完整藏文原文 · 德格版页 当前仅加载第 77 函德格 132a 版页；藏文 NFD、目录标记与异常页序保留在来源切片中，重复版页行以稳定序号区分。
གཏན་ལས་ལྡོག་གྱུར་པས་ཉིན་དང་མཚན་དུ་དེ་ཡི་སྡིག་པ་འཕེལ། །གང་ཞིག་དཀར་པོའི་བསམ་གཏན་ལ་ཞུགས་གྱུར་པས་ཉིན་དང་མཚན་དུ་དེ་ཡི་སྡིག་པ་ཉམས། །གང་ཞིག་དཀར་པོའི་བསམ་གཏན་ལས་ལྡོག་གྱུར་པས་ཉིན་དང་མཚན་དུ་དེ་ཡི་སྡིག་པ་
D363.077.0132a01.01འཕེལ། །གང་ཞིག་ཉིན་དང་མཚན་དུ་འཚེ་བ་ལ་ཞུགས་གྱུར་པ་དེ་རྣམས་སྡིག་པ་འཕེལ་བར་འགྱུར། །གང་ཞིག་ཉིན་དང་མཚན་དུ་འཚེ་བ་ལྡོག་པར་གྱུར་པ་དེ་རྣམས་ཀྱི་ནི་བསོད་ནམས་འཕེལ། །དེ་བཞིན་ཤ་དང་ཆང་དང་གཞན་གྱི་ནོར་འཕྲོག་པ་དང་འདོད་པས་ལོག་པར་
D363.077.0132a02.01གཡེམ་པ་དང་། །འདོད་ཆགས་ཞེ་སྡང་གཏི་མུག་རྣམས་དང་ངེས་པར་ཁྲོ་བ་ང་རྒྱལ་འདོད་པ་རྣམས་ཀྱིས་འགྱུར། །གང་ཞིག་སྦྱིན་པ་ལ་ཞུགས་གྱུར་པས་ཉིན་དང་མཚན་དུ་དེ་ཡི་བསོད་ནམས་འཕེལ་བར་འགྱུར། །གང་ཞིག་སྦྱིན་པ་ལས་ལྡོག་གྱུར་པས་ཉིན་དང་མཚན་
D363.077.0132a03.01དུ་དེ་ཡི་སྡིག་པ་འཕེལ་བར་འགྱུར། །དེ་བཞིན་ཚུལ་ཁྲིམས་བཟོད་པ་ཉིན་དང་མཚན་དུ་འགྱུར་ལ་རྡོ་རྗེའི་བརྩོན་འགྲུས་དེ་བཞིན་དུ། །ཤེས་རབ་ཐབས་དང་སྨོན་ལམ་སྟོབས་ཀྱི་སྦྱོར་བར་ལྡན་ཞིང་སྟོང་ཉིད་ཡེ་ཤེས་རྡོ་རྗེ་རྣམས། །དངོས་དང་དངོས་མེད་བྱེད་པོ་བསྒྲིབས་
D363.077.0132a04.01དང་ནམ་མཁའ་འཕྲོག་པར་བྱེད་པ་དང་ནི་མཆོག་གི་བདག །ནམ་མཁའ་མེད་ན་བྱེད་པོ་གནས་མིན་འདིར་ནི་གང་ཞིག་སྟོང་ཉིད་སྨྲ་བ་རྣམས་ཀྱི་ཚིག །སེམས་ཅན་རྣམས་ཀྱི་བྱེད་པོར་མ་བྱས་བསོད་ནམས་སྡིག་པ་དུས་རྣམས་ཀུན་ཏུ་རྣམ་པར་འཕེལ། །རྒྱལ་བ་སྟོབས་
D363.077.0132a05.01བཅུ་ལྡན་པ་ཡེ་ཤེས་ཅན་དང་ལྷ་རྣམས་ལོངས་མ་སྤྱད་པར་འཇིག་པ་མིན། །སོ་སོར་སྡུད་ལ་སོགས་པ་དྲུག་པོ་སྟོབས་བཅུའི་སྟོབས་དང་ལྡན་པས་སྟོང་ཉིད་བསྒོམ་པར་གསུངས། །མཚན་མོ་དུ་བ་ལ་སོགས་སྦྱོར་བས་སླར་ཡང་ཉིན་མོ་ནམ་མཁའ་མར་མེ་ལ་སོགས་པས། །
D363.077.0132a06.01སོ་སོར་སྡུད་པས་རྣལ་འབྱོར་པ་ཡིས་དུས་གསུམ་དངོས་པོ་ནམ་མཁའི་དཀྱིལ་དུ་སོན་པར་མཐོང་། །བསམ་གཏན་གྱིས་ཀྱང་དེ་ལ་ཤིན་ཏུ་སེམས་བརྟན་བྱས་པས་ཕྱི་རོལ་དངོས་པོ་རྣམ་པར་སྤོང་། །སྲོག་རྩོལ་གྱིས་ནི་སྲོག་གི་རླུང་དག་ཉི་ཟླའི་རྒྱུ་བ་བྲལ་ནས་མུན་པར་རྒྱུ་
D363.077.0132a07.01