱུར་བ་དང་མཚུངས་སོ། །དམ་པ་དག་ལ་སྐུར་པ་འདེབས་པར་མི་བྱ་སྟེ། དམ་པ་དག་ལ་གནོད་པ་བྱས་པས་རང་ཉིད་ཉམས་པར་འགྱུར་རོ། །ཡང་བཅོམ་ལྡན་འདས་ཀྱིས་བཀའ་སྩལ་བ། སྤྱོད་པ་ལ་སློབ་པ་དག་གིས་
D359a.076.0283a04.01བྱམས་པ་དང་སྙིང་རྗེ་ལ་བརྩོན་པར་བྱ་ཞིང་སྦྱིན་པ་ཡང་སྦྱིན་པར་བྱ་སྟེ། སྦྱིན་པའི་ཕན་ཡོན་ཤིན་ཏུ་ཆེའོ། །བསྡམས་པའི་ཡིད་ཀྱིས་ལེགས་པར་ཆོས་སྤྱད་ན་དེའི་བསོད་ནམས་ཤིན་ཏུ་ཆེའོ། །གཞན་གྱིས་ཆོས་སྤྱོད་པ་མཐོང་བའི་ཚེ་ཕན་འདོགས་ཤིང་རྗེས་
D359a.076.0283a05.01སུ་ཡི་རང་བྱས་པས་ཀྱང་བསོད་ནམས་ཀྱི་རྣམ་སྨིན་འཐོབ་པར་འགྱུར་རོ། །གསོལ་བ། བཅོམ་ལྡན་འདས་དེ་ལྟར་ན་དེའི་བསོད་ནམས་ཀྱི་ཕུང་པོ་དེ་བྲི་བར་མི་འགྱུར་རམ། བཀའ་སྩལ་བ། དཔེར་ན། གནས་ཞིག་ན་དཔལ་འབར་སྦར་བ་ཞིག་ཡོད་ལ་
D359a.076.0283a06.01ཕྱོགས་བཞིའི་སྐྱེ་བོ་མང་པོས་དཔལ་འབར་མང་པོ་ཁྱེར་ཏེ་དེ་ལས་སྦར་ཏེ་བཟའ་བཅའ་དག་འཆོད་པར་བྱེད། མུན་པ་དག་སེལ་བར་བྱས་ཀྱང་མེ་དེ་ཟད་པར་མི་འགྱུར་བ་ལྟར་བསོད་ནམས་ཀྱི་ཕུང་པོ་དེ་ཡང་དེ་བཞིན་ནོ། །ཡང་བཅོམ་ལྡན་འདས་ཀྱིས་བཀའ་སྩལ་པ།
D359a.076.0283a07.01